1 Corintios 11:3 - La'aqtaqa Ñim Lo'onatac 'Enauacna 2013

³ Qaq nagui sauotaique da qauaỹachiñi de'era: So Cristo huo'o da 'enec da ilotalec ca ỹale, 'eeta'am ca ỹale da huo'o naq 'enec da ilotalec aca lhua. Qaq nache 'eetec Ñim Lo'onatac 'Enauacna da ilotalec So Cristo.

Nuevo Testamento Toba Sur

³ Qalaxayi ñishitaique da qauaÿajñiita da so Cristo nachiso so lqaic ca shiÿaxaua, qaq ca shiÿaxaua nachica ca lqaic aca lhua, qaq ñi Dios nachiñi ñi lqaic so Cristo.

Nuevo Testamento Toba Sombrero Negro

³ Qalaĝaja nayi jepaquetapega ta'le auayachiñe queda'me nach'eñe joñe'me Cristo mach'e laqai'j ena'uaque ga'me jiyaĝadipi, qama'le nach'e ena'am ñe'me jiyaĝaua mach'e laqaic jaga'me yauo, nataq'aen Dios mach'e laqaic ñe'me Cristo.

1 Corintios 11:3 Referans Kwoze

Génesis 3:16

Qataq 'enapega aso 'alo, 'eeta': «Ñequigaxatec qome da 'anque'eenaxac qom ivita da huo'o ca 'aỹa'alec, qataq ỹataqta huo'o da 'anqui'ic qom 'auco'o. Qalaxaye imalec qome da 'arauoche da 'arhua, qaq damaye 'am ilo'ogue qome.»

Colosenses 3:18

Qaq qami' 'alpi maye mashe qauaroñi, ỹataqta qaualaqaiguet ca qarhuai, cha'aye nachera da lataxac acam ỹa'amaqteetac So Qarataxala'.

Colosenses 1:18

Qataq So Cristo nacheso so ilotague' na ỹa'amaqten Somaye qataq ỹami' da lca'alaxa. Somaye nacheso so nqaic, qaq nam 'amqaanataxanaxaicpi qaq nachera da lo'ocỹaxac. So Cristo nacheso so la'auaxanec 'enauac nam huo'o. Qaq ỹoqo'oye nacheso so la'auaxanec da nca'aleeguesop da nleuaxa, da yaqto' nachaqsota 'oonolec Nataxala'.

1 Corintios 3:23

Qaq qami' qalaxaye qami' lalamaqa'ate So Cristo, qaq So Cristo lalamaxat Ñim Lo'onatac 'Enauacna.

Efesios 4:15

Chaqrato' da naua qara'aqtaqa qalaq ỹataqta 'eesora, qataq qomi' soxoraiqa, qataq ỹataqta nquictasheguem da no'on qarataxac, cha'aye ña'araqtaua'a So Cristo maye nacheso so Lataxala' na 'amqaanataxanaxaicpi.

1 Pedro 3:1

Qami' 'alpi maye mashe qauaroñi, añi 'oonole da qoñiita iuen da ỹalaxaguet ca lhua. Cha'aye da nache qoñiitec de'era, nache camayepi da saishet da ỹa'amaqten da na'aqtaxanaxac maye nachera dam no'on na'axaỹaxac, qalaxaye ila'a dam lataxac añi 'oonole da qoñiita, nache nachera dam ishet da da'amqaanataxan naqa'en. Saishet da iuen da qautaqaitecot,

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Colosenses 2:10

qataq Somaye ilo'ogue 'enauac nam saq cha'api maye huo'o da la'añaxac qataq nam damaxasoxonapecpi. Qaq ỹoqo'oye qami' qaica ca qaviñiitaique, cha'aye qana'ayeetaua'a Somaye.

Juan 14:28

Qami' mashe qaua'aqaichigui naxa Aỹem da sheeta', ashec, qalaxaye ỹoltaq qami' ñe'eguelaxalo. Qaq da ỹoqta 'eesa da Aỹem qauauochec, nache iuen da qantoñiitapeguec de'era, cha'aye Aỹem she'eguelaxa ca hueta'a Ñim Ita'a, qaq Ñimaye ỹactec da la'amaqchec saishet da sheeta'am.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Isaías 55:4

Aỹem sanem somaye da yaqto' aỹem ỹa'axat da da'aqtaxanem nam ỹotta'a't shiỹaxauapi, qataq nataxala' qataq ỹapaxaguen na ỹotta'a't shiỹaxauapi.

Isaías 52:13

Ña qaumichiñi, ñim ỹamaxashec dauegaxan qome, nache huo'o da la'amaqchec qataq qaỹo'oreetac qome.