1 Corintios 10:1 - La'aqtaqa Ñim Lo'onatac 'Enauacna 2013

¹ Qami' ñauochaxau' ỹaqaỹa't maye sa'amaqtenaqtac So Cristo, ñeshetaique da qami' qauaỹaañi da so hua'au qarta'alpi 'enauac somayepi ỹa'axasoxoolec aso auaxai le'enaxat auaxai togaxarai. Ñim Lo'onatac 'Enauacna ipelteetalec co'ollaxa somayepi so lo'oc na piguem.

Nuevo Testamento Toba Sur

¹ Cha'ayi qami' ÿaqaÿa't, ñishitaique da qami' qauaÿajñi so hua'au qadta'alpi da 'enauac somayipi hueto'ot so l'oc da nachiso lauegaxala', qataq 'enauac somayipi i'axasoxoolec aso auaxai l'enaxat auaxai togaxadai.

Nuevo Testamento Toba Sombrero Negro

¹ Ami yaqaya'olqa, 'noota qom anetoviñetaque dia'me jachiyojoĝogueta qadapidi jo'ne quetedapegue' ca'li di'me Moisés: ena'uaque jogaa'me dajotedalegue ga'me piyem lo'oc, nataq'aen ena'uaque paidiñgui ga'me noĝop let'a jo'ne lenaĝat da'me Noĝop Tomaĝadaic.

1 Corintios 10:1 Referans Kwoze

Éxodo 14:29

Qalaxaye na Israel le'ecpi ỹa'axasoxoota aso auaxai daqaqattague so llegueta, so 'etaxat qalaq choche nachaañi dos soua lpa'axaco, 'eco' npaqtaxanaxat, so laỹe pa'aigue da aloic qaq so lỹa laỹe, pa'aigue da ne'emaq.

Salmos 105:39

Qaq Ñim Nataxala' ipelteetalec naqa'en somayepi so lo'oc, qaq ye pe qalaq icoỹattalec na le'eraxa so norec.

Hebreos 11:29

So Israel le'ecpi nataqa'en huo'o da lpi'iỹaxac Ñim Lo'onatac 'Enauacna, ỹoqo'oye ishet da ỹa'axasoxoolec aso auaxai togaxarai, 'eeta'am naqa'en da deqaqtelec. Qalaxaye so Egipto le'ecpi co'ollaq huotaique da ỹa'axasoxoolec nataqa'en asomaye, nache 'enauac da 'ogaxaicpi.

1 Corintios 14:38

Qalaxaye da saishet da iqocha'a de'era, qaq camaye nataqa'en saishet da qauqocheetega.

Salmos 78:53

Ỹataqta no'on naqa'en da lqauaxac, yaqto' saishet da huo'o ca lcolanaxa, qaq so mpa'aguenaxauapi qalaq ỹapolec naqa'en na 'etaxat aso auaxai.

Salmos 66:6

cha'aye ỹo'otec aso auaxai da deqaqtelec naqa'en na 'alhua, nache so sachegoxosoxoguet qarta'alpi petañi da ỹa'axasoxoolec se'eso tala, ỹoqo'oye ñetonaqtapeguec Ñim Lo'onatac 'Enauacna.

Nehemías 9:19

qalaxaye saishet co'ollaxa da 'aualatalec ye toolec 'alhua, nda'a't da 'auauecta'aguet ye na'a'q qataq ye pe, souaxat da ỹataqta lta'araic da 'arauotaxanaqtaic. Ỹoqo'oye saishet da ca'ai 'anqa'en somayepi so lo'oc, maye ỹachaxaata'ague' da llec ye na'a'q, qataq ye pe nache icoỹattalec so norec le'eraxa, da yaqto' ỹauaategue so llec.

Josué 4:23

Cha'aye Ñim Nataxala' maye Qanatamnaxala'ai, 'imñi naqa'en so 'etaxat aso tala Jordán, da yaqto' ñanaxatague na le'ego qataq deqaqtegue naqa'en so qoyegueta, ỹe'enaxatchigui co'ollaq 'imñi naqa'en na 'etaxat so lche aso Auaxai Togaxarai da yaqto' qomi' ñanaxatague na le'ego asomaye.

Deuteronómio 1:33

qamaq Ñimaye nacheñita da hua'auta'ague da qa'aita'ague da yaqto' lca'aique ca huaña da qanmachiiuec. Qaq ye pe nache 'ettaigui naqa'en so norec da icoỹatta'ague so qoyequi, qaq da yo'oxoñi qalaq qami' ipelteetaleguete so lo'oc.»

Números 33:8

Qaltaq jec, chegoqchiguiña ye Pi Ajirot, ỹa'axasoxoolec aso auaxai, qaq co'ollaq ivitta ye toolec 'alhua, nache tres na'axa'te soua lqueuoxoqui' da quetalec yi'iye toolec 'alhua ye Etam, qaq co'ollaq ivita ye Mará, nache hua'a yemaye.

Números 14:14

nache yemayepi da'aqtaxanem qome na lma' ne'ena 'alhua, maye hua'aqteguelec naxa da 'Am Nataxala', qoueta'aguet ne'ena nhuo' le'ecpi, qataq da 'anachaxana qalaq ỹataqta 'auatata'aguet, qataq so lo'oc maye 'aralamaxat ipelteetalec 'anqa'en namayepi, qataq ye na'a'q hua'auta'ague da taỹa'ague, qaq ye pe qalaq 'ettaigui 'anqa'en somaye.

Éxodo 40:34

nache so lo'oc imattalec se'eso npe'l, qataq da llo'oxoyec Ñim Nataxala' ỹataqta imattalec somaye.

1 Corintios 12:1

Qami' ỹaqaỹañicpi, ñeshetaique da qauaỹaañita da lataxac na lachetaqtaxanaxatpi So Saqcha'a Na'añaxac Qui'itta maye ỹanem ñi 'oonolec na shiỹaxauapi.

Romanos 4:11

Qaq ỹoqta 'eesa da so Abraham qaỹauo'o co'ollaxa so la'anaxat na lo'oc da na'anaxat qanqa'en, qaq damaye ỹachaxan da Ñim Lo'onatac 'Enauacna ỹaconeguet somaye souaxat da huo'o da lpi'iỹaxac. Qaq 'era da 'eetec so Abraham da huo'omshe qoỹanagui da lta'a 'enauac nam huo'o da lpi'iỹaxac Ñim Lo'onatac 'Enauacna, na'aictaxa da saishet da qaỹauo'o ca na'anaxat na lo'oc.

Gálatas 3:29

Cha'aye da mashe qana'ayeetaua'a So Cristo, qaq nataqa'en qami' lalamaqa'ate llalqa so Abraham, qaq nataqa'en qauacoñiiguet qome cam ỹachaxanapec co'olloxocheye Ñim Lo'onatac 'Enauacna.

Romanos 11:21

Cha'aye Ñim Lo'onatac 'Enauacna, da imaqauec nam judiopi, nache nataqa'en ishet da nache 'eetec naqa'en da qoñiita.

Juan 4:20

Qaq som hua'au qarta'alpi co'ollaxa maye lma' na Samaria, somayepi co'ollaxa da natamnot Ñim Lo'onatac 'Enauacna, qalaq hualec añi qaỹoqotcheguemec 'alhua. Qalaxaye qami' judío lashe' qoñiỹapec da nacheye ye Jerusalén yem huaña da ñatamnaqot Ñim Lo'onatac 'Enauacna.

Romanos 1:13

Qami' ỹaqaỹa't, sauotaique da qami' qauaỹaañita da aỹem ỹataqta qalota da ñeshetaique da qami' ñeqo'onalo da yaqto' qami' ñauaneto, qami' maye qoviita'a na Roma. Qalaxaye sa qoue naxa na danaqtaxan. Huo'o da lta'araic iyaxa da qami' ñeqo'onalo da yaqto' sa'axat da no'on na'axaỹaxac, 'eeta'am da sheetec naua lỹa't 'aleu' yaqto' nquiguec na ỹa'amaqten So Jesús.