1 Corintios 1:8 - La'aqtaqa Ñim Lo'onatac 'Enauacna 2013

⁸ Qaq Ñimaye ỹataqta qami' nasoqchiyiñi, qami' iviraxatta'alo ca loga'tna, yaqto' qaica ca ỹauo'o ca qarasouaxashechi qom nvi' So Qarataxala' Jesucristo.

Nuevo Testamento Toba Sur

⁸ Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

Nuevo Testamento Toba Sombrero Negro

⁸ Nach'eñe ami 'yañaqate't chayovida'a ga'me p'ategue nolo', qaedi qaya'te ja no'en adejamaĝataĝaqui qom yovita ga'me nolo' da'me 'niyelaq joñe'me.

1 Corintios 1:8 Referans Kwoze

1 Ts 3:13

Nataqa'en seỹaxanaqtacot Somaye da qami' ỹanema ca qara'añaxaqui da qaumachiỹo'ot da qarpi'iỹaxaqui Ñim Lo'onatac 'Enauacna, qataq qami' ỹanema da ỹataqta qui'itta da qarquiyaqteỹaxaqui qataq qaica ca qarasouaxashechi. Yaqto' qom ñe'eguelaq Somaye da nnaictague' na qui'itta lamaxashecpi, nache qaica ca ỹauo'o ca qarasouaxashechi da qanachaachiỹot Ñim Lo'onatac 'Enauacna. Aja', nache 'eetec.

Colosenses 1:22

qalaxaye ỹachegoxotchigui naqa'en da nque'eenaxac qataq da l-leuaxa So Cristo maye ỹacona da lataxac ca yo'oqchigui shiỹaxaua co'ollaxa. Qaq 'eetec de'era Ñimaye, cha'aye nshetaique da qami' nachaalataxaneua'alo cam hueta'a qalaq qami' qui'itte' qataq qaica ca qarshepaxanaqai qataq ca qarasouaxashechi.

Filipenses 1:6

Qaq aỹem ỹataqta 'eesa ñaqa'en da Ñim Lo'onatac 'Enauacna maye chegoqchigui da qami' ỹo'oteque da no'on dalaxaic qarataxaqui. Ñimaye queto'ot da ỹo'ottac de'era, choche iviraxatta'a ca na'a'q qom ñe'eguelaq So Jesucristo.

2 Ts 3:3

Qalaxaye So Qarataxala' Jesucristo maye sa ỹatenachet ca la'aqtac, qami' itaua'n da yaqto' qami' 'añaxaiqa, qataq qami' ntelaqna'agueta na sa ỹaỹamaxañisat.

Efesios 5:27

Yaqto' qom ivita da nachaalataxaneuo Somaye na 'amqaanataxanaxaicpi, qalaq ỹataqta huo'o da lyacỹaxac, qataq qaica ca lshepaxanaxa, huo'otaq ca 'eco' lvigaxataxa, huo'otaq ca lỹa 'eeta'am de'era. Nachaqrata da ỹataqta qui'itta qataq nalochiguiñi.

Romanos 16:25

Ñim Lo'onatac 'Enauacna ishet da qami' ỹo'oteque da ỹataqta qami' 'añaxaiqa da qoviitaigui da dalaxaic achaalataxac maye qomi' ỹanema So Jesucristo. Qaq ỹoqo'oye ¡sho'oxorenaq Ñimaye! 'Era da ỹa'aqtac co'ollaq qami' sa'aqtaxaateguema da no'on na'axaỹaxac qataq co'ollaq qami' sa'aqtaxaateguema So Jesucristo. Qaq damaye nateeteguet dam 'eetapeguec Ñim Lo'onatac 'Enauacna maye qomi' ỹaỹaanaxanaxaneque dam saqcha'a co'ollaq saxanaxa da ỹo'ot ana 'alhua.

1 Pedro 5:10

Qalaxaye qom ime da qami' cara'ac da huo'o da qanque'eenaxaqui, nache Ñim Lo'onatac 'Enauacna qami' ỹe'eguelaxatalo da qaica camachaqca da qoñiita. Qaq ỹoqo'oye qami' saishet da qaỹa'axañiiuec da qarpi'iỹaxaqui Ñimaye; qaq Ñimaye qami' ỹanema da qara'añaxaqui da yaqto' saishet da qauqalvi qataq qami' ỹo'oteque da nache 'eetai' da huo'o da qarpi'iỹaxaqui. Qataq qantooñita'ac da Ñim Lo'onatac 'Enauacna maiche qomi' lca'agui'she, chegoqchigui naqa'en So Jesucristo da yaqto' ña'araxaua'a da qaica ca 'ena'am llo'oxoyec lo'onataxanaxac.

Filipenses 1:10

yaqto' ishet da qauaỹaañi da qalca'aiua'a ca ỹataqta no'on. Yaqto' da ivita da ñe'eguelaq So Jesucristo, nache qaica ca qarasouaxashechi, qataq qaica ca qami' ỹasaxaleguete ca qarasouaxashechi.

2 Pedro 3:14

Qaq ỹoqo'oye qami' ñauochaxau' ỹaqaỹa't, nagui da ña qauacheeta'aguet da yo'oq 'enauac de'era, qaq no'on da ỹataqta qanpogoxoiñiỹapegue' da qaulaquiichiguiñi da qoviito'ot Ñim Lo'onatac 'Enauacna, yaqto' Ñimaye saishet da qami' natenaleguete da huo'o ca qarasouaxashechi.

Romanos 14:4

Qaq qami' qaica ca qoñiqui da huo'otaq qoquiitapeguelec cam l-latac ca lỹa shiỹaxaua. Cha'aye cam na'aco' cam nlatac, nacheca ca ỹauo'o ca la'aqtac da talec naqa'en camaye da huo'otaq 'onaxaic ca lo'onataxanaxac qalqo' saishet. Qaq 'era da 'eetec Ñim Lo'onatac 'Enauacna da qoñiita, qataq nachaqñita da huo'o da la'añaxac da itauan ñi 'oonolec da ipactelec ca lo'onataxanaxac.

Salmos 37:28

Cha'aye Ñim Nataxala' ỹauotec da nalochiguiñi lataxac, qataq saishet da ca'ai ca quetegue Ñimaye. Qalaxaye nlaxaañi na qauemaicpi qataq saishet da huo'o ca no'onañi naqa'en na chegoxoguetpi.

2 Pedro 3:10

Qalaxaye qom ñe'eguelaq So Qarataxala', nache ca lle'eguelaxasoxoc 'eeta'am ca cachaxaic da pa'aigui ca nỹec da decachigui. Qaq que'eca na'a'q na piguem deqat, huetoigui ca lta'araic nllimiaxa maye qaica ca 'ena'am da lchec. Qataq ana huaqaañipi, qalaq qairolec ca norec da qailaxachigui, qataq ana 'alhua qataq 'enauac nam huetalec anamaye deqat.

2 Corintios 1:21

Qataq nacheñi Ñim Lo'onatac 'Enauacna, Ñim qomi' ỹanema qataq da qoñiita da ña'araqtaua'a So Cristo, qataq nacheñi Ñi qomi' lca'agui'she.

Salmos 37:17

Cha'aye naua lhua'q na qauemaicpi taỹa'alo da huaca'c, qalaxaye Ñim Nataxala' nllichiguiñi na no'on da lataxac.

2 Corintios 1:14

nam saxanaxa da ỹoqta qauaỹaañita. Huaña, nache qom ñe'eguelaq So Qarataxala' Jesucristo, nache qomi' qantoñiitapegueque, qaq nache 'ena'ama qomi' da qami' ñetonaqtapegueque.

1 Corintios 5:5

qaq iuen da ñi'iñi ỹale qoỹaneguet so pa'aguenataxanaxaic. Da yaqto' na'aictaxa da so pa'aguenataxanaxaic nlaxaañi da lo'ocỹaxac ñimaye, qalaxaye dam saqcha'a lca'alaxa qanca'alaxatec qom ñe'eguelaq So Qarataxala' Jesús.

Lucas 17:24

Cha'aye Aỹem Shiỹaxaua Llalec qom ñe'eguelaq, nache 'enauac da Aỹem qaila'a, 'eeta'am na nqashelgaxa da nqashilliguiñi, nache imata 'enauac na piguem.

Lucas 17:30

Qaq 'era qome da sheetec Aỹem Shiỹaxaua Llalec, qom ivita que'eca na'a'q da ñachaxan.

Romanos 8:19

'Enauac nam lo'onatacpi Ñim Lo'onatac 'Enauacna iuatta'a qataq ỹataqta lta'araic da lachetataic, da Ñimaye 'enauac qomi' ỹachaxanalo na huetalec ana 'alhua da ỹataqta qomi' llalqa.

1 Corintios 3:13

Ca lo'onatac ñi 'oonolec, yo'oq qom ivita ca pa'atec na'a'q. Cha'aye qom ivita ca pa'atec na'a'q, nache Ñim Lo'onatac 'Enauacna, ỹe'eguen na lo'onatac ñi 'oonolec. 'Eeta'am da qaỹe'eguenec ca norec ca no'onataxanaxat maye seuenaq da so'onataxanaxa.

2 Corintios 1:13

Qaq nagui seraxayiñi naua na'aqtaqa qataq nhuennataxaco maye saq ala'q da qaỹaỹate'n. Qaq huo'o da ñaquitaxac da 'enauac da qauaỹachiñi,

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

1 Ts 5:2

Cha'aye qami' mashe qauaỹaañita que'eca na'a'q maye lviraxaqui So Qarataxala'. Camaye huetoigui ca na'a'q da sa qaỹauapeque, 'eeta'am ca cachaxaic da quetagui ye pe.

2 Ts 2:2

da saishet qome da qalhuotta'a da qaỹashaxanec da qarhuennataxaqui, qataq saishet da qami' icolanaqche't da huo'o ca 'eetega da mashe ivita ca laloqo' da ñe'eguelaq So Qarataxala'. Cha'aye saiuena'a da huo'o ca datenataxan da 'eetega ỹa'aqtaxanaxan So Saqcha'a Na'añaxac, huo'otaq da 'eetega da qarapaxaguenataxanaxac, huo'otaq da seraqtalec ana qorere de'era.

2 Timoteo 1:12

Qaq nachera da huo'omshe huo'o de'era ñeque'eenaxac nagui. Qalaxaye saishet da ñecoqtac souaxat nam sevireguetpi, cha'aye aỹem saỹateeta Ñim hueto'ot de'era ñaquitaxac. Qataq saỹateeta Ñimaye da huo'o da la'añaxac da ỹo'ot da nache queta da qaỹa'axattac da no'on na'axaỹaxac, choche ivitta'a ca loga't ana 'alhua.

2 Timoteo 1:18

Qaq ỹoqo'oye huo'o da ñaquitaxac da So Qarataxala' Jesús da ỹaalec da lauotaxanaqtaic que'eca na'a'q qom Ñim Lo'onatac 'Enauacna nmit 'enauac na shiỹaxauapi. 'Am ỹataqta 'auaỹateeta da so Onesíforo ỹataqta lta'araic da ltaunaxanaxac co'ollaq souaqta'a ye Éfeso.