1 Corintios 1:10 - La'aqtaqa Ñim Lo'onatac 'Enauacna 2013

¹⁰ Qami' ỹaqaỹañicpi, qami' seroleguete da le'enaxat So Qarataxala' Jesucristo da qami' ñachoxoreetoiguilo da ỹataqta qanaỹaañeta't. Saishet da qaucolaqaitagui. Nachaqrata da qaica ca ỹaqpegueuga, 'oonolec ca qarhuennataqai qataq ca qoñiitapeguec.

Nuevo Testamento Toba Sur

¹⁰ Qami' ÿaqaÿa't, qami' sedolguete da l'enaxat so qadataxala' Jesucristo da qami' saqatalo da ÿataqta 'oonolec da qadtaxaÿaxaqui. Sa ishit da qaucolaqaitagui. Chaqdata da qaica ca ÿaqpeuga, 'oonolec da qadhuennataqai qataq ca qoñiitapeguec.

Nuevo Testamento Toba Sombrero Negro

¹⁰ Ami yaqaya'olqa, ñe'me Qadejaliaĝanec Jesucristo jayem namaĝaquena qaedi ami ñachoĝodenoto queda'me 'noota ta'le adaloi'ta't nale 'uo ga'me anenaĝachiyegue. 'Noota qom ja yodapecache naa'me ademiyapelo'te, dite ta'le ena'uaque ami ademi'ta't, nataq'aen 'noota qom ena'uaque ami onolec ga'me adelnataĝaqui.

1 Corintios 1:10 Referans Kwoze

1 Corintios 12:25

yaqto' de'era no'ocỹaxac, nache 'eetai' da na'atta't. Qataq ñi 'oonolec ỹataqta npogoxoinapegue' da itauan ca lỹa.

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

2 Corintios 13:11

Nachaqrata de'era, qami' ñauochaxau' ỹaqaỹa't. Qami' sequiita'ape qataq qami' seỹaxanoiguilo da nache 'eetai' da qauamaichiguiñi. Qanpogoxoiñiỹapegue' da qanquigaxachiitasheguem da no'on qarataxaqui. Aỹem qaualaqaiguet qome. Qataq qanaỹamaxayiñeeta't qataq qavi'imaqaitac. Qaq Ñim Lo'onatac 'Enauacna Ñim qomi' lauotaqa'ate qataq qomi' ỹanema da qarlagaxayec, Ñimaye qami' hueta'agueta.

Salmos 133:1

Ñaq qauloỹa da ỹataqta no'on qataq huo'o da lyac, da ỹataqta nhuoteeta't na nqaỹañecpi.

1 Corintios 11:18

Qaq sa'auaxaachiguiñi de'era, cha'aye aỹem qaỹa'aqtaxaateguem naxa da ivita da qalapoñiỹa't da qauo'onaxañi, nache saishet da qanhuooñiỹa't qataq qaucolaqaitagui. Qaq damaye sa'amaqten da 'eesa.

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

Romanos 16:17

Qami' ỹaqaỹañicpi, qami' ñachoxoreetoiguilo da ỹataqta qarvichiỹa'aguet qome nam colaxagui naqa'en na 'amqaanataxanaxaicpi. Namayepi ỹataqta dataỹa'aguet 'enauac nam qami' qaỹapaxagueneque. Qoquiỹa'ai qome namayepi,

2 Corintios 5:20

Qaq ỹoqo'oye nache qomi' la'aqtaxanaxanaqa So Cristo, qaq chegoqchiguilo naqa'en qomi' Ñim Lo'onatac 'Enauacna da 'eeta'am da qami' ñachoxorenaqtoiguilo. Qaq chegoqchigui So Cristo da qami' ñachoxorenaqtoiguilo, shenaqta': qanmañi' qome Ñim Lo'onatac 'Enauacna.

1 Corintios 4:16

Qaq ỹoqo'oye qami' ñachoxoreetoiguilo da qoquiitelec da ỹataxac.

Hechos 4:32

'Enauac so shiỹaxauapi maye ỹa'amaqten So Jesús, somayepi ỹataqta 'enauac da 'oonolec da qananomteguet nhuennataxac. Qaica da huo'otaq huo'o ca 'eetega da maiche lalamaxat cam hueto'ot.

Jeremías 32:39

Qataq sanem da 'oonolec da lhuennataxac qataq 'oonolec da llecỹaxac da yaqto' tatec da huo'o naq 'enec naqa'en Aỹem, qaq damaye maiche laỹamaxa namayepi qataq cam chegoxoguetpi.

1 Ts 5:13

Qaq ỹoqo'oye ỹataqta qauauo'oi naq 'enec qataq ỹataqta qauauochec souaxat na ỹo'otpi, qataq qoviitaiguio' da qami' lactrapiguiñi, saqca ca da ñi 'oonolec da qoñiita.

Romanos 12:1

Qaq ỹoqo'oye qami' ỹaqaỹarolqa, souaxat da lta'araic lqouagaxanaqtaic Ñim Lo'onatac 'Enauacna maye qami' ỹaaleguete, nache qami' ñachoxoreetoiguilo da ỹataqta imauec da qanachaalataxaqui da qaỹa'añiỹot da qauo'onataxañiỹot qataq qauo'oche cam ỹaỹamaxareeta Ñimaye. Qaq 'era qome da lataxac da qayo'oxonnataxanaxaqui.

Juan 10:19

Nache so judiopi co'ollaq hua'axaỹa de'era la'aqtac Somaye, nache qaltaq ỹe'eguelaxalec da colaxagui da lhuennataxac.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

2 Timoteo 4:1

Qaq de'era iqataxac 'am sami' nagui, ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo maye anac ca na'a'q da nachaxan da Nta'a, qataq nmit ñi 'oonolec na shiỹaxauapi maye ña nca'altauec qataq na mashe ileu.

Filipenses 3:16

Qaq de'era ỹataqta ỹaỹamaqchiguiñi, qataq iuen da nachera qome da qarataxac.

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

Juan 7:43

Nache na shiỹaxauapi colaxagui da lhuennataxac, souaxat da saishet da qaỹauatton So Jesús.

Marcos 2:21

Da huo'otaq huo'o aca togoshe npoto da huo'otaq colaqa'ague, nache saishet da qaỹapannaxana ca dalaxaicolec. Cha'aye da qaiỹo aca npoto, nache cam lapannaxat maye dalaxaicolec ỹe'eguena't, nache ishet da icolaxata'ague aca npoto ltoxoic. Huaña, nache nquigaxatec ca ltoxo.

Mateo 9:16

Da huo'o aca togoshe npoto da huo'otaq colaqa'ague, nache saishet da qaỹapannaxana ca dalaxaicolec. Cha'aye da qaiỹo aca npoto, nache cam lapannaxat maye dalaxaicolec ỹe'eguena't, nache ishet da icolaxata'ague aca npoto ltoxoi, huaña qaq nquigaxattec ca ltoxo.

1 Timoteo 5:21

Da iqataxac maye 'am sami' nagui ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo, nataqa'en na chegaqasheguem lamaxashecpi maye lca'aguishecpi Ñim Lo'onatac 'Enauacna. Ỹataqta 'aualaxaleco' qome da iqataxac. Saishet da huo'o ca 'amatalec da 'arauotaxat, qataq saishet da 'alca'agui na shiỹaxauapi.

2 Ts 2:1

Qom qaltaq ñe'eguelaq So Qarataxala' Jesucristo, nache qomi' sataxaguet Somaye. Qaq ỹoqo'oye nagui qami' ñachoxorenaqtoiguilo,

Gálatas 4:12

Qami' ỹaqaỹa't, qami' shenapegalo da aỹem qoñiỹa'am 'ena'am aỹem da qami' sheeta'ama. Cha'aye saishet da huo'o ca sa ỹaỹamaxañi aỹem qauo'ochec,

2 Corintios 6:1

Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

Romanos 15:30

Qami' ỹaqaỹañicpi, aỹem qami' ñachoxoreetoiguilo souaxat So Qarataxala' Jesucristo, qataq souaxat da nsoxoyec maye qomi' ỹanema So Saqcha'a Na'añaxac Qui'itta, da aỹem qautauañi qome da qanqouagaxauñiỹot Ñim Lo'onatac 'Enauacna da aỹem qanqouagaxauñiitalec.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

Romanos 1:13

Qami' ỹaqaỹa't, sauotaique da qami' qauaỹaañita da aỹem ỹataqta qalota da ñeshetaique da qami' ñeqo'onalo da yaqto' qami' ñauaneto, qami' maye qoviita'a na Roma. Qalaxaye sa qoue naxa na danaqtaxan. Huo'o da lta'araic iyaxa da qami' ñeqo'onalo da yaqto' sa'axat da no'on na'axaỹaxac, 'eeta'am da sheetec naua lỹa't 'aleu' yaqto' nquiguec na ỹa'amaqten So Jesús.

1 Corintios 1:11

Shenapec de'era, qami' ỹaqaỹarolqa, cha'aye huo'o na lauo' le'ecpi aca qarqaỹa Cloé aỹem da'aqtaxaatapeguem da huo'o na sa naỹamaxanna't da qoñiita.

1 Corintios 3:3

cha'aye ñaq 'eetalec da qoquiitaigui da qarapachiỹaxaqui. Ỹoqo'oye ña qannoita'a't, qataq qancotaitega't. Qaq 'era da qoñiitec da qaỹaỹaten da saishet da qoquiitaigui da lataxac So Saqcha'a La'añaxac Ñim Lo'onatac 'Enauacna, qataq qoñiita'am da lataxac ca shiỹaxaua maye ca'attague' ca 'eetapeguec da lapacheỹaxac.

2 Corintios 13:9

Qaq ỹoqo'oye da qami' 'añaxaiqa, nache qomi' ỹataqta samaqchiguiñi da qaica ca qara'añaxac. Qaq qolaqtot da ñeqouagaxaunaqtaleguete qami', yaqto' qanquiquiita'aguet da nalochiguiñi da qarpi'iỹaxaqui So Cristo.

1 Pedro 5:10

Qalaxaye qom ime da qami' cara'ac da huo'o da qanque'eenaxaqui, nache Ñim Lo'onatac 'Enauacna qami' ỹe'eguelaxatalo da qaica camachaqca da qoñiita. Qaq ỹoqo'oye qami' saishet da qaỹa'axañiiuec da qarpi'iỹaxaqui Ñimaye; qaq Ñimaye qami' ỹanema da qara'añaxaqui da yaqto' saishet da qauqalvi qataq qami' ỹo'oteque da nache 'eetai' da huo'o da qarpi'iỹaxaqui. Qataq qantooñita'ac da Ñim Lo'onatac 'Enauacna maiche qomi' lca'agui'she, chegoqchigui naqa'en So Jesucristo da yaqto' ña'araxaua'a da qaica ca 'ena'am llo'oxoyec lo'onataxanaxac.

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':

Marcos 3:24

Ca shiỹaxauapi maye hueta'a que'eca 'alhua da maiche deloguiỹa't, nache camayepi taỹa'a da nlaguiñi.