1 Corintios 1:1 - La'aqtaqa Ñim Lo'onatac 'Enauacna 2013

^1-3 Qami' ỹaqaỹa't maye qaua'amaqchiñiitac Ñim Lo'onatac 'Enauacna maye qoviita'a na Corinto: Qauacoñiiguet da iquinaxanaxac qataq ñi qarqaỹa Sóstenes. Aỹem Pablo huo'o da iyaxa da Ñi Qarta'a maye Lo'onatac 'Enauacna qataq So Qarataxala' Jesucristo qami' ỹanema ca lta'araic nsoxoyec qataq nlagaxayec. Ñim Lo'onatac 'Enauacna aỹem lca'aguishec, da yaqto' aỹem lamaxayec So Jesucristo, nataqa'en qami' lca'agui'she, da yaqto' qana'ayeetaua'a Somaye qataq qaualliquiitaigui na lalamaxatpi Ñim Lo'onatac 'Enauacna. Yaqto' qana'ayeetaua'alo qomi' qataq 'enauac nam ỹo'oxoreetac Som Qarataxala' Jesucristo maye huetalec 'enauac ana 'alhua.

Nuevo Testamento Toba Sur

¹ Aÿim Pablo, maichi chigoqchigui co'ollaxa ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Sóstenes.

Nuevo Testamento Toba Sombrero Negro

¹ Jayem Pablo, jo'ne jayem qoyiyaĝana qaedi jayem lamaĝajec joñe'me Cristo Jesús —naq'aeta da'me mach'e loequenataĝanaĝac joñe'me Dios— choqoñe'me qadaqaya Sóstenes,

1 Corintios 1:1 Referans Kwoze

Romanos 1:1

Qami' ñauochaxau' ỹaqaỹa't, maye qoñiitaña na Roma: Aỹem lo'onataxanaxanec So Jesucristo qataq aỹem lamaxashec, cha'aye Ñim Lo'onatac 'Enauacna aỹem lca'aguishec da yaqto' sa'axatec da no'on na'axaỹaxac maye iqataxaatai' da qaralamaxat.

Efesios 1:1

Qami' ñauochaxau' ỹaqaỹa't maye qoñiitaña na Éfeso: Qami' maye qami' lalamaqa'ate Ñim Lo'onatac 'Enauacna qataq qoquiito'ot da qaua'amaqchiñiitac So Jesucristo, cha'aye qana'ayeetaua'a Somaye, qami' samaxalo da iquinaxanaxac. Aỹem Pablo, maye aỹem lamaxashec So Jesucristo cha'aye Ñim Lo'onatac 'Enauacna, maiche lhuennataxac.

2 Corintios 1:1

Qami' qanauochaxauapi qarqaỹañicpi maye qoñiitaña na nỹecpi na Corinto qataq na 'alhua Acaya: Aỹem Pablo qataq ñi Timoteo, qami' samaxasaxalo da qarquinaxanaxac.

Colosenses 1:1

Aỹem Pablo, aỹem lamaxashec So Jesucristo. Qaq de'era ñamaxasaguec, damaye maiche chegoqtot Ñim Lo'onatac 'Enauacna. Ñi qarqaỹa Timoteo qataq aỹem,

Hechos 18:17

Nache huo'o so judiopi da ỹaconeua'a so Sóstenes som ilotague' aca paxaguenaxaqui, nache ỹataqta iuaxaatac, ỹauaachigui naqa'en so nta'a Galión. Qalaxaye somaye saishet da iqochetega de'era.

2 Timoteo 1:1

Aỹem Pablo, aỹem lamaxashec So Jesucristo, cha'aye nachera da maiche 'eetapeguec Ñim Lo'onatac 'Enauacna da yaqto' sa'axatec da nca'alaxa maye ỹachaxanapec co'olloxocheye. Qaq de'era nca'alaxa taỹot ca mashe na'attaua'a So Cristo Jesús.

1 Timoteo 2:7

Ỹoqo'oye Ñim Lo'onatac 'Enauacna aỹem ỹamaq da sa'axatem nam saishet da judiopi de'era no'on na'axaỹaxac. Qaq aỹem sapaxaguenec namayepi da ỹataqta 'eesa qataq dam naigui da qaipi'iỹa'a Ñim Lo'onatac 'Enauacna. ¡De'era ỹa'aqtaxanaxac ỹataqta 'eesa, saishet da satenataxaatac!

1 Timoteo 1:1

'Am ỹauotaxat Timoteo: 'Am samaxa da iquinaxanaxac. Aỹem Pablo, aỹem lamaxashec So Jesucristo, cha'aye Ñim Lo'onatac 'Enauacna maye Qarca'alaxaqui, qataq So Cristo Jesús maye hueto'ot da qanaquitaxac aỹem ỹamaxalec da sa'axat de'era la'aqtac. 'Am 'ena'am da ỹoqta 'am ỹalamaxat ỹalec. Ỹoqo'oye seỹaxaatacot Ñim Lo'onatac 'Enauacna maye Qarta'a qataq So Jesucristo maye Qarataxala' da ỹataqta 'am ỹauotec qataq 'am itauaatac 'enauac nam 'auo'otpi, qataq 'am ỹami' da 'arlagaxayec.

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Gálatas 1:1

Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa.

Hechos 22:21

Qalaxaye So Qarataxala' aỹem 'enapega, 'eeta': «'Aue qome, qojec, cha'aye ỹataqta qaỹoqtegue cam 'am samaxague, 'am samaxa qome nam saishet da judiopi.»

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

2 Corintios 12:12

Cha'aye da ñeualaxaunaxac co'ollaq qami' sootapegueto, qataq nam na'anecpi maye sa qaỹauanapigui, qataq nam ỹo'ot da na'aalaxa maye so'ot chegoqchigui da la'añaxac Ñim Lo'onatac 'Enauacna, nachena na ỹachaxan da ỹoqta 'eesa da aỹem lamaxashec So Jesús.

2 Corintios 11:5

Cha'aye aỹem sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi.

1 Corintios 15:9

Cha'aye aỹem qaica ca ỹa'amaqchec, saq shena'am na laỹepi lamaxashecpi So Jesús, qataq sa yaloua'a da aỹem qoỹanagui da aỹem lamaxashec Somaye, cha'aye secaatac na ỹa'amaqteetacpi co'ollaxa.

1 Corintios 3:9

So Apolo qataq aỹem qomi' no'onataxanaxau' da lo'onataxanaxac Ñim Lo'onatac 'Enauacna. Qaq qami' qalaq qoñiỹa'am ca nanqa' na trigo, qaq Ñim Lo'onatac 'Enauacna qalaq nacheñi ñim lalamaxat; nataqa'en qoñiita'am ca nỹec maye maiche lo'oxonec Ñimaye.

Romanos 1:5

So Jesús aỹem ỹachaxana da lsoxoyec qataq aỹem lca'aguishec da yaqto' so'onataxanot da aỹem lamaxashec, cha'aye Somaye huotaique da 'enauac na shiỹaxauapi ana 'alhua ỹalaxaguet qataq ỹa'amaqten Somaye.

Hechos 1:2

choche ivitta'a so na'a'q co'ollaq taigue da piguem. Qaq Somaye co'ollaq saxanaxa da taigue da piguem, nache ỹachegoxotchigui So Saqcha'a Na'añaxac Qui'itta da ỹanema da lapaxaguenataxanaxac soua lamaxa'she maye lca'agui'she, dam iuen da ỹo'o't soomaye.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Lucas 6:13

Qaq so lỹa na'a'q, nache iỹaxana so qalota ca'attague'pi Somaye. Ime, nache lca'aua'alo soua doce somayepi, nache ỹauo'oi lamaxa'she.

Hechos 1:15

Qaq se'esoua na'axa'te, nache so Pedro nachangui na laiñi so lqaỹañecpi maye ivi' ye ciento veinte shiỹaxauapi. Nache 'enapega, 'eeta':

Romanos 1:10

qataq nache 'eetai' da seỹaxaatacot Ñimaye da huo'otaq aỹem ỹasheeta, nache huaña qome qaq ishet da qami' ñamaqtegalo.

2 Corintios 8:5

Yemayepi de'era ỹo'ot, ỹataqta napacalec yem sepetaqtega da tachiguiña cam ishet. Hua'auñi da nañanot Som Qarataxala', ime, nache nataqa'en qomi'. Qaq damaye chegoqchigui Ñim Lo'onatac 'Enauacna.