Yòvdìy 5:5 - ŊWÀʼ NYÙY

⁵ Wír ve á nyoorì verí sí koóri nsən sér, a vèr sí kee keèn, là meemè.

Yòvdìy 5:5 Referans Kwoze

Yòvdìy 1:14

«Nyùy Tàr bàʼtí ne nyanyày ajay vém, e kùr é kimbùŋ e wó rəə́. Wù neèr ne e mǒ mbèʼ, m wéʼ. Wù wáy mo áàŋgaà vém vibàné wo, a bó yòʼ dzə̀ m bòy fo áwuné wo.

Jeremia 28:14

Nyùy Tàr woo Taà Mànjòŋ, mo woo Nyùy wìr veé Isray suuy jii, ‹M yíi neèr kimbùŋ ké kishà ki e vitúm vìn vidzə̀m ví mbèʼ, aá wáa beʼ. Áwune yíi a lìm fo Fòn Nebukadnessar woó Babilon. M yíi yiì sa, é nyám se kwaʼ si wáa lìm fo wun.› »

Jeremia 27:8

« ‹Yii bèy, a kitúm kee shó, kìn woŋ woo shóo lòo dzə, e tèn fó a lìm fo Nebukadnessar woo fon Babilon, a yiì mo sáʼ rəə́ taʼà, bo m lo, e màʼ ŋgeʼ fo. Rə́r sí yíi nəə́ fo, é jìŋ koó, é kifə̀ʼ ki wiy, e meé mo m yíi màʼtì Nebukadnessar, é wù laar fó ŋkuuŋkùŋ. Suuy mo woo Nyùy Tàr.

Remrí 28:48

Kí nén a dzə jii, vèn wíy a lìm fo aŋgaà vén vibàn ve Nyùy Tàr wíy tsənsí, aá ton vené. Vèn wíy a tooŋé jíŋ, a kpu kilòŋ ke yumén kí, a dzə kilor, a ghiy ghiyín é mvə̀m kitàn. Wù wíy yiì, aá wáy fáŋ kishàa e věn kilòŋ, e meé mo á wíy laàr ven.

Lim Aŋgàa Ntum 15:10

Mo kí dzəə̀n bey, kfən yiì ka, bo vèn wáa tàʼ ji á wáa tinsín Nyùy, a neèr kibeʼèy áàŋgàa biimé vìné mbèʼ? Kibeʼèy kee shooy ki dzə̀, a vèsən aàtàr vesəné‑eè mùm ne ntéŋ.

Matio 11:29

Vèn toór kimbùŋ a dzə̀ kém, a yu a dzə̀ fo mò. M yii géʼ e wíri géʼén, kér shilív shee nyaáŋ. Vèn ku wìy, e meèmè, é meliv men mè rəsin.

Yòvdìy 4:19

Aŋgàa vibàn vérí meè ne ji věv, e shaà mo lùŋ wo wiy yii sə́y fo ntoò yùv. Áwune jùm ne ver áàŋkoŋ, e nèn a teʼ lèn e kirə̀ʼ ké woʼ kí.

Jeremia 27:2

Wù‑uù yòŋ e mò jii, «Fèr kimbùŋ kí, é kí wáa ker akfəə̀ vee júv, e kùr e wò kilòŋ.

Jeremia 51:58

Á wíy bvəʼə́y kikum ke kày yeé ŋkàlaʼ Babilon, e tòn shuu se kày see fó mo sí fə̀m dàrkìn. Wíri lò vitúm vinín, e yèn ŋgeʼ, e bóo bàʼrì fó, a ŋgeʼ yev wíy lày kisáŋ. Lim yéví kù wíy shwi a dzə̀ é və̀y. Suuy mo woo Nyùy Tàr woo Taà Mànjòŋ.»

Mayka 2:3

Bìʼ bèy, Nyùy Tàr ló kfə́, e sùúy jii: «M sí báʼti ji m yíi màʼ ŋgeʼ e ven vee aŋgàa vinyò ve bi vií kitu. Yì yíi ghar ven fó vilòŋ moo fáŋ, a bó yòʼ dzə̀ wìr yù fóo fəə́r kitú fo fo. A bó vèn yòʼ kfə̀n wíy yu fó a ghan, a koʼór wún. Ghán sin si wíy a dzə sé ŋgeʼ ye tavín e věn wùn.

Yòvdìy 1:3

Wír veé Judàa yèn ne ŋgeʼ, à Jerusalem sho, e tùŋ akwiiròn, e jòkìnyàʼ, á jóʼsí, e koòrí áwune, e dù sho e vitum. Áwune sí sóm lèn e vitúm ví mvəm, sóm bèy, là kirə́ʼ ké a yòŋ ji nsay yev. Aŋgàa vibàn véví jùm ne áwune, e koò, a bó dzəə̀ ye á léʼ yòʼ kfə̀n dzə̀.