Yòvdìy 5:2 - ŊWÀʼ NYÙY

² Á lì ne nsay yer, e fò e vitúm vi, wír ve səné nəə́, e yòv láʼ sér.

Yòvdìy 5:2 Referans Kwoze

Tsəfaniya 1:13

Á wíy kuúy káv wóv, e kètì lav sév. Áwune baʼrì lav si, a bó á yòʼ wíy shiíy sho. Áwune biy vitiír vé *vayin, a bó á yòʼ wíy no meluʼ me á yii fer e báŋ sə́ sí. Suuy mo woo Nyùy Tàr.»

Aysaya 1:7

Á màʼày ne kitúm kén, kí kfə́n é vifə̀m, aàŋgaà vén vibàné tòn ne ŋkà sén sé laʼ. Áwune kù sí káv vifá fo věn sum sí, yí e věn si. Vitúm ve sən ví sə̀ʼsí ne viyíkìr fo věn nsay, e bìvír nsay yen.

Esiker 7:24

M wíy tsənsí vitúm, a dzə̀ ve ví tìŋèn é ŋàŋ, é ví wiy, e yòv lav sén. M wíy səʼə́r kiŋkoʼòrwùn ké antav vén, e yiì, é vitúm vi bívír virə́ʼ vén vé cù.

Esiker 7:21

Nyùy Tàr suuy jii, «M wíy kaynín bùʼ won, é vitúm vi wáa kuúy ji nsàʼmboʼ, e fo e wír liì kisaŋe ji kiyínsam, aá lór lorín.

Jeremia 6:12

M yíi màʼ kiwó kém, ghár wir dzə̀m wo wù dzəə̀n é nsay foo fèn, é lav sév wùn à vikìy véví, à kwáʼ sév sí du e wír ve səné. Suuy mo woo Nyùy Tàr.

Aysaya 63:18

Lav cù yè‑eè dzə̀ e wír vé vee jeéy víné kiwo fo shintàm shishàr, ké lèn ki, aŋgaà vér vibàné laàr ne lav cù yè yee shooy.

Aysaya 5:17

Ŋkàlaʼ yev wíy kfən ji kirə́ʼ kee fo njiì wíy a ceè viŋgà é wùn, é wón nyàme wìy a ghan, a bòn yí e wùn, e vifə̀m ve vé bùʼu màʼtìn.

Nsùyrì Nyùy 109:11

Wìr wo wù kaá wun ku koò kifá kfə́ kidzə̀m ke wù kérí. Viŋgwìy vi ku faàsì kéŋ rə́ e dzə̀m.

Jeremia 17:4

Vèn wíy màʼtì vitsə́ʼ ve mò‑oò foon e vèn, e dù, a rèŋ a dzə̀ vikwàn aàŋgaà vén vibàné sar e wòŋ wo vèn yòʼ kiìn. A dzə̀ bìʼ fo vèn ŋaʼarin dòʼshwíiy wom, wù kóʼ, a baarí moo və́y, e làa yòʼ a ndzəmén.»

Hosea 8:7

«Wír veé Israyi kù sí wáy a dzə̀ ŋgoòy vinyò ve bi ví, a kee shooy ki kù dzə̀ shwér. Á gísin, wáy bèy, aá kù yíi kav a dzə̀ ŋgeʼ, kù mo kinsəm ki teè vifá, e laàr ŋkuuŋkùŋ. Kwáʼ wóví dzə̀, a vitú ve saŋ ví yòvrí ne, a bó sáŋé yoʼ kùr shó. A kí fə̀m kòóy ji yí kúr, bo kù wíy yi viŋgwìy.

Hosea 8:8

Vitúm vi rèŋèr ne vitaáví vé Isray, aá kù sì e vitúm ví mvəm moo kimbvə́ʼ ke kìŋ.