Yòvdìy 5:12 - ŊWÀʼ NYÙY

¹² Áwune sə̀ŋ ne vilìmbìy vér é yuv fó wo, ví kpúkír, a bó á yòʼ fə̀m ghvə́m vé saʼ vér.

Yòvdìy 5:12 Referans Kwoze

Yòvdìy 4:16

Dzə̀ Nyùy Tàr kitú kfə́, wo wù‑uù taʼarin áwune, a bó wù yòʼ dzəə́ kér shíi wov. Bó wìr yòʼ‑oò dzəə́ yúnin atàá cù, a bó á yòʼ‑oò dzəə́ ghvə́m vilìmbìy.

Aysaya 47:6

Mò‑oò shwìíy kilòŋ é ŋàŋ vèr à wír vémé, e nə̀ʼsì áwune, kù moo ji bó yòʼ dzə̀ə́ a wír vém bey. Mò‑oò màʼtì, ven veé Babilone tón áwune é shùu rər, yii bèy, a bó vèn yòʼ‑oò lo shàm mendzən mev. Jòkìnyàʼ, vèn yií, wír vee ŋgày sé wìri wáa yen ŋgeʼ, yì wáa shaà vitaáví vév.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Yòvdìy 2:10

Kfə́m sé wìr seé Sion si sèsín ne fo nsay, áwune sèsín ne, a dzə kisə́sə kisə́sə. Áwune fə̀vrì ne kitú e kibvər ki, e màʼ vinsàʼ ve ndzə̀y é wùn. Ké wónlě ŋgòn veé Jerusalem, á jòór ne a dzə̀ vitú e nsay.

Cù 19:32

«Vèn wáa ghvəm ŋgày sén sé wìr, a gvəʼtí, a ghvəm mo woo Nyùy Tàr é mbòómbòŋ. Dzə̀ mo woo Nyùy Tàr.