Yòvdìy 5:1 - ŊWÀʼ NYÙY

¹ Éè Nyùy Tàr, kú a kuumé kinyo ke kí kooyin ver kí. Ku lèéy, e yèn nshoórsí wo wù nəən ne ver.

Yòvdìy 5:1 Referans Kwoze

Habakuk 3:2

Éè Nyùy Tàr, m dzə̀ a m yú vinyo ve à yiìn. Éè Nyùy Tàr, m yèn vinyo ve à lìmèn, a ker gháʼ. Kú a fiyír vinyo vìn vi e věr ghan, ku yiì, aá wáa kiíy e ghan fen. A kilòŋ kí fə̀m shwiiy wò e le, à kù a sham ver.

Yòvdìy 3:61

Éè Nyùy Tàr, à yù ne mo á shur mo, aà kì dzə́ə sidzə̀m se áwune wóŋ wúu yém shó.

Yòvdìy 3:19

M lóo kuumé ŋgeʼ sém, à ján ye m ghán, jánée, kí wàa dzə fo mò mo wìr nò lúylúy.

Yòvdìy 2:15

Wìr dzə̀m wo wù shaa e dzəə, sí jaʼ wò jáʼan. Á shaa, sheŋ kitú, shéʼ ŋgònjuù yee Jerusalem. Á shéʼ, yoŋ jii, «Ábaáy, á ŋkàlaʼ ye vé‑eè yoŋ ji yì bòŋ à? Á ŋkàlaʼ ye yì‑iì bòŋèn, e shaà ŋkà se laʼ sidzə̀m à? Á ŋkàlaʼ ye wìr dzə̀m woó kitu ke nsay shéʼri à?»

Jeremia 15:15

M nèn bìnèr jii, «Éè Nyùy Tàr, à kì féyì, ku kuùmé mo, kuúme, à wàa leéy mo. Siìr ŋkfə́tír áàŋgaà vém vibàné. Wò, wo à yòʼ yii táv shwiiy kilòŋ, lá à yòʼ laàr mo. Kuúmé ŋgeʼ se m yenen ne bìʼ kinyo ké si.

Nsùyrì Nyùy 79:12

Éè Nyùy Tàr, ku siìr ŋkfə́tír e vitúm vìn vi kàŋ là táŋ, ŋkfə́tír woo bìʼ liy se áwune kuùn ne wò sho.

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Nehemia 4:4

M nèn a bùnrì jii, «Éè Nyùy wor, yuúrí, e yù, á sí ŋwáy ver ŋwáyín. Siìr jí sév sí aáwuné kitu, e tsə̀nsí áwune é kwaʼ nsàm, aá du, a rèŋ vikwàn.

Ŋwàʼ Luk 23:42

Wù nèn yòŋ jii, «Jesus, lóo wìy dzə e ghan se à sí sáʼ vifon vé, à kù kuùmé mo.»

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Yòvdìy 1:20

«Éè Nyùy Tàr, ku yèn, ŋgeʼ si sùm ne mo. M sì a dzə̀ é mvə̀m nyar, a shilív shí sí sáv mo sávín, a dzə̀ bìʼ fo m tavin kitú wòsò e ŋàŋ. Á fəə́ e dzəə sí, á yèn wír ve á kpuun rə́r, lóo nəə́ e mvə̀mlaʼ, á yèn ve á kpuun jíŋ.

Ŋwàʼ Jov 10:9

Kuúmé ji wò‑oò lì a dzə̀ nsay mbóm, e bòm mo shó. À yíi lò, e bvəʼə́y mo, é m kfə́n é nsay à?

Ŋwàʼ Jov 7:7

«Éè Nyùy, kú a kuumé ji dzəʼə̀m yémé dzə̀ shwér, a bó m yòʼ dzəə́ wìy yu vijuŋ e mǒ dzə̀ʼə̀m.

Nehemia 1:8

Kuúmé kinyo ke wò‑oò suuyin e Mooser woo ŋgaà lìm wò ki. Wò‑oò yòŋ jii, ‹A vèn lòo dzə, e ŋwày vinyo vém, bo m yíi taʼár ven e vitúm ví mvəm.

Nehemia 1:3

Áwune suúy e mò ji wír ve vé‑eè bòyìn fó kiŋkoo, e kfə̀n é Judàa dzə̀ á e mvə̀m ŋgeʼ ye tavín wùn à nshoórsí, a kay yeé Jerusaleme kù dzə̀ə́ a bèy mo vé‑eè kèrìn, a shuu se kày si kù dzə̀ə́ saa mo vé‑eè tònèn.

Nsùyrì Nyùy 119:153

Ku lèéy ŋgeʼ ye m yéné, e fə̀ə́r mo fó fo, bìʼ fo m yòʼ laysìn Nsər yè.

Aysaya 62:6

Nyùy Tàr yoŋ jii: «Éè Jerusalem, m lèm ne vé ŋkiyi e věn kitu ke kày yeé ŋkàlaʼ. Áwune kù yíi a dzə fo e shùy, à vitsə́ʼə́, a fuŋ kinyo ke á yéné, a bó áwune yòʼ wíy sətí shuu.» Á bèy, ven vee vé ŋkiyi ve vèn kér fó a kuumé kíghàʼ wìr veé Isray e Nyùy Tàr, vèn wáa yen fó yàr lim ye vèn kér fó yiì.

Yòvdìy 3:50

e meé mo Nyùy Tàr wíy màʼ sí fo ntoò yùv, e yen.

Nsùyrì Nyùy 74:18

Éè Nyùy Tàr, kuúmé mo aŋgaà vé vibàné shéʼ wò, a viyúŋ vé wìr vi bívir yír yé.

Jeremia 51:51

«Vèn yoŋ kén jii, ‹Á shòór ne ver, aá sí kuu ver kúun, yii, a vèr woóme, a dzə̀ bìʼ vitúm ve ví‑iì loòn, e nə̀ə́ e Nyùy Tǎr lav, e bìvír virə́ʼ vee jeéy ví, ve dzəə̀n vé Nyùy Tàr.›

Yòvdìy 1:9

Lóm sə́ sí lòr ne e wùn ndzə̀y, bó wù yòʼ‑oò lo yiì a kwàʼtì kimaysì kfə́ kin. Á bèy, e nèn gbù e dzəə ye biibí, la ŋgaà sham yòʼ a dzə. Jerusalem sí tóŋ jii, «Éè Nyùy Tàr, ku yèn ŋgeʼ sém sí, ŋgaà vibàn wom màʼ ne mo.»

Yòvdìy 1:11

Wìr dzə̀m woó Jerusalem sí shwíkir shwìkín, ghán, taʼ kifá kée luʼ e shuù. Áwune sí li vifá veé shií, káv viyíkìr sho, viyíkìr vée yi, a dzə atin. Jerusalem sí tóŋ jii, «Éè Nyùy Tàr, ku yèn mo á sí nyaysì mo.»