Yòvdìy 4:9 - ŊWÀʼ NYÙY

⁹ Yì‑iì bòŋ ké wìr ve vé‑eè kpuun yé rər, e shaà ké wìr ve á kpú yé jiŋ. Á lo, jìŋ rèŋèr áwune é mbòŋén, á wàa kpukír, là kifá kée luʼ e shuù.

Yòvdìy 4:9 Referans Kwoze

Esiker 24:23

Vèn ku ndzə̀m tán sí e věn vitu, e wàyrí alábáʼá. Lá vèn yòʼ a dìy, a sòv kitú. Vèn yíi lò, a rèŋ, a mày a dzə̀ bìʼ ajay vén, é wìr wáa shwem, a leéy wùmòʼ.

Cù 26:39

Wíri bér aàŋgaà vén vibàné nsay ashàr, aá ku rèŋ fo réŋen bìʼ ajay vév, e kfə̀n a rèŋ sa bìʼ ajay atàr vév ve á kù dzəə́ ron wúu yév.

Esiker 33:10

«Wàn wìr msòŋ, suúy e wír veé Israyi ji vèn lo, kù goʼ jii, ‹Njò yer wùn à lòn wórí dzə̀ e věr kitu, nèn reŋèr ver, bo a dzə̀ vèr lùŋ é le?›

Jeremia 16:4

áwune wíy a jòy ayàsí ve bií, a kpukír. Bó wìr wó a dìy áwune yòʼ wíy a dzə, kìn wo wù dzəəme. Dzə́n sév sí wíy a neŋnín e virə̀ʼ moo jáŋ. Áwune wíy kpu rə́r, e kpu jíŋ, é menə́n wùn à nyám si kfə́r dzə́n sév.»

Ŋwàʼ Fəə 16:3

a suúy aáwune jii, «Yì‑iì bòŋ ke Nyùy Tàr yúyrí ver é Ejiv fo vèr‑iì dzə́, yí kibán e nyàm, a bvəm yérí kúrí, e shaà ke vèn li ver, e wìy sho fèn, e màʼtì ji màŋgòŋ və̀n e dzə̀m kpú jíŋ.»

2 Afòn 25:3

Wáa dzə e kishiíy kee bvə̀ʼə̀ fo ŋwee woo kweè, e kiya foo fèy, a jìŋ sì é ŋkàlaʼ e távín, a wír vee fóo yòʼ dzəə́ kér kifá kée luʼ e shuù,

Remrí 28:51

Áwune wíy sàʼ nyám sén sáʼan, e laàr vifá ve yi vén, e meé mo vèn wíy rèŋ, e mày. Á yòʼ wíy ber kifá e vèn, kìn dzə̀ ŋgoòy kifa, kìn meluʼ, kìn meŋgvə́r, kìn wan nyàm, kìn wan bvəy, kù bey, e dù, e meé mo á wíy səʼsí ven, é vèn kpúkír.

Aysaya 22:2

Kiyor ki kù sí kóʼ virə́ʼ vidzə̀m, a ŋkàlaʼ dzə̀m kù sí biŋrì bìŋrìn, a mvə̀mlaʼ e dzə̀m kù sí shéʼri rə́r se á bòyìn fó fo. Yii bèy, a bó wír vén ve á yén ji á kpù é shùu rərí yoʼ kpù yé rər, a bó áwune yoʼ kpù a dzə̀ yé nyùy rə̀r.

Esiker 4:16

Wù kfən yòŋ e mò jii, «Wàn wìr msòŋ, a kí fə̀m dzə̀ é le, bo m kù yíi fàr viyíkìr fo Jerusalem. Áwune wíy a fìʼ kibán fo fíʼin, e bó a yi, aá wíy a yi e kindzə́m kí. Ké mendzə̀v, aá kú a fìʼ sa fíʼin, e bó a no, a no fan fan.

Esiker 7:15

Rə́r sí yíi a teè wíri é ghaŋ se ŋkàlaʼ, é kifə̀ʼ wùn à jìŋ wáa yuyrí e mvə̀m ŋkàlaʼ. Wìr lóo dzə e ndzə, é wù kpú yé rər, wìr lóo dzə e mvə̀mlaʼ, e wù kpú yé jiŋ, kìn yé kifə̀ʼ.