Yòvdìy 4:8 - ŊWÀʼ NYÙY

⁸ Lèn wáa dzə, aáwune sí sə́n moo ŋwaáné. Wìr yòʼ kfə̀n yén áwune é dzəə, wù kìíy. Wún wóví taàŋè ne, e mày, á yúm, a dzə moo shiŋkúnŋkun.

Yòvdìy 4:8 Referans Kwoze

Yòvdìy 5:10

Jìŋ koò ne ver, kinjàʼ ki shúr, wúné wáa lùm, lum, ríʼsin, kù moo ji vèr tò é kiy.

Ŋwàʼ Jov 30:30

Jùv wùn sə̀nrí ne mo, e lò, e kèʼ, a yuùvì, a m koó kinjàʼ kinjàʼ, a wúné shwí mo shwiín.

Nsùyrì Nyùy 119:83

M sì moo júv ye yì sə́ŋ e sikiy, yii bèy, a bó m yoʼ làysìn sáʼ yé.

Ŋwàʼ Jov 19:20

Vighvə́r vém ví tàtí ne tátín e mǒ wùn, m bóy fó kpu ji cóʼ.

Nahum 2:10

Nineve sì é vifə̀m, wù sì é ŋgèŋgèr, a sì kirə́ʼ kisáŋ. Fane shèr ne melív me wíri, ŋkoŋ si shwáʼsín wíri shwáʼsín, vitaáví ví máy, síi sə́n wir dzə̀m sənén.

Joel 2:6

Sí meʼèmè, wíri wàa fàn, a yàʼ, meʼèm, á wàa kìʼ arəə́yín.

Aysaya 52:14

Yii bèy, wíri‑iì yèn wun, kí wáa jivír áwune ji sà kù yòʼ dzə̀ wun a? Vé‑eè méŋnin bèy, a wún vəə́ sì e forkìn, a wù yòʼ dzəə́ kiʼ e njà wìr. Wún vəə́‑əə̀ sòrkìr féyì, a bó wù yòʼ dzəə́ sə́nin wir msòŋ.

Nsùyrì Nyùy 102:11

Vishiíy vém ví sí mayì moo kindzə̀ə́ndzəm keé kintoŋrìshùy, a m sí yóvri moo viŋgà.

Nsùyrì Nyùy 38:3

Wúné yòʼ dzə̀ mo shó, a dzə̀ bìʼ dòʼshwiiy wò, a kighvə́r kém kí yòʼ dzəə́ tár kímóʼ kí bìʼ jay wom.

Nsùyrì Nyùy 32:4

Wò‑oò ndzə́n mo é ŋàŋ, ndzə́n e shùy, ndzə́n vitsə́ʼə́. Vitaáví ví máy fo mǒ wùn, may màyìn mo vibuushì ví yòvrí e lùm.

Ŋwàʼ Jov 33:21

Wù lo, wù yùm, e kfə̀n ji shiŋkúnŋkun, vighvə́r ve bó á yòʼ‑oò yén vi fəə̀kír.

Ŋwàʼ Jov 2:12

e yiì lòo màʼ sí, e yèn Jov, aá dzə̀ə́ fo shintàm, e làa yòʼ dzə́ə kiíy wír woo shó. Á nèn waàmé a dzə̀ tóŋ, e sàtì vikúm fó wùn, a dìy, a kuúy kibvər, a waŋ e yuv,

Ŋwàʼ Luk 10:11

‹Kibvər ke vèr liìn fo věn ntèʼ fen ki kìne mo vèr sí kfətì fo věr wuù. Kí ku kfə̀n e věn vitu. Yii bèy, vèn ku yòʼ a kiíy ji ghán se Nyùy sí wìy a saʼ vifon və́ sí sì á fo mentsə̀m.›