Yòvdìy 4:7 - ŊWÀʼ NYÙY

⁷ Wón ntoʼ veé Jerusaleme‑eè dzə̀, aá rəsìn ji lìŋ. Áwune‑eè bavkìr moo shiŋgvə́r. Vé‑eè dzə̀ abíyín moo biì, kiʼ anjaʼkìn moo *síbaŋ yee safiri.

Yòvdìy 4:7 Referans Kwoze

Nsùyrì Nyùy 51:7

Shàʼàr jay wom, é m wáa dzə kiránén, e sù mo, é m rán ji pěy.

Yòv Viŋgér 5:10

Vikìy veé Jerusalem, ŋgaà ŋkòŋmé wom və̀n kér nshòm ye baar, a wù kfə̀n kiʼ e távín ji ŋkǒŋ, aá tìír vilum nsə̀kì e ghvə̀m, la wùmòʼ yòʼ dzə̀v kiwó kfə́.

Nsùyrì Nyùy 144:12

Ku yiì, é wón vér vee wónlě nsùme wáa kuy, a tiy ji ŋkǐŋ moo kicí ke kí kuyin ne, e tìím, é wón vér vee wónlě ŋgòne wáa bòŋkìr moo wúr seé ntoʼ, wúr se á tuuyin ji sí wáa tom kór se lav seé ntoʼ kishìíy.

1 Samuel 16:12

Jessi nèn tùm, á jàŋ, wù wíy. Wù‑uù dzə̀ wánlè nsùm, a wù kiʼ kijuŋ, kfə̀n kiʼ kitávín, a sí rəə́ tókirì. Nyùy Tàr suúy e Samuel jii, «Və̀n dzə̀ wùwun, yóʼ wun.»

Daniel 1:15

Á yiír áwune e nyóo see shooy si, kishiíy kee ghvə̀m ki shaá, á wáa kìʼ bèn atávkín, e kfə̀n rùnkír, e shaà wónlě nsùm ve vé‑eè yí viyíkìr ve ntay ve fòn yí.

Atǎr Nsaʼ 16:17

Á bèy, Samson nèn fèr bvəm rə́ shó e dzə̀m, e sùúy jii, «Keme yòʼ‑oò ghàn ne kùm kitú kém, bìʼ fo Nyùy‑iì shoʼon ne mo ji wir Nasir woo jeéy, a m dzə̀ə́ e yè wór bvə̀m. Aá lòo dzə, e kòm kitú kém, bo vitaáví vém ví mày ne. Bo m kù sí lo, e wèʼ wèʼèn, a dzə moo wír ámóʼó.»

Atǎr Nsaʼ 13:7

Wìr woo shooy kì sùúy e mò jii, ‹M yíi tiím a bvəm, e dzəə́ wán lumèn. Wù kfə́n a shìvìr ji m wáa yen a fóo no meluʼ, kìn kifá ke tavín kímóʼ kí, e kfə̀n a yen a fóo yi kifá ke nsər yòŋèn ji ke kí kér kifàn. Wù kì sùúy ji lá m yòʼ mùm a, bìʼ fo wan wo m yíi dzəə́, dzə̀ á wo Nyùy shoʼon ji woo jeéy ji wir Nasir, a wù kù sì bey, e kèʼ fo bvə̀m, e dù meé mo wù wíy kpu.› »

Atǎr Nsaʼ 13:5

Kí dzə̀ jii, à yíi tiím bvəm, e dzəə́ wán lumèn. Á yen fóo wìy kom kitú ke wan və̀n, bìʼ fo Nyùy‑iì shoʼon ne, é bo á wìy a dzəə́ ji woo jeéy ji wir Nasir. Kù wíy kèʼ wun, a bòyìr wír veé Isray fo veé Filistiàá wo.»

Ŋwàʼ Luk 1:15

Wan woo shoon wíy a dzə wír wo kuʼùn e Nyùy si. Kiyoy ke Ranén kí wíy run e wùn shiliv, é bo yè wov wìy a dzəə́ wun, a bó yòʼ dzə̀ wù wìy nò kifá ke dzə̀ kí koò wír e njà melùʼ.

Ŋwàʼ Jov 28:16

Aá fə̀m fìʼ kisha ke mbàm ke baar keé Ofir e le, kìn *síbaŋ yee oniks, kìn yee safir, bo yòʼ dzə̀ yí yùn.

Ŋwàʼ Jov 28:18

Káv vifií kùy, e shaà kfə́ə saàkìnshìy e dzə̀m, a bó yòʼ dzə̀ á lì, a fìʼsìn e *síbaŋ yee koràa, kìn e síbaŋ ye yí rán moo kileèyi.

Yòv Viŋgér 5:15

Shwín sə́ sí dzə̀ moo vitóm ve á fèrìn e tíy ye á sém, fer vifá shoo, vitóm, aá fér, e tìír e viyìy vee *kisha ke mbàm ke baar kí. Wù kiʼ fo si bèn ji ŋkǒŋ moo Gwan Lebanon, tíy e yuv ben moo vicí vé *sidar vee fó.