Yòvdìy 4:5 - ŊWÀʼ NYÙY

⁵ Wír ve vé‑eè rə́si bon vifá e wùn, á sí toóŋe jíŋ e mentàrnín. Ve vé‑eè kuyin é mvə̀m fùʼ, á sí ghán lèn, síy a dzə̀ vinsíy.

Yòvdìy 4:5 Referans Kwoze

Ŋwàʼ Luk 16:19

Jesus kfə́n a fèr jii, «Ŋgaà kav wùmòʼ‑oò dzə̀, a wù wáyri wún é ŋàŋ, rə́si vishiíy vidzə̀m, yí a dzə̀ kitú kfə́.

Ŋwàʼ Luk 15:16

Wù nèn dù, a shìy, la wìr yòʼ fə̀m a fo kifá ke yi sho. Wù lo, wù nèn a leéy ji bo wun kì yí sa vighuv ve vifa ve kǔnnyàm kì yí.

1 Timoti 5:6

Yii bèy, a wiíy ŋkfə lò, a ghan kfə́ ghanén, a yi woŋ, bo dzə̀ ji mo wù fə̀m ŋeʼè, wù kù kpù ne a fo Nyùy mbìv.

Ŋwàʼ Luk 7:25

Wù yòʼ‑oò dzə̀ bey. Bo vèn‑eè fəə̀ ji á du, e yen a dzə̀ wír woó le, wír wo wù rə́si wáyri wún a? Vèn kì sá jii, wír ve á yii wáyri wún, yí vitú véví yii rə́si kév a dzə̀ é ntoʼ.

Ŋgàn 31:21

Wù yòʼ yii fan ji dzə̀ kintòn ki yiì kinyo e kfə́ə rəə́, bìʼ fo kfə́ə rəə́ maʼ ndzə̀y se sí kér kisər.

2 Samuel 1:24

«Éè wòn veé Isray vee vikìy, vèn diy Saul. Wù‑uù màʼ ndzə̀y e věn wùn, ndzə̀y see náŋsín e làv wo fəvír woo fèm. Wù‑uù wàyrí vifá ve sùsù vi e věn ndzə̀y, vifá vee fèr e *kisha ke mbàm ke baar kí.

Ŋwàʼ Jov 24:8

Wuú ló áwune áàgwan, tín aáwuné kitu, aá nèn nyéŋ, kúʼti a dzə̀ é sar se vilála ji kibeey.

2 Afòn 18:27

Yii bèy, mfòómé bìnèr aáwune jii, «Vèn kwaʼ ji fòn tùm mo ji m tiísí ntum rə̀n a dzə̀ e vèn à fòn cáʼcáʼ à? M súŋnin sa e wír ve á dzə́ e kitu ke kàyi. Áwune dzə̀ ben, aá kù yíi a yi sa jáŋ yév, a no mejiiyì mev moo ven.»

Yòvdìy 1:11

Wìr dzə̀m woó Jerusalem sí shwíkir shwìkín, ghán, taʼ kifá kée luʼ e shuù. Áwune sí li vifá veé shií, káv viyíkìr sho, viyíkìr vée yi, a dzə atin. Jerusalem sí tóŋ jii, «Éè Nyùy Tàr, ku yèn mo á sí nyaysì mo.»