Yòvdìy 4:3 - ŊWÀʼ NYÙY

³ A fə̀m dzə̀ nyám yee koosàʼ, bo yì kù yii nyoor wón və́. Yii bèy, aàyǐy won veé Jerusaleme lóvti e véví, moo shinə́n sheé woʼ shee *ostrish she shí lo, shí yàʼáy wúm.

Yòvdìy 4:3 Referans Kwoze

Esiker 5:10

Bo dzə̀ jii, atàrí wíy lò, a kfər wón, é wóné wáa kfər atàr e věn mvəm. M wíy màʼ ŋgeʼ e věn kitu, maʼà, é m táʼár wír wo wù berin, vitóŋtóŋ vidzə̀m.

Yòvdìy 4:10

Vikìy ló, a naá wón vév ji vifá ve yi, áwune, aá yii rə́r mendzən me wìr e ŋàŋ. Á sí kfə́r wón vév ji á fiʼ bòy fo jiŋ, jíŋ, ye yì sùmèn ŋkàlaʼ.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Jeremia 19:9

M wíy yiì, áàŋgàa vibàn véví gim ŋkàlaʼ yev. Wír ve á taʼ e laàr áwune víne wíy sətí fen sə́tín, é ŋgeʼ ye tavín nəə́. A yì wíy nəə́ e dzəə ye biibí, ye áwune wáa kfər wón vév, e kfə̀n a kfər sa afə́r vév kfərín.»

Cù 26:29

Mentaàshì mè wíy ghaʼtí, é vèn wáa kfər wón vén vee vilum, à vee vikìyí.

Ŋwàʼ woó Rom 1:31

Áwune nen lò, a jìŋ jìŋèn, a bó wìr yòʼ dzə̀ shó wo wù tíy e wùn jì gheéy. Á kù nyavrì e wíri nyávrin, a bó yòʼ dzə̀ wìr shàm wír.

Aysaya 49:15

Nyùy Tàr nén a bìnèr kfə́, a suúy jii, «A dzə̀ yeè wàn làysìn wán wo wù nyoorì a? A dzə̀ wù nèn tèn rú fó rər mendzən me wàn woo vitó və́ á? Rúrú, a dzə̀ vikìy ámóʼó làysìn wón vév, yii bèy, éè wìr veé Isray, bó yòʼ dzə̀ féyì m wìy làysìn ven.

Aysaya 13:22

Wíy a nyàmkìr akuúrá é virə̀ʼ vee fó ve tavkín ví, a ví sì é vifə̀m. Ntoʼ see fó se vé‑eè bomen, a yu vijuŋ sho, é wáa toŋnín viŋgày ve sìm fó. Ghán se kinyo kìn ki wíy a koóy Babilon si sì fó mentsə̀m, a ntàm yòʼ kfə̀n‑éè dar.

Aysaya 34:13

Vitiír vé njoŋ vi wíy kuy, e sə ntoʼ seé Edom sidzə̀m, é kiv wùn à kimbìn kí sə́ virə́ʼ vév ve tavkín ví vidzə̀m. Fóo wíy a dzə kirə́ʼ kee fo viŋgày ve akoosàʼ vi wíy a shiíy, a viŋkfə̀y vi wíy sə fó səə́n e dzə̀m.

1 Afòn 3:21

M bvəə́shi, e lò e yuv ji m fó a vín e wàn, e nèn yèn, a wàn kpú ne. M leéy wán kijuujùŋ, e yèn á ji bó yòʼ dzə̀ á wán wo mò‑oo dzəən.»