Yòvdìy 4:2 - ŊWÀʼ NYÙY

² Wónlě nsùm veé Sione‑eè tókir, kù mo tòkír *kisha ke mbàm ke baar kee wúntí kíwun. Lèn wáa dzə, aá sí lóvti sho moo kíŋ yee mbóm, kifá, aá bóm bomén e wóo.

Yòvdìy 4:2 Referans Kwoze

Aysaya 30:14

Kí wíy keèsì, kù moo ji bvə̀ʼə́m ntòn mbóm, wo wù lo, wù bvə̀ʼə́y, a bó yòʼ dzə̀ á kfə̀n bòŋ kifá fo fo, kìn dzə̀ ke dzə̀ á fə̀ə́r káy və̀y shó fo kiy, kìn ji á sér mendzə́v shó fo ntòn.»

Jeremia 19:11

M bvə́ʼə́, m nèn sùúy aáwune á ji Nyùy Tàr woo Taà Mànjòŋ suuy a jii, «Á mo m wíy bvəʼə́y wír vìn wùn à ŋkàlaʼ rə̀n réŋréŋ mo wìr bvə̀ʼə́y mbìʼ wo boméné, e dzəə ye bó yòʼ dzə̀ wìr kfə̀n siìr fo. Á wíy a dzəə̀mè wíri a dzə̀ é Kiwoóy ké Tofet fèn, bìʼ fo bó kirə́ʼ kí yòʼ kfə̀n dzəə́ wìy a dzə fomóʼó.

2 Timoti 2:20

Lóo dzə e lav ye kùʼùn yìmòʼ, á wàa ker vighín wùn à vitém vi vinín, kfəə́ si kfəə́ si. Aá fér vímóʼ ví a dzə̀ e *kisha ke mbàm ke baar kí, vímóʼ ví e ke fəvír kí. Vímóʼ ví, aá sém a dzə̀ kicí, e bòm vímóʼ ví bómén. Fo vighin vin, vímóʼ ví nén a dzə ve á kér vishiíy vidzə̀m, vímóʼ ví wáa dzə vé kiŋkàʼ ke kinyò.

2 Korin 4:7

Mo vèr fə̀m kér fùʼ woo ji á wáa fìʼtì kinyo kee shoon, wún wórí kù dzə̀ moo kifá ke á bomen, a bòmrì bòmrìn, fó dìn kiránén ji vitaáví ve ví dzəə̀n é kinyò fèn vi yòʼ dzə̀ á vér. Dzə̀ á vé Nyùy.

Sekariya 9:13

M fèr ne Juda ji kinte kém, e lì Efrayim ji mvən si. Éè Sion, à dzə̀ nyùy yem rə̀r. M wíy bayír wón vé, aá ghíʼ wír veé Grik e rə́r sí.»

Yòvdìy 5:12

Áwune sə̀ŋ ne vilìmbìy vér é yuv fó wo, ví kpúkír, a bó á yòʼ fə̀m ghvə́m vé saʼ vér.

Aysaya 51:18

Fo wón ve vèn‑eè dzəən adzə̀me, wo a dzə̀ wù wàa dànèr ven bèé? Fo wón ve vèn lìyìn adzə̀me, wo wù wíy sə ven fə̀m e mòʼón yoʼ bèr.

Yòvdìy 2:21

«Dzə́n sé wàʼbìn wùn à sé ŋgày sé wìr si néŋnin e kibvə̀r, néŋnin e dzəə seé ŋkà se laʼ. Wónlě ŋgòn wùn à wónlě nsùm vémé kpùkír ne yé rər. Dòʼshwiíy wò‑oò ŋàʼáy é ghan fó, à teè áwune. Wò‑oò yùyrí áwune là mendzən.

Jeremia 22:28

Dzə̀ ji Jehoyiacin kì sì ji kimbvə́ʼ ke kìŋ ke á wáa tèr fo fo à? Wù sì ji kifá ke bó wìr yòʼ dzəə́ kér shií shó à? Kòóy ka, é bo á li wùn à kfə́ə rəə́, e dù sho e kwaʼ nsàm, e kitum ke bó áwune yòʼ kiìn?

Jeremia 19:1

Nyùy Tàr nèn sùúy e mò ji m du, e yùn á mbìʼ wo boméné, lóo dù, m lì á vilìmbìy ve wíri vímóʼ ví, e lì sa atàá cù vee ŋgày sé wìr ámóʼó,

Hosea 8:8

Vitúm vi rèŋèr ne vitaáví vé Isray, aá kù sì e vitúm ví mvəm moo kimbvə́ʼ ke kìŋ.