Yòvdìy 4:16 - ŊWÀʼ NYÙY

¹⁶ Dzə̀ Nyùy Tàr kitú kfə́, wo wù‑uù taʼarin áwune, a bó wù yòʼ dzəə́ kér shíi wov. Bó wìr yòʼ‑oò dzəə́ yúnin atàá cù, a bó á yòʼ‑oò dzəə́ ghvə́m vilìmbìy.

Yòvdìy 4:16 Referans Kwoze

Yòvdìy 5:12

Áwune sə̀ŋ ne vilìmbìy vér é yuv fó wo, ví kpúkír, a bó á yòʼ fə̀m ghvə́m vé saʼ vér.

Hibru 8:9

A bó mee shooy mè yòʼ dzəə́ wìy a dzə moo me mò‑oò gwàrìn vèr aàtǎr ram yéví é ghan se mò‑oò gharin áwune e kiwó kém kí, e fə̀ə́r fo wòŋ Ejiv. Meé ghan see shooy mè‑eè ghàʼ áwune, la á yòʼ à lèm. M nèn màʼày sa áwune. Suuy mo woo Nyùy Tàr.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Remrí 32:26

Mò‑oò rə̀m ji m lo, e taʼár ven, e tsənsí e virə̀ʼ vee kwaʼda, e laàr laàrìn féyì fo wìr kfən wìy kuùmé ven.

Remrí 28:25

«Nyùy Tàr wíy yiì, áàŋgaà vén vibàné ton ven é shùu rər. Vèn wíy tám e shùu rər ŋgoo mòʼón, aá lo, e bvəə̀rí, a leʼkír, é wìr wáa tùr dzə́ə rə. Vitúm vidzə̀m vi yéné, é shúu yúm áwune bìʼ kinyo ke kí kooyin ven.

Jeremia 15:4

M wíy lovtí aáwune ye vitúm veé kitu ke nsay vi wáa leéy, é wúné wáa beemé áwune, a kù dzə̀ bìʼ kinyo ke Manasse woo wan Hesekiya‑aà yiìn é Jerusalem, e ghan se wù‑uù sáʼ vifon e Juda.

Nsùyrì Nyùy 106:44

Yii bèy, Nyùy ku yòʼ yù tóŋ yév, e nèn lò, e rə̀r mendzən mev.

2 Wòŋ 36:17

Á bèy, Nyùy Tàr nèn tsə̀nsí fon woó Babilon, wù wìy, e nə̀ə́ áwune e rə́r sí, sí teè vilum, e dù, e mèé e lav cù. Fòn woó Babilon yòʼ‑oò lo rə̀r mendzən me wìr, kìn wánlè ŋgòn, kìn wánlè nsùm, kìn ŋgàywìr, e lì taàta wìr. Nyùy‑iì wày áwune adzə̀m e fòn woó Babilon kiwo.

Kèʼlo 49:7

Dòʼshwíiy wov dzə̀ e biíbí, melív mev mè sə́n é ŋàŋ, a lòné dzə̀ wóv. M wíy bvəə́r áwune, aá sáŋrí e wír Jakoví mvəm. M wíy taʼár áwune é nsay Isray.

Jeremia 52:24

Nebusaradan woo mfòómé‑eè koò Serayia woo kitú ke atàá cù, e koò sá Tsəfaniya woo taà cù wo wù tóm wun, à wír vee ataár ve á yii tíy e shùu lav cùu.

Yòvdìy 2:6

Nyùy Tàr kèr ne lav cù rə, kù mo á sàʼày táv kwaʼ bèy. Wù bvə̀ʼə́y ne kirə́ʼ ke á yii ŋkàʼ se á shéʼri wun sho. Wù yiì ne, wír veé Sione láysín vishiíy vé ŋkàʼ, e làysìn, à vishiíy vé bam vi shó. Kilòŋ kfə́ kí shwìíy ne, wù ŋwáy fon, e ŋwày taà cù.

Nsùyrì Nyùy 106:27

e taʼár a rám yév e vitúm ví mvəm, aá sáŋrí é vitum foo fèy.

Aysaya 24:2

Kinyo kìn ki wíy a kùm wir dzə̀m réŋréŋ. Kí wíy a kùm taà cù réŋréŋ mo kí kum wír woo və̀y, a kùm wír ve kuʼkìné réŋréŋ mo kí kum akwàn vév. Kí wíy a kùm vikìy veé lav réŋréŋ moo wón ve á lim e lav, a kùm wír ve á yún vifá réŋréŋ moo aŋgàa fiìnè. Kí wíy a kùm wír ve á foor wíri mbàm réŋréŋ moo aŋgàa mfoòmé, a kùm wír ve á sámer wír vifá réŋréŋ moo aŋgàa sam.

Aysaya 47:6

Mò‑oò shwìíy kilòŋ é ŋàŋ vèr à wír vémé, e nə̀ʼsì áwune, kù moo ji bó yòʼ dzə̀ə́ a wír vém bey. Mò‑oò màʼtì, ven veé Babilone tón áwune é shùu rər, yii bèy, a bó vèn yòʼ‑oò lo shàm mendzən mev. Jòkìnyàʼ, vèn yií, wír vee ŋgày sé wìri wáa yen ŋgeʼ, yì wáa shaà vitaáví vév.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Esiker 5:10

Bo dzə̀ jii, atàrí wíy lò, a kfər wón, é wóné wáa kfər atàr e věn mvəm. M wíy màʼ ŋgeʼ e věn kitu, maʼà, é m táʼár wír wo wù berin, vitóŋtóŋ vidzə̀m.