Yòvdìy 4:11 - ŊWÀʼ NYÙY

¹¹ Kilòŋ ké Nyùy Tàr kí‑iì shwìíy, e tònén, wù dìn dòʼshwíiy və wo tavín. Wù‑uù màʼ və́y é Sion, fóo bò, à kinsə̀ŋ ki shó.

Yòvdìy 4:11 Referans Kwoze

Esiker 22:31

Á bèy, m kù wíy màʼ dòʼshwíiy wom aáwuné kitu, é wù laar áwune moo və́y. M yíi siìr lǒn vinyò ve áwune bùʼtìn vidzə̀m aáwuné kitu. Suuy mo woo Nyùy Tàr woo Taà Ndzə.»

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Ŋwàʼ Luk 21:22

Vèn wáa kiíy ji ghán see shooy si wíy a dzə vishiíy ve Nyùy wíy màʼ ŋgeʼ e Jerusalem kitu ji vinyo ve vé‑eè saŋen e wùn ŋwàʼ vi fíʼ gheén vidzə̀m.

Sekariya 1:6

Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »

Daniel 9:12

À yiì ne kinyo ke wò‑oò suuy ji à wíy yiì e vèr aàtǎr saʼ vérí, e màʼ ŋgeʼ ye tavín e věr kitu. Á yòʼ‑oò ghàn ne màʼ ŋgeʼ e kirə̀ʼ é sar shùy fèn moo ye à màʼàn é Jerusalem.

Yòvdìy 4:22

Òó mbaà ŋgònjuù yee Sion, ŋgeʼ se vèn yén bìʼ ajay vén sí kù yíi mày, bó Nyùy Tàr yòʼ yíi màʼtì ven é kwaʼ vikwàn. Yii bèy mbà, ŋgònjuù yee Edom, Nyùy Tàr yíi màʼ ŋgeʼ e věn kitu, e toʼór yii yén kisaŋe.

Yòvdìy 2:8

Nyùy Tàr‑iì wày féyì ji wun ku bvə̀ʼə́y a kay yeé Sion, ŋkàlaʼ Sion yee ŋgònjuù rə. Wù‑uù fìʼ mo fóo dzəə̀n, e kù nèn bvə̀ʼə́y e dzə̀m. Wù‑uù kètì virùmèn wùn à kayi, fóo tátí e dzə̀m, e gbù e nsay.

Jeremia 21:14

Rúrú, m yíi màʼ ŋgeʼ e věn kitu mo yii yéné dzəə̀n. M yíi tòn ntoʼ yen e və́yí, e tòn kifá kidzə̀m ke kí kaarin fó, e tàr. Suuy mo woo Nyùy Tàr.› »

Jeremia 13:14

Wun yíi a lì wír, a fòr a wùmòʼ shó, à ŋgàywìr, à wánlè, suuy a wun woo Nyùy Tàr. Yòʼ dzə̀ wun yiì rə̀r á mendzən mev, e shàm á áwune, e lèm a ji á goʼ atin.

Jeremia 36:7

À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»

Esiker 6:12

Ve á dzəə̀n kwaʼdáa wíy kpu wó kifə̀ʼ, é ve á dzəə̀n fó ghaŋe kpú é shùu rər, é kibér ki kpú jíŋ e mvə̀m ŋkàlaʼ, a rə́r sí sə́tí ne fó. Á mo m wíy yiì aáwune bey, é bo dòʼshwíiy wom may.

Esiker 36:18

M nèn màʼ ŋgeʼ aáwuné wùn mo dòʼshwíiy wom‑eè dzəə̀n, bìʼ nsay yev ye vé‑eè bivirin e kinjuyrì ki, e bìvír e mebvə̀m me vé‑eè ghvə́m mè.

Tsəfaniya 2:2

é bo kishiíy ké Nyùy Tàr kí wáa wìy. Kishiíy, ke wù wíy dìn dòʼshwíiy və wo tavín. Kishiíy, ke wù wíy màʼ ŋgeʼ e věn kitu, e feér ven mo shwéri fèér mvə́y.

Cù 26:28

bo m yíi shwiíy kilòŋ ke biibí kí, e shwivír ven, e dzə̀sì ŋgeʼ e věn kitu, é sí foy, e shaà sé mbìy si kàŋ saàmbà, kù bey, bìʼ vinyo vén ve bi ví.

Aysaya 51:20

Wír vén adzə̀me wèʼ ne, e lò gbùkìr, a neŋnín e ghaŋ se dzəə, kù moo ŋgav wo wù toon é lálán. Nyùy Tàr lòvtí ne e vèn mo dòʼshwíiy və dzəə̀n, wun woo Nyùy won màʼ ne ŋgeʼ e věn kitu.

Yòvdìy 2:1

Á ku yèn búʼú, mo Nyùy Tàr shwiiyin ne kilòŋ, e màʼ ŋgeʼ e Sion kitu, vitsə́ʼ ví súm ŋgònjuù rə. Wù bàʼ ne vikuʼùy vé Isray fo yuv, ví wáa neŋ a dzə̀ é nsay. Wù shwìíy ne kilòŋ, e màʼày ŋgày cù rə yeé Jerusalem.

Yòvdìy 2:3

Wù shwìíy ne kilòŋ, e kìv kóy Isray wo tavíné. Wù rə̀ʼ ne wún fo áwuné wùn, e tèn fó sə, aàŋgàa vibàné sí ghíʼ áwune. Wù lòvtí ne e Isray moo ji á tòn a dzə̀ e və́yí, e lòvtí bèy, fóo sə́ʼsí e dzə̀m.

Yòvdìy 2:4

Wù lì ne mvən e kiwo ke yìy kí, a lov ver shó moo ŋgaà vibàn. Wù yùyrí ne wír vér adzə̀m, wír ve vèr yii yoy, tiir sho. Dòʼshwíiy və kòʼ ne moo və́y, e sə̀ʼsí ŋkàlaʼ Sion yee ŋgònjuù rə.