Yòvdìy 4:10 - ŊWÀʼ NYÙY

¹⁰ Vikìy ló, a naá wón vév ji vifá ve yi, áwune, aá yii rə́r mendzən me wìr e ŋàŋ. Á sí kfə́r wón vév ji á fiʼ bòy fo jiŋ, jíŋ, ye yì sùmèn ŋkàlaʼ.

Yòvdìy 4:10 Referans Kwoze

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Aysaya 49:15

Nyùy Tàr nén a bìnèr kfə́, a suúy jii, «A dzə̀ yeè wàn làysìn wán wo wù nyoorì a? A dzə̀ wù nèn tèn rú fó rər mendzən me wàn woo vitó və́ á? Rúrú, a dzə̀ vikìy ámóʼó làysìn wón vév, yii bèy, éè wìr veé Isray, bó yòʼ dzə̀ féyì m wìy làysìn ven.

Jeremia 19:9

M wíy yiì, áàŋgàa vibàn véví gim ŋkàlaʼ yev. Wír ve á taʼ e laàr áwune víne wíy sətí fen sə́tín, é ŋgeʼ ye tavín nəə́. A yì wíy nəə́ e dzəə ye biibí, ye áwune wáa kfər wón vév, e kfə̀n a kfər sa afə́r vév kfərín.»

Esiker 5:10

Bo dzə̀ jii, atàrí wíy lò, a kfər wón, é wóné wáa kfər atàr e věn mvəm. M wíy màʼ ŋgeʼ e věn kitu, maʼà, é m táʼár wír wo wù berin, vitóŋtóŋ vidzə̀m.

Yòvdìy 4:3

A fə̀m dzə̀ nyám yee koosàʼ, bo yì kù yii nyoor wón və́. Yii bèy, aàyǐy won veé Jerusaleme lóvti e véví, moo shinə́n sheé woʼ shee *ostrish she shí lo, shí yàʼáy wúm.

Yòvdìy 3:48

Mensíy mè dan fo mǒ si moo ndzə́v, a kù dzə̀ bìʼ wír vém ve á laàrìn.

Cù 26:29

Mentaàshì mè wíy ghaʼtí, é vèn wáa kfər wón vén vee vilum, à vee vikìyí.

2 Afòn 25:3

Wáa dzə e kishiíy kee bvə̀ʼə̀ fo ŋwee woo kweè, e kiya foo fèy, a jìŋ sì é ŋkàlaʼ e távín, a wír vee fóo yòʼ dzəə́ kér kifá kée luʼ e shuù,

Yòvdìy 2:11

M tòŋ ne bèn, síi kóʼkír fo mǒ kitu, a bàŋ. M sì a dzə̀ é mvə̀m nyar. Tímé kpù ne fo mǒ bvə̀m, a dzə̀ bìʼ aŋgàa vibàn ve á laàrìn ne wír vém veé Jerusalem. Wón ve á kàŋkìn ne wùn à ve terií sí toóŋe jíŋ, ghán ghanén é shuù se dzəə seé ŋkàlaʼ.

Aysaya 22:2

Kiyor ki kù sí kóʼ virə́ʼ vidzə̀m, a ŋkàlaʼ dzə̀m kù sí biŋrì bìŋrìn, a mvə̀mlaʼ e dzə̀m kù sí shéʼri rə́r se á bòyìn fó fo. Yii bèy, a bó wír vén ve á yén ji á kpù é shùu rərí yoʼ kpù yé rər, a bó áwune yoʼ kpù a dzə̀ yé nyùy rə̀r.