4 Wù‑uù yiì, jav yem wùn ŋóv, wù bvə́ʼtí vighvə́r vém.
Mò‑oò shiiyì, m kù rə̀m a dzə̀ vinyo ve ví kooy mo, ndzə ràn. Nyùy bvə̀ʼtí ne vighvə́r vém, kù moo ji bvə̀ʼtí bvərə̀ʼ. Mo yì rán, jí, kù sì mo Nyùy màyìrìn ne dzəʼə̀m yém.
Ku yiì, é m wáa dzə vèr à kishéʼrì ki, à vijuŋ vi. Ku yiì, é wún wóm wo à bvəʼtiné kfə́n a yu vijuŋ.
Nyùy Tàr suuy jii: «Wír veé Israyi dzə̀ moo njiì wo abvərə̀ʼə́ jùmèn, wù táʼrí. Wìr mbìy wóo kèʼ, a laàr áwune‑eè dzə̀ fon woó Assiriya. Fòn Nebukadnessar woó Babilon nèn màysì, e bvə̀ʼə́y.
Mò‑oò dzə́ kém kisə́sə, dzə́, e làa yòʼ tuuné ajay vém. Kù nèn yúm yumén, mayì, yúm, a dzə̀ diy yee kishiíy kidzə̀m.
Vitaáví vém ví nyòóy ne e mày, e nyòóy moo mendzə́v me á səə̀rìn fó nsay, a vighvə́r vém ví sìmsìn ne, shilív shí yaáné mo moo ghám vilù.
Jùv wùn sə̀nrí ne mo, e lò, e kèʼ, a yuùvì, a m koó kinjàʼ kinjàʼ, a wúné shwí mo shwiín.
