Yòvdìy 3:2 - ŊWÀʼ NYÙY

² Wù‑uù tsəə̀né ne mo, e dù sho fo mesənér, fo ráne yòʼ dzəə̀n.

Yòvdìy 3:2 Referans Kwoze

Aysaya 59:9

Á bèy, wíri ku nèn a suúy kév jii: «Rúrú, vèr kìíy ne lèn kinyo ke kí yiìn, é bo Nyùy tén fóo bòyìr ver fo aŋgaà vér vibàné wo. Vèr yòʼ kfə̀n dzəə́ yén vinyo ve Nyùy vee réŋ e věr dzə̀ʼə̀m. Vèr diy feyì ji ráne ku wìy fo vèr, a kù nèn wiy ndzə ye sənér. Lón feyì ji bo vèr kù kì ghán fo meranén, yii bèy, vèr kù sí ghán a dzə̀ é mvə̀m ndzə, a yì sə́n ji cùm, beéme.

Ŋwàʼ Jov 30:26

Mò‑oò lóo shìy kinyo ke juŋ ki, kù a wìy ke bi kí. Lóo shìy rán, kù a wìy ndzə vitsə̀ʼ.

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

Ŋwàʼ Jud 1:6

A kù dzə̀ sá mo wù‑uù lovtin e nshèelav sə́ se sí‑iì loòn, a koʼnín, a shaà kilíŋ ke wù‑uù foon aáwune. Wù kúr áwune e sháŋ wo bó yòʼ dzə̀ wù bvə̀rkìr, e màʼ e ŋòròʼ, á wáa neŋ fo, a shìy kishiíy kee shó ke Nyùy wíy tinén nsaʼ wìr dzə̀m.

Yòvdìy 2:1

Á ku yèn búʼú, mo Nyùy Tàr shwiiyin ne kilòŋ, e màʼ ŋgeʼ e Sion kitu, vitsə́ʼ ví súm ŋgònjuù rə. Wù bàʼ ne vikuʼùy vé Isray fo yuv, ví wáa neŋ a dzə̀ é nsay. Wù shwìíy ne kilòŋ, e màʼày ŋgày cù rə yeé Jerusalem.

Jeremia 13:16

Vèn wáa sùyrì Nyùy Tàr woo Nyùy won, é bo wù yiì a wìy e ndzə ye sənér, é vèn wáa bàyrìn, a bàyrìn aàgwan ve á səə́ne, a bó vèn yòʼ yén rán fo. Vèn wáa sùyrì wun, é bo wù biner ndzə ji ye vitsə̀ʼ, é wáa dzə tím vitsəʼə́.

Jeremia 4:23

M lèéy ne kitú ke nsay, e yèn a kí dzə̀ kilàsir, a dzə ji nə̀ʼkìkì, e lèéy yúv, e yèn a wú sə́n sənén ji cùm.

Ŋwàʼ Jov 18:18

Nyùy jùm ne wun fo ndzə ye ranén, wù dú e ye sənér, e kù jùm wun júmen fó kitu ke nsay.

Remrí 28:29

Fə́m wíy lóo dzə e shùy, é vèn kú a ghaà virə́ʼ gháan, e làa yòʼ a yen dzə́ə moo mfìr wo bó wù yòʼ kiiy jeéyjeéy fo shùy wùn à vitsə́ʼ ví. Kifá ke vèn yii kidzə̀m, vèn yòʼ wíy lùŋ fo fo. Wíri kù wíy a nə̀ʼsì ven nə́ʼsin, a shoŋ ven shóŋén, a wìr wóo sə ven yòʼ wíy a dzə.