Yòvdìy 2:9 - ŊWÀʼ NYÙY

⁹ Wù‑uù shètì kóŋ sé mfìn e vintsə̌m vintsə̀m, shuu se kày si keésí, a neŋ e mvə̀m kibvə̀r. Fòn wùn à vé saʼa sì é kwaʼ nsàm, a bó taà cù yòʼ kfə̀n dzə̀ wó a yeʼéy wíri nsər se Nyùy. Nyùy Tàr yòʼ dzəə́ ghém ndzə aàŋgàa ntum vəə́, á yòʼ dzəə́ yén vinyo e njà vinjeenjèm.

Yòvdìy 2:9 Referans Kwoze

Esiker 7:26

Ŋgeʼ wíy a nyoòrì yìmòʼ, é sáʼka wo bi wáa ruvtí e wùmǒʼ kitu. Vèn wíy a tàʼ *ŋgaà ntum Nyùy wo wù wáa toʼtí vinyo, e làa yòʼ a yen. Bó taà cù yòʼ wíy a ker kinyo kée yeʼéy wír sho, a bó ŋgày sé wìr si yòʼ wíy a ker ntir yée tir wír sho.

Hosea 3:4

Kù dzə̀ sá réŋréŋ mo wír veé Israyi wíy dzə̀ʼə̀m ntàmda, là fon, kìn taà ntoʼ. Áwune yòʼ wíy a yiì cu, a bó á yòʼ wíy a ker sə́y se á yii cu fo, kìn atàá cù, kìn mebvə̀m mé a ghvəm.

Nehemia 1:3

Áwune suúy e mò ji wír ve vé‑eè bòyìn fó kiŋkoo, e kfə̀n é Judàa dzə̀ á e mvə̀m ŋgeʼ ye tavín wùn à nshoórsí, a kay yeé Jerusaleme kù dzə̀ə́ a bèy mo vé‑eè kèrìn, a shuu se kày si kù dzə̀ə́ saa mo vé‑eè tònèn.

2 Wòŋ 15:3

Ghán símóʼ sí‑iì dàrnìn se Isray yòʼ‑oò ló a cù Nyùy wo ru. Taà cù woo ji wun yéʼéy áwune yòʼ‑oò dzə̀. Bìʼ bey, la áwune yòʼ dzə́ə a jùmrì nsər Nyùy.

Jeremia 51:30

Vé rər veé Babilone fə̀tí ne wó fo rər, e nèn gòʼ aáwuné ŋkà se laʼ see vikum. Vitaáví vév ví mày ne, á wáa yàʼ moo vikìy bey. Á kiìví ne kóŋ sé mfìn fo áwuné shuù se kày, e nə̀ə́, e tòn virə́ʼ vév vé dzə.

Nsùyrì Nyùy 74:9

Vèr yòʼ dzəə́ yén visəəm vé vitaaví vé Nyùy. Aŋgàa ntum Nyùyi mày ne rú, a bó wìr fo vèsən yòʼ kfə̀n kì mo kí yíi dù, e jòʼsì.

Remrí 28:36

«Nyùy Tàr wíy tatí vèn à fòn wo vèn lèmèn, e tsənsí e kitum ke vèn yòʼ‑oò yiì ne kìíy, a fə̀m dzə̀ atàr vén, bo á yòʼ‑oò lo kìíy. Vèn du fo, aá wáa ghvəm anyùy ve á fèrìn e kicí kí wùn à ve á fèrìn e tíyí.

Esiker 17:20

M wíy sàŋrì lálán wom, é wù sum wun, é m koó wun e mǒ kitam. M wíy lì wun, e dù sho e Babilon, e saʼ wun fo, bìʼ fo wù‑uù meŋen mo, e kàr menàŋ e mǒ bàm.

Esiker 12:13

Á bèy, é m nèn sàŋrì lálán wom, e koò shó moo kitám bèy, e lì, e dù sho e Babilon e nsay Kaldea, é wù kpú fó, a bó wù yoʼ yèn nsay yee shooy e sí rəə́.

Yòvdìy 4:20

Á koò ne fon wor é kitam, fon, a yì‑iì yòʼ Nyùy Tàr. Dzə̀ wun wo vèr‑iì yoy, tiir e wùn wó. A vèr‑iì kí ji á wíy lìr e wun sar vàv, a dzə e vitúm ví mvəm.

Yòvdìy 4:15

Áwune lóo wìy, wíri wàa key jii, «Vèn kíŋrí, vé *kifàné, lá vèn kùm wír.» Áwune nèn kù a ghan, a jan janén é vitum. Wíri kù a bàʼàr, a nyàysì nyàysìn jii, «Yòʼ dzə̀ vèr səə̀sí wír vìn.»

Yòvdìy 1:3

Wír veé Judàa yèn ne ŋgeʼ, à Jerusalem sho, e tùŋ akwiiròn, e jòkìnyàʼ, á jóʼsí, e koòrí áwune, e dù sho e vitum. Áwune sí sóm lèn e vitúm ví mvəm, sóm bèy, là kirə́ʼ ké a yòŋ ji nsay yev. Aŋgàa vibàn véví jùm ne áwune, e koò, a bó dzəə̀ ye á léʼ yòʼ kfə̀n dzə̀.

Jeremia 52:14

Vé rər ve vé‑eè dzəə̀n e wun sar adzə̀me nèn kèr kay ye vé‑eè bomen, yí kaárí Jerusalem, e tàr.

Jeremia 39:8

Vé rər veé Babilone siíy é Jerusalem, e tòn ntoʼ, e kfə̀n tòn lav se wíri, e nèn bvə̀ʼə́y kay yeé ŋkàlaʼ.

Jeremia 39:2

Kiyá ki meé ji nshòv mòʼón e ghvə̀m mo Tsədekiya‑aà saʼan ne vifon, á nèn bvə̀ʼ kay yeé ŋkàlaʼ, e tòsín, e sùm fó. A yì‑iì dzə̀ é kishiíy kee bvə̀ʼə̀, e ŋwee woo kweè.

Jeremia 14:14

Nyùy Tàr nèn bìnèr e mò jii, «Aŋgàa ntume tèʼ ne mo é si, a boʼtí a dzə̀ kimboʼtì. Bó m yòʼ‑oò lo tùm áwune, a m yòʼ‑oò lo yòŋ ji á yii kinyo, fə̀m ji m yoŋ jí yìmòʼ aáwune. Áwune tiísi vinjeenjèm ve á yéné, a dzə̀ kimboʼtì, a vinyo ve á shwéŋ vi dzə̀ kisáŋ. Dzə̀ vinyo, a ví lò a dzə̀ fo áwuné kwàʼtì.

2 Afòn 25:7

Á kfə̀n‑eè yùyrí wón Tsədekiya, a wù yéné, e nèn fə̀tí sí sə́, e kùr wun aàsháŋé, e lì, e dù sho e Babilon.

Jeremia 23:16

Nyùy Tàr woo Taà Mànjòŋ nén a suúy lèn e wír veé Jerusaleme jii, «Lá vèn yòʼ yuùrí kinyo ke aŋgàa ntume tiísi e vèn. Áwune tiísi a dzə̀ vinyo ve kisaŋ vi. Vinyo ve áwune fiʼtì ji Nyùy ghém a ndzə, aá yén e njà vinjeenjèm vi lo a dzə̀ fo áwuné vifii. Ví yòʼ lo a dzə̀ fo Nyùy Tàr.

Hosea 11:6

Rə́r sí wíy sàsìn, e ghiʼ ŋkà se laʼ sév, ghíʼí, é sí keti shuu se kày se sí nəə e ŋkàlaʼ. Aŋgaà vév vibàné wíy laàr áwune, bìʼ fo njiìn wov kù sì wóov.

Amos 1:5

M yíi kètì shuu se kày seé Damaskus sidzə̀m, e laàr fon wo wù dzə́ e Mboʼ Aven. M kù yíi laàr wun wo wù sáʼ e Bet‑Eden, bvə́ʼ dzəʼə̀m, aá kuúy wír veé Aram adzə̀m, e dù sho e Kir.» Á mo Nyùy Tàr suuyin.

Remrí 28:63

Mo Nyùy Tàr‑iì keerin shií wó a yiì, é vèn wáa yu vijuŋ, e kfə̀n a yiì, é vèn wáa kùʼ, bo kù dzə̀ mo Nyùy Tàr wíy keerí shií wóo laàr ven, e səʼsí, e meé mo wù wíy tuŋ ven, e fəə́r fo nsay ye vèn sí du, e nəə́ sho ji á yov.

1 Samuel 28:6

Wù beè Nyùy Tàr shó, la Nyùy Tàr yòʼ fə̀m bìnèr wun e njèm, kìn e Urim wùn Tumim, kìn ji wù shaa fo aŋgàa ntum vəə́.

Aysaya 24:12

Ŋkà se laʼ si kù sì vifə̀m vifə̀m, shuu se kày se vé‑eè kivtin sí sí néŋnin sisaʼkìn.