Yòvdìy 2:8 - ŊWÀʼ NYÙY

⁸ Nyùy Tàr‑iì wày féyì ji wun ku bvə̀ʼə́y a kay yeé Sion, ŋkàlaʼ Sion yee ŋgònjuù rə. Wù‑uù fìʼ mo fóo dzəə̀n, e kù nèn bvə̀ʼə́y e dzə̀m. Wù‑uù kètì virùmèn wùn à kayi, fóo tátí e dzə̀m, e gbù e nsay.

Yòvdìy 2:8 Referans Kwoze

2 Afòn 21:13

M yíi màʼ kiwó, e ghar Jerusalem sho réŋréŋ mo mò‑oò màʼàn e Samaria, e màʼ e kfə́ə Ahavi. M yíi səʼsí wíri fó Jerusalem mo wìr sə̀ʼsí meŋkfəŋ fo kighin bey, e bìnèr, e kfə̀tì.

Jeremia 14:2

«Woŋ Judàa sí diyì, a ŋkà se laʼ sə́ sí yúm, mayì, a wír vee fóo sér e nsay e nsòvkìtu, a tóŋe kóʼ fo Jerusalem, taʼ ŋgaà dzər.

Aysaya 34:11

Kù sí wìy yòv vighvəŋ wùn à viŋgùm vé mboò vi fó. Fóo wíy a dzə láʼ viŋkfə̀y wùn à vilùŋ vi. Nyùy Tàr wíy nəə́ e Edom, e ghar fó, e tòvsìn, tovsìnè, é wù yii, é fóo kfə́n kisáŋ.

Aysaya 3:26

Wír veé Jerusaleme wíy a toŋnín, a dìy. Á wíy a dìy, a sesín e kibvə̀r mo ŋkàlaʼ yev kfənen ne e vifə̀m.

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Esiker 20:22

M nèn kfə̀n rə̀m ntéŋ, e làa yòʼ màʼ kiwó aáwuné kitu ji m kiŋsin yír yém, fo vitúm ve ví‑iì yenen mo m fəər wír veé Isray fo Ejiv vi wáa jàʼ.

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Yòvdìy 2:2

Nyùy Tàr laàr ne virə́ʼ vé dzə vee Jakov ram. Wù laàr ne vidzə̀m, là mendzən. Wù shwìíy ne kilòŋ, e kètì virə́ʼ veé Juda ve tavkín ví. Wù màʼ ne sáʼ yee fó wùn à vé saʼa, á gbú ben, a neŋ fo nsay, a woomé.

Aysaya 28:17

M bóm kém, kù mo á yii bóm kirə́v, fiʼì. A dzə̀ jii, m wíy a tinén vinyo e nsànloŋ, a yiì kinyo a dzə̀ ke réŋ kí. Fo kén kí, wuú mentiyi wíy kèr kirə́ʼ kén ké kilìr, kirə́ʼ ke á bomen a dzə̀ e kimboʼtì ki. Yí wíy teér kirə́ʼ kén ké kibeèy, kibeey ke dzəə̀n aŋkàʼmé kimboʼtì.

Aysaya 5:5

Ké lèn ki, vèn maʼti, é m suúy kinyo ke m lo, e yiì e súm wóm və́ne. M lo, e gwàr vinyáʼnyaʼ fó wǔn kày, gwarì, é m saʼ virə́v vé kày vidzə̀m, é nyám si fiʼ nə̀ə́ sho, e ndzə̀ə́y kifá kidzə̀m fo fo, ndzəəyì, é sí nyeŋ súm, é wú kfə́n é ŋgèŋgèr.

Ŋwàʼ Jov 13:21

Ku yàr fó a màʼ ŋgeʼ e mò, e tsə̀ʼ fan yé fo yí wáa bemér mo.

2 Samuel 8:2

Wù kfən tòn wír veé Moav, e sùúy, wír ve vé‑eè koon é kwaʼ rərí neèm fo nsay ataár ataár, wù yúyri vee abaà, wù màʼtì wo mòʼón. Wír veé Moavi nèn nə̀ə́ e Davir sar saʼ, a fo nshwì e wun.

Yòvdìy 2:18

Melív me wíri mè sí tóŋ, mbaa Nyùy Tàr. Éè wìr veé Sion, vèn kú a dìy, à kay yeé ŋkàlaʼa shó, é mensíy mè wáa dàn, a səy moo ndzə́v, a dàn e shùy, a dàn vitsə́ʼə́. Lá á yòʼ a dor, síi kú a dìy ven díyin, là meemè.

Aysaya 22:5

Rúrú, yiì Nyùy Tàr woo Taà Mànjòŋ, wun woo Taà Ndzə vinyo vìn. Bìʼ bey, mbvəərì sì é kiwoóy fen, kíwun ke mò‑oò yenen é njà kinjeenjèm, a wíri fan, nyéŋ, yaʼà. Vé‑eè kèr ne virə́v vé kày vidzə̀m, wíri wáa toŋ ji á sə́ á áwune, kiléŋléŋ kí wáa dù, a meé aàgwan.

Jeremia 52:13

e tòn lav cù Nyùy Tàr, e tòn ntoʼ wùn à lav se wìr ve kuʼkìn sí. Wù‑uù tàtí, e tònrì lav seé ŋkàlaʼ Jerusalem sidzə̀m.