Yòvdìy 2:7 - ŊWÀʼ NYÙY

⁷ Nyùy Tàr mèŋ ne kirə́ʼ ké kiy cù və́, e bìn ndzə̀m e kibàn kfə́ kee jeéy kí. Wù màʼtì ne, aŋgàa vibàné bvə́ʼə́y virə́v vé lav cù, ŋkèŋé kóʼ fo Nyùy Tǎr lav cù, kù moó ghan se á yí a dzə̀ ŋkàʼ fó.

Yòvdìy 2:7 Referans Kwoze

Esiker 24:21

m suúy á e vèn vee wír veé Israyi jii, ke wun woo Nyùy Tàr woo Taà Ndzə yoŋ ki dzə̀ á jii, ‹Wun yíi yiì, é lav cù rə ye vèn shéʼri, túy shwín shó rə̀y kfə́n ji kifá ke *kifàn kí, yìwun ye vèn leey moo síbaŋ, a melív men mè tíy sho ghán sidzə̀m. Jòkìnyàʼ, ké won vén vee vilum wùn à vee vikìy ve vèn màʼtìn é bàm, á wíy kpu yé rər.

Amos 2:5

Á bèy, m kù‑úù tsə́nsí və́y, e laàr Juda, e tòn virə́ʼ vév ve tavkín veé Jerusalem.»

Jeremia 52:13

e tòn lav cù Nyùy Tàr, e tòn ntoʼ wùn à lav se wìr ve kuʼkìn sí. Wù‑uù tàtí, e tònrì lav seé ŋkàlaʼ Jerusalem sidzə̀m.

Matio 24:2

Jesus nèn sùúy aáwune jii, «Vèn yén mo kimbom kee shoon ki dzəə̀n ben a? Vèn wáa kiíy rú jii, á wíy kèr kidzə̀m, é la tíy yímóʼó yòʼ a neŋ e yímóʼó kitu.»

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Esiker 7:24

M wíy tsənsí vitúm, a dzə̀ ve ví tìŋèn é ŋàŋ, é ví wiy, e yòv lav sén. M wíy səʼə́r kiŋkoʼòrwùn ké antav vén, e yiì, é vitúm vi bívír virə́ʼ vén vé cù.

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Yòvdìy 2:1

Á ku yèn búʼú, mo Nyùy Tàr shwiiyin ne kilòŋ, e màʼ ŋgeʼ e Sion kitu, vitsə́ʼ ví súm ŋgònjuù rə. Wù bàʼ ne vikuʼùy vé Isray fo yuv, ví wáa neŋ a dzə̀ é nsay. Wù shwìíy ne kilòŋ, e màʼày ŋgày cù rə yeé Jerusalem.

Jeremia 39:8

Vé rər veé Babilone siíy é Jerusalem, e tòn ntoʼ, e kfə̀n tòn lav se wíri, e nèn bvə̀ʼə́y kay yeé ŋkàlaʼ.

Jeremia 32:29

Wír veé Babilon ve á taáme ŋkàlaʼ rə̀ne yíi nəə́, e tòn fó e və́yí, e tatí, e tòn wùn à lav see fo wíri kóʼ, ton kiláy é kitu wo, cu *Baal sho, kfə̀n maʼ meluʼ fo ji cú anyùy, yii, a dòʼshwíiy wom kóʼó.

Jeremia 26:18

«Yì‑iì dzə̀ é ghan se Hesekiya‑aà dzəə̀n fon woó Juda, Mayka woó Moreshet tiísí sá ntum Nyùy. Wù‑uù sùúy e wìr dzə̀m woó Juda ji kinyo ke Nyùy Tàr woo Taà Mànjòŋ yoŋ ki dzə̀ á jii: « ‹Á wíy tuŋ Sion, e bìnèr moo súm bey, é Jerusalem kfə́n, a neŋ e vikfər vikfər, é gwan woó lav cù kwiíy, a dzə ji kóv.›

Jeremia 26:6

bo m lo, e lovtí e lav cù rə̀n mo mò‑oò lovtin e Shilo, é vitúm veé kitu ke nsay vi wáa lì yír ŋkàlaʼ rə̀n ji liy ye á kuu wíri shó.› »

2 Wòŋ 36:19

Vé rər vəə́‑əə̀ tòn lav cù, e kètì kay yeé ŋkàlaʼ Jerusalem, e tòn vimà vé lav vee fó vidzə̀m, e sə̀ʼsí kifá keé kilùm kidzə̀m.

Cù 26:44

Ŋwáy sáʼ yém ŋwayín. Mo á fə̀m‑eè lóvti bèy, áwune wíy lòo dzə aàŋgaà vév vibàné nsay, é la m yòʼ wìy màʼày áwune. Bó m yòʼ wíy meŋ áwune, e laàr ŋkuuŋkùŋ, e yaʼáy mensaŋ me mò‑oò gwàrìn vèr áwune. Kù dzə̀ mo Nyùy Tàr woo Nyùy wov.

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.

Nsùyrì Nyùy 89:39

À fə̀tí ne wó yé fo mensàŋ, mensaŋ me wò‑oò gwàrìn vèn wìr wò lìm. À dzə̀vrì ne ntáráʼ və é kibvə̀r.

Jeremia 21:4

«Vèn du, á sùúy e Fòn Tsədekiya ji Nyùy Tàr woo Nyùy wìr veé Isray sùúy a jii, ‹Vèn leéy, e yèn mo fòn woó Babilon wùn à vé rər vəə́ gìŋèn ŋkàlaʼ yen, e kaàrí, e tàr. Vèn yíi fəə e vifá ve rər ví, taáme áwune shó, é m biner ji kifá kisáŋ. Rúrú, m yíi lì aŋgaà vén vibàn, e nəə́ sho e ntìntìn ŋkàlaʼ fèn.

Jeremia 50:28

Á yuúrí, e yù mo wír ve vé‑eè koon, e dù sho e Babilone léʼ, wiyì. Á wiy, fiʼtì e Sion mo Nyùy Tàr woo Nyùy wov màʼàn ne ŋgeʼ e Babilon, e siìr ŋkfə́tir lav rə cù ye á bvəʼəyin.

Yòvdìy 1:4

Dzə́ə se sí nəə e Sion si sí tíy ji nyoòŋ, mo koò kpú. Fə̀m é vishiíy vé ŋkàʼ veé lav cù, wìr yòʼ shaa sho. Shuu sə́ sé kày si sí tíynin sirə́, a bó wìr yòʼ bav fo, aàtàá cùu leey, ndzə́kir ndzə̀kín. Wónlě vikìy ve á yii yov yòv e lav cùu kù sì a dzə̀ é nsòvkìtu, a Sion kù sí shwíkir shwìkín e dzə̀m.

2 Afòn 25:9

e tòn lav cù Nyùy Tàr, e tòn ntoʼ, e tòn lav se wìr ve kuʼkìné sidzə̀m.

Aysaya 64:9

Éè Nyùy Tàr, lá à yòʼ shwìíy kilòŋ vèsən, e tònén. Lá à yòʼ wìy rə̀sí, a kuumé vinyo vér ve bi ví, a màʼ ŋgeʼ e vèr. Éè Nyùy Tàr, kú a kiíy ji ver adzə̀me dzə̀ wír vé.

Jeremia 4:26

M kfən yèn, a nsay ye juŋ ló ne, e dù ji wóʼ, a ŋkà se laʼ see fó si sì é vifə̀m, a kù yii dòʼshwiiy Nyùy Tàr woó ŋàŋ.

Jeremia 4:27

Ke Nyùy Tàr suuy ki dzə̀ jii, «Nsay yíi a dzə e laarìn e dzə̀m, yii bèy, a bó m yòʼ yíi laàr e dzə̀m ŋkuuŋkùŋ.