Yòvdìy 2:6 - ŊWÀʼ NYÙY

⁶ Nyùy Tàr kèr ne lav cù rə, kù mo á sàʼày táv kwaʼ bèy. Wù bvə̀ʼə́y ne kirə́ʼ ke á yii ŋkàʼ se á shéʼri wun sho. Wù yiì ne, wír veé Sione láysín vishiíy vé ŋkàʼ, e làysìn, à vishiíy vé bam vi shó. Kilòŋ kfə́ kí shwìíy ne, wù ŋwáy fon, e ŋwày taà cù.

Yòvdìy 2:6 Referans Kwoze

Tsəfaniya 3:18

a sàvnìn moo wír ve á shéʼri ŋkàʼ.» Nyùy Tàr suuy jii: «M shàʼàr ne lòn wón, m tsə̀ʼ ne nshoórmé fo věn kitu.

Yòvdìy 1:4

Dzə́ə se sí nəə e Sion si sí tíy ji nyoòŋ, mo koò kpú. Fə̀m é vishiíy vé ŋkàʼ veé lav cù, wìr yòʼ shaa sho. Shuu sə́ sé kày si sí tíynin sirə́, a bó wìr yòʼ bav fo, aàtàá cùu leey, ndzə́kir ndzə̀kín. Wónlě vikìy ve á yii yov yòv e lav cùu kù sì a dzə̀ é nsòvkìtu, a Sion kù sí shwíkir shwìkín e dzə̀m.

Yòvdìy 4:16

Dzə̀ Nyùy Tàr kitú kfə́, wo wù‑uù taʼarin áwune, a bó wù yòʼ dzəə́ kér shíi wov. Bó wìr yòʼ‑oò dzəə́ yúnin atàá cù, a bó á yòʼ‑oò dzəə́ ghvə́m vilìmbìy.

Malakay 2:9

Bìʼ bey, m yiì ne, wír veé Isray adzə̀me wáa ŋway ven, a leéy ven ntéŋ. M yiì bèy, bìʼ fo vèn yòʼ yúnin mo, lóo yeʼéy wíri ntir sém, á wàa leéy sí wìr.»

Esiker 17:18

Mo wù tàʼàn ndzə̌n kilìʼ ntéŋ, e bìvír mensaŋ, a wù máʼ ne kiwó e kitu wo, e kfə̀n lòvtí bèn, bo bó dzəə̀ yée baàmè, e nyeŋ yòʼ kfə̀n dzə̀.›

Yòvdìy 5:12

Áwune sə̀ŋ ne vilìmbìy vér é yuv fó wo, ví kpúkír, a bó á yòʼ fə̀m ghvə́m vé saʼ vér.

Yòvdìy 4:20

Á koò ne fon wor é kitam, fon, a yì‑iì yòʼ Nyùy Tàr. Dzə̀ wun wo vèr‑iì yoy, tiir e wùn wó. A vèr‑iì kí ji á wíy lìr e wun sar vàv, a dzə e vitúm ví mvəm.

Aysaya 64:11

Á tòn ne lav yè ye ranén, yì shwí e dzə̀m, lav cù ye atàr vérí‑iì suyrì wò fo, lav, a yì‑iì njaʼkìr, din vikuʼùy vé. Vifá ve melív mer mè‑eè tíy sho vi bvə̀ʼə́y ne.

Aysaya 63:18

Lav cù yè‑eè dzə̀ e wír vé vee jeéy víné kiwo fo shintàm shishàr, ké lèn ki, aŋgaà vér vibàné laàr ne lav cù yè yee shooy.

Aysaya 43:28

Bìʼ bey, m wíy shoór vilìmbìy vén vee mǒ lav cù, e laàr rám Jakov moo wír ve á shwiin mo shó ji m ku laàr ŋkuuŋkùŋ, é wíri wáa nyè sèʼsì e kibér ke wìr veé Isray ki.»

Aysaya 5:5

Ké lèn ki, vèn maʼti, é m suúy kinyo ke m lo, e yiì e súm wóm və́ne. M lo, e gwàr vinyáʼnyaʼ fó wǔn kày, gwarì, é m saʼ virə́v vé kày vidzə̀m, é nyám si fiʼ nə̀ə́ sho, e ndzə̀ə́y kifá kidzə̀m fo fo, ndzəəyì, é sí nyeŋ súm, é wú kfə́n é ŋgèŋgèr.

Aysaya 1:13

Cu yéné dzə̀ kifá kisáŋ, lá vèn dzə́ə a wìy sho ji á yii e mò. Kiláy ke vèn ton ki dzə̀ kfə́ ji *kifàn fo mò. Ŋwee wo fíyi fəə́, vèn wàa yiì cu, e kfə̀n a meèmè e vishiíy vé bam. Kiyá ki kúmé, vèn kù yì ŋkàʼ sí. Bó yòʼ dzə̀ féyì m lèéy ŋkàʼ sén, a vèn yii, laarì a dzə̀ sí yém shó.

Aysaya 1:8

Wír veé Jerusaleme kù sí tíy ji gérkíkí, tíy amòʼón moo táv shìy woó súm vitiír vé *vayin. Tíy amòʼón moo kibàn ké shìy keé súm bòʼ. Tíy là ŋgaà benben moo ŋkàlaʼ ye á gìŋèn e rə́r sí.

Nsùyrì Nyùy 89:40

À tòʼ ne virə́v vé kày vee wun ŋkàlaʼ vidzə̀m, e kètì virə́ʼ ve tavkín ve ví kiŋ kitúm kfə́.

Nsùyrì Nyùy 80:12

À bàʼ lèn kay ye yí gìŋèn wun, e tàr bìʼ ka? Anshaàdzəə̀ adzə̀me sí koy tútúʼ və, kfə́rí.

Nsùyrì Nyùy 76:2

Wù tùúy ne láʼ rə́ é Jerusalem, a Gwan Sion dzə̀ fo wù dzə́.

Jeremia 17:27

« ‹Yii bèy, a vèn lò a dzə, e làa yòʼ a yunín mo, a lèm kishiíy ké bam jeéy, e làa yòʼ màʼtì vifá vé a beʼ, a tosín shuu se kày Jerusalem sho e kishiíy ké bam, bo m yíi sə̀ʼ və́y é shuù se kày, é wú bvə́ʼə́y ntoʼ seé Jerusalem, a bó yòʼ dzə̀ á ndzə̀mér.› »

Jeremia 50:28

Á yuúrí, e yù mo wír ve vé‑eè koon, e dù sho e Babilone léʼ, wiyì. Á wiy, fiʼtì e Sion mo Nyùy Tàr woo Nyùy wov màʼàn ne ŋgeʼ e Babilon, e siìr ŋkfə́tir lav rə cù ye á bvəʼəyin.

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.

Nsùyrì Nyùy 74:7

Vé‑eè tòn lav yè cù, yì gbú é nsay, e bìvír kirə́ʼ ké ke dzə.

Aysaya 5:6

M yíi màʼtì, é súm və́ne kwiíy, e rə̀ŋsìn. Wìr yòʼ yíi a kom, kìn ji wù wáa naŋsín vitiír vee fó. Vimbìn wùn à vicí vé njoŋ vi kù yíi sə fó səə́n, é m kfən tìír mbàʼ, fo yì yii, é wuú wáa lo fo.»

Jeremia 42:18

Nyùy Tàr woo Taà Mànjòŋ, wun woo Nyùy wìr veé Isray kfə́n a yòŋ jii, «Mo dòʼshwíiy wom‑eè koʼon, kí nyár mo, m màʼ ŋgeʼ e wír veé Jerusalemé kitu, á mo vèn yíi dù e Ejiv, é kí koóy sá ven bey. Vèn wíy a dzə vé lòné, wíri lóo leéy ven, é wúné wáa beemé áwune, é yír yéné kfə́n ji liy, aá wáa jàʼ ven jáʼan, a vèn yòʼ dzəə́ wìy yen nsay rə̀n.»

Jeremia 45:4

Ke Nyùy Tàr suuy e wò ki dzə̀ jii, ‹Leéy, e yèn, m sí saʼtì kitúm kìn ke mò‑oò bàʼrìn, e shoʼóy ke mò‑oò tuuyin fó.