Yòvdìy 2:5 - ŊWÀʼ NYÙY

⁵ Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Yòvdìy 2:5 Referans Kwoze

Yòvdìy 2:2

Nyùy Tàr laàr ne virə́ʼ vé dzə vee Jakov ram. Wù laàr ne vidzə̀m, là mendzən. Wù shwìíy ne kilòŋ, e kètì virə́ʼ veé Juda ve tavkín ví. Wù màʼ ne sáʼ yee fó wùn à vé saʼa, á gbú ben, a neŋ fo nsay, a woomé.

Jeremia 30:14

Vé kikòŋnìn vén adzə̀me làysìn ne ven, á yòʼ dzəə́ gwarìr kinyo kee kùm ven. M dzə̀v ne ven, a dzə̀ mo a kì dzə̀ dzə̀v ŋgaà vibàn, m taàmé ne ven moo ŋgaà vibàn woo mbuù mendzə̀n, a dzə̀ bìʼ fo ajay véné kùʼùn ne e ŋàŋ, vinyo vén ve bi ví sì ŋkóŋkóŋ.

Yòvdìy 2:4

Wù lì ne mvən e kiwo ke yìy kí, a lov ver shó moo ŋgaà vibàn. Wù yùyrí ne wír vér adzə̀m, wír ve vèr yii yoy, tiir sho. Dòʼshwíiy və kòʼ ne moo və́y, e sə̀ʼsí ŋkàlaʼ Sion yee ŋgònjuù rə.

Jeremia 52:13

e tòn lav cù Nyùy Tàr, e tòn ntoʼ wùn à lav se wìr ve kuʼkìn sí. Wù‑uù tàtí, e tònrì lav seé ŋkàlaʼ Jerusalem sidzə̀m.

2 Afòn 25:9

e tòn lav cù Nyùy Tàr, e tòn ntoʼ, e tòn lav se wìr ve kuʼkìné sidzə̀m.

Esiker 2:10

Wù bvə̀tì e mǒ si, aá sáŋ, à fó mbìy, à fó bàm, a kinyo ke vé‑eè saŋen shó ki kù‑uù dzə̀ lúŋ mendzə̀n, luŋ wo á yov, e dìy a dzə̀ kpú sho.

Jeremia 15:1

Nyùy Tàr nèn yòŋ e mò jii, «A fə̀m wìy Mooser wùn Samuel, a tiy e mǒ si, a lon, bo bó yòʼ dzə̀ m kùvsín kwaʼtì yém, e lèéy wír vìn. Jùm áwune fo mǒ si, aá dukir.

Ŋwàʼ Jov 13:24

Nyùy, à tsə́mri rə́r wòsò ji ka? À lì mo ji ŋgaà wò vibàn bìʼ ka?

Nsùyrì Nyùy 89:40

À tòʼ ne virə́v vé kày vee wun ŋkàlaʼ vidzə̀m, e kètì virə́ʼ ve tavkín ve ví kiŋ kitúm kfə́.

Aysaya 29:2

Yii bèy, m wíy màʼ ŋgeʼ e vèn vee wír veé Arielí kitu, é ŋkàlaʼ e dzə̀m wáa dìy, a konsí. M wíy siìr fó, é fóo kfə́n mensə́ mensə́ moo kíy cù.

Jeremia 21:4

«Vèn du, á sùúy e Fòn Tsədekiya ji Nyùy Tàr woo Nyùy wìr veé Isray sùúy a jii, ‹Vèn leéy, e yèn mo fòn woó Babilon wùn à vé rər vəə́ gìŋèn ŋkàlaʼ yen, e kaàrí, e tàr. Vèn yíi fəə e vifá ve rər ví, taáme áwune shó, é m biner ji kifá kisáŋ. Rúrú, m yíi lì aŋgaà vén vibàn, e nəə́ sho e ntìntìn ŋkàlaʼ fèn.

1 Samuel 28:16

Samuel suúy shó jii, «À jaŋ mo é gha lèn? Nyùy Tàr bìn ne ndzə̀m e wò, a sì ŋgaà vibàn wò.

Ŋwàʼ Jov 19:11

Wù lèéy ne mo, dòʼshwiíy wáa kiv wun, wù wáa lì mo ji ŋgaà və vibàn wùmòʼ.

Nsùyrì Nyùy 89:41

Wìr dzə̀m wo wù shaa fo kù sí shóŋ wun shóŋén, aàŋgàa shweesí vəə́ sí ŋwáy wun ŋwáyín.

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.