Yòvdìy 2:4 - ŊWÀʼ NYÙY

⁴ Wù lì ne mvən e kiwo ke yìy kí, a lov ver shó moo ŋgaà vibàn. Wù yùyrí ne wír vér adzə̀m, wír ve vèr yii yoy, tiir sho. Dòʼshwíiy və kòʼ ne moo və́y, e sə̀ʼsí ŋkàlaʼ Sion yee ŋgònjuù rə.

Yòvdìy 2:4 Referans Kwoze

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Esiker 24:25

Nyùy Tàr nèn kfə̀n sùúy e mò jii, «Wàn wìr msòŋ, m wíy laàr kirə́ʼ ke wír veé Israyi yoy, tiir sho. Kirə́ʼ, a dzə̀ ke áwune shéʼri, yú wún, a melív mev mè kù tíy sho ghán sidzə̀m, aá leey moo síbaŋ. M kfə̀n wíy sə sa wón vév vee vilum wùn à vee vikìyí.

Jeremia 21:5

Mómò kitú kém, mo kí nyarin mo é ŋàŋ, dòʼshwíiy wom kóʼ, m yíi fùnèn ven vitaáví vém vidzə̀m.

Aysaya 42:25

Á bèy, dòʼshwiíy kív Nyùy Tàr, wù màʼ ŋgeʼ e wír veé Israyí kitu. Wù‑uù yiì, áwune yén ŋgeʼ rə̀r ye tavín. Wù‑uù yiì, ŋgeʼ rə̀n súm áwune mo sùm kiliímé ke və̀y, yii bèy, a bó áwune yòʼ‑oò ló a gwàrìr. Yì‑iì tòn áwune é njà və̀y, yii bèy, bó á yòʼ fə̀m‑eè lo yèʼéy kinyo fo fo.

Jeremia 30:14

Vé kikòŋnìn vén adzə̀me làysìn ne ven, á yòʼ dzəə́ gwarìr kinyo kee kùm ven. M dzə̀v ne ven, a dzə̀ mo a kì dzə̀ dzə̀v ŋgaà vibàn, m taàmé ne ven moo ŋgaà vibàn woo mbuù mendzə̀n, a dzə̀ bìʼ fo ajay véné kùʼùn ne e ŋàŋ, vinyo vén ve bi ví sì ŋkóŋkóŋ.

Ŋwàʼ Jov 6:4

Nyùy woo Ŋgaà Vitaàví Vidzə̀m tè ne mo e mvə́n ndzəʼə, ndzəʼ wáa ghanén e mǒ wùn. Wù kìʼ ne mo, m wáa fàn virə́ʼ fánen.

Nahum 1:6

A wù shwìíy kilòŋ, tàm la wùn wun? A dòʼshwíiy və kòʼ, yù la fóo tiím? Dòʼshwíiy və baári moo və́y, wóʼó wàa bvəʼkír, a rèŋ e wun si.

Nahum 1:2

Nyùy Tàr dzə̀ ŋgaà ŋkiyrì, a bó wù yòʼ yii shéʼ. Wù lo, wù shwìíy kilòŋ, e màʼ ŋgeʼ e wìr kitu. Nyùy Tàr kù yii maʼ ŋgeʼ e wír ve á túŋ wúu rəə́, shwiiy kilòŋ fo aŋgàa vibàn vəə́ adzə̀m.

Esiker 36:18

M nèn màʼ ŋgeʼ aáwuné wùn mo dòʼshwíiy wom‑eè dzəə̀n, bìʼ nsay yev ye vé‑eè bivirin e kinjuyrì ki, e bìvír e mebvə̀m me vé‑eè ghvə́m mè.

Esiker 22:22

Mo á yii ton kisha ke mbàm ke fəvír kí é kilàm, kí yaàné, bo dzə̀ sá réŋréŋ mo vèn ghán yaané fo, e nen kiíy ji dzə̀ á mo Nyùy Tàr wo m nyeèn dòʼshwíiy wom e věn kitu.› »

Esiker 6:12

Ve á dzəə̀n kwaʼdáa wíy kpu wó kifə̀ʼ, é ve á dzəə̀n fó ghaŋe kpú é shùu rər, é kibér ki kpú jíŋ e mvə̀m ŋkàlaʼ, a rə́r sí sə́tí ne fó. Á mo m wíy yiì aáwune bey, é bo dòʼshwíiy wom may.

Esiker 5:13

«Á mo m wíy lovtí e vèn bey, é bo dòʼshwíiy wom kpúrín, é shilív shí rəsin mo. M wíy dìn kilòŋ kém ke shwiiyín kí e vèn bey, é vèn nèn kìíy ji mò‑oò súŋnin, tín kàʼ won bey, bìʼ kíyrí ye m kíyri ven.

Yòvdìy 4:1

Á ku lèéy, e yèn, nyàŋ koò ne e kishà ke mbàm ke baar kí, kisha kee wúntí kíwun ki bùŋ ne sə́nín. Tíy seé lav cù si sí néŋnin e ghaŋ se dzəə, tíy, a dzə̀ see jeéy sí.

Yòvdìy 3:3

E ké ru kí, wù‑uù dzə̀vtì ne mo, kù dzəvtì akàŋ akàŋ, kishiíy kifur.

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Jeremia 36:7

À yoŋ bèy, tam aáwune wáa buʼ wó e Nyùy Tàr, é wìr wáa bìn ndzə̀m e wun liì kisaŋ, bìʼ fo dòʼshwiiy Nyùy Tàr wo wù koʼon wùn à ŋgeʼ ye wù baʼtin ne a kìʼ áwune shó, dzəə̀n e gháʼán.»

Jeremia 21:12

Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.

Jeremia 4:4

Ven vee wír veé Juda wùn à ve á dzə́ e Jerusaleme, vèn kú a tiy a dzə̀ e mǒ *mensàŋ me m gwàrìn vèsən. Vèn su melív men mè, é mè wáa tiy e mò woo Nyùy Tǎr wùn. Là bey, bo dòʼshwíiy wom yíi koʼ moo və́y, a dzə̀ bìʼ vinyo vén ve bi ví, lóo tòn ven, é la wìr wóo ndzəmér yòʼ a dzə.»

Aysaya 63:10

Yii bèy, áwune kú a tsəy kóy wùn à Nyùy Tàr, a tinsín Kiyoy kfə́ ke Ranén kí. Bìʼ bey, Nyùy Tàr nèn lò, e kfə̀n ji ŋgaà wov vibàn, wúnwun kitú kfə́ wáa ghiʼ áwune.

Aysaya 63:6

Mò‑oò shwìíy kilòŋ, e nyèŋrì vitúm vee aŋgaà vém vibàn. Rúrú, mò‑oò màʼ ŋgeʼ aáwuné kitu, vifií vév ví lày, kù moo ji á nò noón, m sə́ʼsí áwune, mensə́ mè leém, e nə̀ə́ e nsay.»

2 Wòŋ 34:25

Wír veé wòŋàne màʼày ne mo, a tòn kiláy, a cù anyùy sho, a ŋaʼár dòʼshwíiy wom e mebvə̀m me áwune fèrìn e wó yéví. Á bèy, m yíi lovtí e woŋàne mo dòʼshwíiy wom dzəə̀n, a wù baári moo və́y, a wìr wóo ndzəmér yòʼ dzə̀.»

2 Wòŋ 34:21

«Vèn du, e mbaà Nyùy Tàr bìʼ kinyo ke á saŋen é ŋwàʼ fèn. Vèn du, e mbaà wun, e fò e mò, e kù a mbaà sa bìʼ wír ve á berin é Isray, e bèr é Juda. Rúrú, Nyùy Tàr sí shwiiy kilòŋ é dzəə ye bi, vèsən áwune, bìʼ fo atàr vesəné yòʼ‑oò lo ghvə̀m jí Nyùy Tàr, e yiì vinyo vidzə̀m ve á saŋen é ŋwàʼ fèn.»

Nsùyrì Nyùy 37:14

Wír ve á méŋ Nyùyi shòʼ ne nyùy sév. Áwune bàʼtí ne vinte vév. Á taʼ fóo laàr aŋgàa kitàn, e laàr vé kighiyi. Á taʼ fóo seerí wír ve á yii réŋ adzə̀m.

Jeremia 10:20

Á sàʼày ne vibàn vér, e tiìné akfəə̀ və́. Wón vérí kpùkír ne adzə̀m. Wánlè yoʼ dzəə bèr wóo kfə̀n bàʼrì vibàn vér, e bó a keèrì ndzə̀y shó.»

Esiker 20:34

M wíy nàn kóy wóm wo tavíné, e baʼtí ven fó vitum ve vèn‑eè taʼrin, e dù sho, aá yén vitaáví vém, e yu mo dòʼshwíiy wom koó.

Cù 26:17

M yíi shwivír ven, áàŋgaà vén vibàné wáa ghaʼ ven. Wír ve á ban vené yíi a fo sáʼ e vèn. Vèn wíy a leʼ, a bó wìr yòʼ jum ven.

Remrí 32:22

«Dòʼshwíiy wom wíy baarí ji və́y. Wú wíy tòn kifá kidzə̀m ke kí kúyí, e tòn bèn, e dù, e meé e loònsay. Wú wíy tòn kifá kidzə̀m, a kinsə̀ŋ ke agwan ki wíy bò.

1 Samuel 28:16

Samuel suúy shó jii, «À jaŋ mo é gha lèn? Nyùy Tàr bìn ne ndzə̀m e wò, a sì ŋgaà vibàn wò.

Ŋwàʼ Jov 19:11

Wù lèéy ne mo, dòʼshwiíy wáa kiv wun, wù wáa lì mo ji ŋgaà və vibàn wùmòʼ.

Nsùyrì Nyùy 7:13

Wù bàʼtí ne vifá və́ vé rər, a dzə̀ ve a ví kùm wír, wù kpù kpuún, e nàŋsín mvən sə́ se á naan.

Jeremia 42:18

Nyùy Tàr woo Taà Mànjòŋ, wun woo Nyùy wìr veé Isray kfə́n a yòŋ jii, «Mo dòʼshwíiy wom‑eè koʼon, kí nyár mo, m màʼ ŋgeʼ e wír veé Jerusalemé kitu, á mo vèn yíi dù e Ejiv, é kí koóy sá ven bey. Vèn wíy a dzə vé lòné, wíri lóo leéy ven, é wúné wáa beemé áwune, é yír yéné kfə́n ji liy, aá wáa jàʼ ven jáʼan, a vèn yòʼ dzəə́ wìy yen nsay rə̀n.»

Yòvdìy 1:13

«Wù tsə̀nsí ne və́y fó yuv, e yiì, wú wáa ghèʼ e mǒ vighvər. Wù kòʼór ne kitám, m lí shó wuú e baà, kí gháʼ mo fo m waʼri. Wù bìn ne ndzə̀m e mò, m wáa dzə e mvə̀m nyar ghán sidzə̀m.

Yòvdìy 4:11

Kilòŋ ké Nyùy Tàr kí‑iì shwìíy, e tònén, wù dìn dòʼshwíiy və wo tavín. Wù‑uù màʼ və́y é Sion, fóo bò, à kinsə̀ŋ ki shó.

Esiker 7:14

Á tòŋ ne sóŋ, e bàʼtí, e taàmé rə́r, yii bèy, a bó wìr wo wù‑úù du é shùu rər yòʼ dzə̀, bìʼ fo dòʼshwíiy wom siìn e wìr dzə̀m kitu.»

Esiker 13:13

Á bèy, ke Nyùy Tàr woo Taà Ndzə suuy ki dzə̀ jii, «Dòʼshwíiy wom yíi koʼ, é m tsə́nsí kinsəm, é kí meé, é kiŋkò ke wuu kí keesi fó yuv, é lúm se mentiy si sə́y, e kèr kifá kidzə̀m e nsay.