Yòvdìy 2:3 - ŊWÀʼ NYÙY

³ Wù shwìíy ne kilòŋ, e kìv kóy Isray wo tavíné. Wù rə̀ʼ ne wún fo áwuné wùn, e tèn fó sə, aàŋgàa vibàné sí ghíʼ áwune. Wù lòvtí ne e Isray moo ji á tòn a dzə̀ e və́yí, e lòvtí bèy, fóo sə́ʼsí e dzə̀m.

Yòvdìy 2:3 Referans Kwoze

Nsùyrì Nyùy 74:11

À tèn fóo ràmsì kóy wó, e sə ver bìʼ ka? Ku ràmsì kóy wó yìyí, e laàr áwune.

Aysaya 42:25

Á bèy, dòʼshwiíy kív Nyùy Tàr, wù màʼ ŋgeʼ e wír veé Israyí kitu. Wù‑uù yiì, áwune yén ŋgeʼ rə̀r ye tavín. Wù‑uù yiì, ŋgeʼ rə̀n súm áwune mo sùm kiliímé ke və̀y, yii bèy, a bó áwune yòʼ‑oò ló a gwàrìr. Yì‑iì tòn áwune é njà və̀y, yii bèy, bó á yòʼ fə̀m‑eè lo yèʼéy kinyo fo fo.

Nsùyrì Nyùy 75:10

Nyùy Tàr wíy laàr vitaáví vé wìr ve á méŋ wun vidzə̀m. Yii bèy, wù wíy dzə̀sì vé wìr ve á yúnin wun dzə́sin.

Nsùyrì Nyùy 75:5

Lá vén yòʼ dzə́ə a ŋàʼnìn. Lá vèn yòʼ dzə́ə a jàʼrì e kisuŋnìn.› »

Jeremia 48:25

Á màyìr ne vitaáví vé Moav, á sə̀ʼə́r ne kóy wóv. Suuy mo woo Nyùy Tàr.»

Nsùyrì Nyùy 89:46

Éè Nyùy Tàr, à wíy lìr fo věr si, e dù, e jòʼsì à? Dòʼshwiíy wíy kiv wò, e dù, e meé e le?

Nsùyrì Nyùy 79:5

Éè Nyùy Tàr, à wíy shwiíy kilòŋ, e dù, e meé e le? À kù wíy a shwiíy kilòŋ, e dù, e jòʼsì à? À kù wíy a leéy ver e sí ye baarí a?

Ŋwàʼ Luk 3:17

Wù wíy lòo wìy, é wù wàa ker júy rə e wùn kiwo, e fetí sáŋ shó. Wù féti, é wù báʼtí sáŋ, e lèm, e yèr mvə́y, e tòn e və̀y wo wú bo ghán sidzə̀m.»

Ŋwàʼ Luk 1:69

Wù lèm ne wír wo ghaʼán wo wù wíy lùŋèr vèr, a wù lò fo Fòn Davir woo ŋgaà lìm və́ ram,

Malakay 4:1

Nyùy Tàr woo Taà Mànjòŋ suuy jii, «Rúrú, kishiíy ke m kwaŋrì vinyo ki sí ló a wìy. Kí wíy a wìy, a lùm mo shwí və́y. Dzə̀ kishiíy ke dòʼshwíiy wom wíy tòn vé kiŋàʼa, e tòn wír ve á méŋ mo, kù mo və́yí tòn vishaárín. Wú wíy tòn áwune, aá du é kibvə, a wìr yòʼ wíy ber.

Jeremia 21:14

Rúrú, m yíi màʼ ŋgeʼ e věn kitu mo yii yéné dzəə̀n. M yíi tòn ntoʼ yen e və́yí, e tòn kifá kidzə̀m ke kí kaarin fó, e tàr. Suuy mo woo Nyùy Tàr.› »

Jeremia 7:20

Á bèy, mo woo Nyùy Tàr woo Taà Ndzə nén a yòŋ jii, dòʼshwíiy wom yíi koʼ bìʼ kirə́ʼ kin, é m maʼ ŋgeʼ e wìr msǒŋ kitu, e màʼ e nyám si, e màʼ e vicí vee fó vi, e màʼ e vifá ve ví kúy e nsay foo fèy vi. Dòʼshwíiy wom wíy a shwi moo və́y wo bó yòʼ dzə̀ wú ndzə̀mén.»

Jeremia 4:4

Ven vee wír veé Juda wùn à ve á dzə́ e Jerusaleme, vèn kú a tiy a dzə̀ e mǒ *mensàŋ me m gwàrìn vèsən. Vèn su melív men mè, é mè wáa tiy e mò woo Nyùy Tǎr wùn. Là bey, bo dòʼshwíiy wom yíi koʼ moo və́y, a dzə̀ bìʼ vinyo vén ve bi ví, lóo tòn ven, é la wìr wóo ndzəmér yòʼ a dzə.»

Aysaya 1:31

Fə̀m wír vén ve kuʼkìné, á kù wíy a dzə ji vidaànè ve və̀y, é fer yéví kfə́n ji sáy se və̀y. Nyùy Tàr wíy tatí ŋgaà fèr wùn à fer rəə́, e tòn, a bó wìr wo wù wíy ndzəmér yòʼ wíy a dzə.

Nsùyrì Nyùy 132:17

M wíy yiì, é wìr woo Davir ram wùmòʼ fəə́ fó ji fon wo tavín, é sáʼ ŋgaà wo m yoʼoné wìy a dù fo mbìy, e dù, e jòʼsì.

Nsùyrì Nyùy 89:24

M kù wíy a tiy vèr Davir, a kòŋ wun ghán sidzə̀m. M wíy sə wun, é wù ton aŋgaà və́ vibàn adzə̀m.

Ŋwàʼ Jov 16:15

«M kù màʼ ne a dzə̀ ndzə̀y sé kpu e wùn, aá sò ne mo ŋkuuŋkùŋ, m wáa ser a dzə̀ é kibvə̀r.

Remrí 32:22

«Dòʼshwíiy wom wíy baarí ji və́y. Wú wíy tòn kifá kidzə̀m ke kí kúyí, e tòn bèn, e dù, e meé e loònsay. Wú wíy tòn kifá kidzə̀m, a kinsə̀ŋ ke agwan ki wíy bò.

2 Wòŋ 34:25

Wír veé wòŋàne màʼày ne mo, a tòn kiláy, a cù anyùy sho, a ŋaʼár dòʼshwíiy wom e mebvə̀m me áwune fèrìn e wó yéví. Á bèy, m yíi lovtí e woŋàne mo dòʼshwíiy wom dzəə̀n, a wù baári moo və́y, a wìr wóo ndzəmér yòʼ dzə̀.»

Yòvdìy 1:13

«Wù tsə̀nsí ne və́y fó yuv, e yiì, wú wáa ghèʼ e mǒ vighvər. Wù kòʼór ne kitám, m lí shó wuú e baà, kí gháʼ mo fo m waʼri. Wù bìn ne ndzə̀m e mò, m wáa dzə e mvə̀m nyar ghán sidzə̀m.

Yòvdìy 4:11

Kilòŋ ké Nyùy Tàr kí‑iì shwìíy, e tònén, wù dìn dòʼshwíiy və wo tavín. Wù‑uù màʼ və́y é Sion, fóo bò, à kinsə̀ŋ ki shó.

Esiker 7:14

Á tòŋ ne sóŋ, e bàʼtí, e taàmé rə́r, yii bèy, a bó wìr wo wù‑úù du é shùu rər yòʼ dzə̀, bìʼ fo dòʼshwíiy wom siìn e wìr dzə̀m kitu.»

Esiker 13:13

Á bèy, ke Nyùy Tàr woo Taà Ndzə suuy ki dzə̀ jii, «Dòʼshwíiy wom yíi koʼ, é m tsə́nsí kinsəm, é kí meé, é kiŋkò ke wuu kí keesi fó yuv, é lúm se mentiy si sə́y, e kèr kifá kidzə̀m e nsay.

Nahum 1:6

A wù shwìíy kilòŋ, tàm la wùn wun? A dòʼshwíiy və kòʼ, yù la fóo tiím? Dòʼshwíiy və baári moo və́y, wóʼó wàa bvəʼkír, a rèŋ e wun si.