Yòvdìy 2:2 - ŊWÀʼ NYÙY

² Nyùy Tàr laàr ne virə́ʼ vé dzə vee Jakov ram. Wù laàr ne vidzə̀m, là mendzən. Wù shwìíy ne kilòŋ, e kètì virə́ʼ veé Juda ve tavkín ví. Wù màʼ ne sáʼ yee fó wùn à vé saʼa, á gbú ben, a neŋ fo nsay, a woomé.

Yòvdìy 2:2 Referans Kwoze

Yòvdìy 3:43

«Dòʼshwiiy wò kòʼ ne, e sùm wò, à shém e věr bàm, a laàr ver, là mendzən.

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Aysaya 43:28

Bìʼ bey, m wíy shoór vilìmbìy vén vee mǒ lav cù, e laàr rám Jakov moo wír ve á shwiin mo shó ji m ku laàr ŋkuuŋkùŋ, é wíri wáa nyè sèʼsì e kibér ke wìr veé Isray ki.»

Aysaya 25:12

Nyùy Tàr wíy səʼə́r virə́ʼ vé wìr veé Moav ve tavkín ví, e kètì, é ví keesi, a neŋ e nsay bèn e kibvə̀r.

Nsùyrì Nyùy 21:9

Fòn wíy fəəsín, e laàr áwune mo və́yí laàr kifá. Nyùy Tàr wíy shwiíy kilòŋ, e laàr áwune, aá shwí, e rèŋ.

Esiker 9:10

Á bèy, kém kí nén a dzə sa jii, bó yòʼ dzə̀ m lèéy áwune, e bàvtí, a bó m yòʼ yíi rər mendzən mev. M yíi lovtí aáwune mo njiìn wov dzəə̀n.»

Yòvdìy 2:21

«Dzə́n sé wàʼbìn wùn à sé ŋgày sé wìr si néŋnin e kibvə̀r, néŋnin e dzəə seé ŋkà se laʼ. Wónlě ŋgòn wùn à wónlě nsùm vémé kpùkír ne yé rər. Dòʼshwiíy wò‑oò ŋàʼáy é ghan fó, à teè áwune. Wò‑oò yùyrí áwune là mendzən.

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Aysaya 26:5

Nyùy Tàr sèn ne wír ve á kóʼor wún. Wù tsə̀y ne ŋkàlaʼ ye á naŋsin, e bàʼrì e loògwan, e kèr bèn, yì wáa neŋ fo nsay, a neŋ bèn e kibvə̀r,

2 Korin 10:4

Vifá vér vé rər ví yòʼ dzə̀ veé ndzə fèn gheéy. Kù dzə̀ vitaáví ve fó Nyùy e vèr, a vèr maʼ Satan sho, ton virə́ʼ və́ ve tavkín ví.

Matio 18:33

Yií ka fo à rə́r sá mendzən me wo woo ŋgaà kaa, a kfə̀n dzə̀ ŋkar ye, mo m kì rərin me?›

Malakay 1:4

Mo Nyùy yoŋ bèy, a tàm wír veé Edom vee rám Esavi lò, a suúy jii, «Aŋgaà vér vibàné sàʼtì ne mvə́m se laʼ sér, aá sàʼtì bèy, a vèr kù‑úù baʼri, e siìr fo.» A kí kòóy bèy, bo Nyùy Tàr woo Taà Mànjòŋ yíi suúy kfə́ jii, «Aáwune fə̀m bàʼrì, e siìr fo, bo m kù yíi sàʼtì, é wíri nèn a yòŋ fó ji kitúm ke vinyo ve bi ví runen shó. Kitúm, a dzə̀ ke Nyùy Tàr wíy a shwiíy kilòŋ wùn áwune, e wìy dù, e mày.»

Esiker 8:18

Bìʼ bey, m lo, e dìn dòʼshwíiy wom aáwuné kitu. Bó m yòʼ lo, e leéy, e bavtí, a bó m yòʼ yíi a rər mendzən mev. Aáwune fèn tòŋ e mǒ vitùʼùr, a waamé waamén, bo bó m yòʼ yíi yuurí.»

Esiker 7:9

Bó m yòʼ yíi leéy ven, e bavtí, a bó m yòʼ yíi a rər mendzən men. M yíi làʼ ven e ŋgeʼ, é vèn yén seʼ liì kisaŋ wo wù dzəə̀n e věn mvəm. Kù bey, é vèn nèn kìíy ji m dzə̀ á Nyùy Tàr wo dzə̀ wù màʼ ŋgeʼ e wírí kitu.

Esiker 7:4

Bó m yòʼ yíi leéy ven, e bavtí, a bó m yòʼ yíi a rər mendzən fo vèn. Ké ru kí, m yíi làʼ ven e ŋgeʼ mo yii yén vinyòo dzəə̀n, é vèn yén seʼ liì kisaŋ wo wù dzəə̀n e věn mvəm. Kù bey, é vèn nèn kìíy ji m dzə̀ á Nyùy Tàr.› »

Esiker 5:11

«Kí nén a dzə jii, mo m dzəə̀n shó e tin, mo woo Nyùy Tàr woo Taà Ndzə, e ké ru kí, mo vèn bivirin ne lav yem cù e mebvə̀m mè, e yiì kfə́ə joònè wo m yii ban e dzə̀m fo, bo m lo, e shèr tíŋ wón. M yòʼ wíy bavtí ven, a bó m yòʼ wíy a ker mendzən.

Jeremia 21:7

M yii bèy, é m li Tsədekiya woo fon Juda wùn à vé saʼ vəə́, à wír veé ŋkàlaʼ ve á bòyìn fó kifə̀ʼ, kìn fó rər, kìn fó jiŋ, e way e Nebukadnessar woo fon woó Babilon kiwo, é wùn aàŋgàa vibàn véví lóvtí aáwune lóvtín. Wù kù wíy fo sáʼ ji á gwati áwune, aá kpúkír. Wù yòʼ wíy bavtí áwune, a wù yòʼ wíy rər mendzən mev, a wù yòʼ wíy sham áwune. Kù suuy mo woo Nyùy Tàr.› »

Jeremia 13:14

Wun yíi a lì wír, a fòr a wùmòʼ shó, à ŋgàywìr, à wánlè, suuy a wun woo Nyùy Tàr. Yòʼ dzə̀ wun yiì rə̀r á mendzən mev, e shàm á áwune, e lèm a ji á goʼ atin.

Jeremia 5:10

«Á ku nə̀ə́ e mǒ súm vitiír vé vayin fèn, e bìvír, yii bèy, e làa yòʼ laàr vitiír láarin ŋkuuŋkùŋ. Á kù yíi kàŋ tám si fó fo, bìʼ fo tám sìn si yòʼ dzəə̀n sé Nyùy Tàr.

Aysaya 47:6

Mò‑oò shwìíy kilòŋ é ŋàŋ vèr à wír vémé, e nə̀ʼsì áwune, kù moo ji bó yòʼ dzə̀ə́ a wír vém bey. Mò‑oò màʼtì, ven veé Babilone tón áwune é shùu rər, yii bèy, a bó vèn yòʼ‑oò lo shàm mendzən mev. Jòkìnyàʼ, vèn yií, wír vee ŋgày sé wìri wáa yen ŋgeʼ, yì wáa shaà vitaáví vév.

Aysaya 27:11

Sí sooyì, tám se vici sí yúm, béʼkirì, é vikìy wáa wìy, a siv ji meŋkaʼ. Rúrú, wír vìne ter fo vinyò e kúmé, a Nyùy Tàr wo wù‑uù bomen áwune yòʼ wíy sham áwune. Wun wo wù‑uù bomen áwune yòʼ wíy dìn shammèndzə̀n aáwune.

Aysaya 23:9

Kù‑uù bà Nyùy Tàr woo Taà Mànjòŋ ntaŋ və̀n, ji wun fiʼ dìn ji kinyè kí yòʼ dzə̀ é vinyò ve wíri raʼsì wún shó, e sèn wír ve á ghvə́mé fo áwuné antaʼ ve kuʼkìné.

Ŋwàʼ Jov 2:3

Nyùy Tàr kfən dzə̀r e Satan jii, «À shoóshí ne ŋgaà lìm wom woo Jov, yée kiíy ji wìr yòʼ dzə̀ shó e kitu ke nsay wo wù dzəə̀n là shilóm, tíy e suuyrú, ghvə́m mo, kfə̀n bin ndzə̀m é kinyò ke bi kí moo wun a? Wù kù tíy e mǒ wùn, a wù lùm ne, e kpù shó. Mo à fə̀m ghíʼ mo ji m ku màʼ wun là njò.»

Nsùyrì Nyùy 74:7

Vé‑eè tòn lav yè cù, yì gbú é nsay, e bìvír kirə́ʼ ké ke dzə.

Aysaya 22:5

Rúrú, yiì Nyùy Tàr woo Taà Mànjòŋ, wun woo Taà Ndzə vinyo vìn. Bìʼ bey, mbvəərì sì é kiwoóy fen, kíwun ke mò‑oò yenen é njà kinjeenjèm, a wíri fan, nyéŋ, yaʼà. Vé‑eè kèr ne virə́v vé kày vidzə̀m, wíri wáa toŋ ji á sə́ á áwune, kiléŋléŋ kí wáa dù, a meé aàgwan.

Mayka 5:14

M wíy mèn wúr sé nyùy woo *Ashera, e laàr fo věn mvəm, e kfə̀n laàr ŋkà se laʼ sén sidzə̀m.

Remrí 28:52

Á wíy sùm ven e věn ŋkà se laʼ sidzə̀m, kù bey, e meé mo vikum ve kày vén ve vèn yoy, tiir sho vi wíy səy, e mày. Kí kù wíy a dzə bèy e věn ŋkà se laʼ sidzə̀m, a dzə bèy, woŋ wón e dzə̀m, wúwun wo Nyùy Tàr woo Nyùy won foon ne e vèn.

Remrí 32:22

«Dòʼshwíiy wom wíy baarí ji və́y. Wú wíy tòn kifá kidzə̀m ke kí kúyí, e tòn bèn, e dù, e meé e loònsay. Wú wíy tòn kifá kidzə̀m, a kinsə̀ŋ ke agwan ki wíy bò.

Jeremia 19:15

Nyùy Tàr woo Taà Mànjòŋ, wun woo Nyùy wìr veé Isray suuy jii, «Vèn leéy, e yèn, m sí lo, e màʼ ŋgeʼ ye tavín é ŋkàlaʼ fèn, e màʼ e ntèʼ see fó ghaŋ réŋréŋ mo mò‑oò sí suuyì, a kù dzə̀ bìʼ fo vèn tavin kitú, e tèn fó a yu kinyo ke m suuyì.»