Yòvdìy 1:9 - ŊWÀʼ NYÙY

⁹ Lóm sə́ sí lòr ne e wùn ndzə̀y, bó wù yòʼ‑oò lo yiì a kwàʼtì kimaysì kfə́ kin. Á bèy, e nèn gbù e dzəə ye biibí, la ŋgaà sham yòʼ a dzə. Jerusalem sí tóŋ jii, «Éè Nyùy Tàr, ku yèn ŋgeʼ sém sí, ŋgaà vibàn wom màʼ ne mo.»

Yòvdìy 1:9 Referans Kwoze

Remrí 32:29

A vé‑eè kér vifií, bo vé‑eè lo kìíy kinyo kìn, bo á kù‑uù kìíy mo kí wíy a kìʼ aáwuné kitu fo bàm.

Aysaya 47:7

Mbátír, wò woo wan ntoʼ ntay, à dzəv nsaŋ, suuy jii, ‹M kù wíy gòʼ ji yeè kitum, e dù, e mày.› Mo vifií vé ví kù sí tíy a dzə̀ é kwàʼtì fèn, à yòʼ dzəə́ kuúme ŋgeʼ se yii yée bvəə́shi, e kèm.

Yòvdìy 1:17

Sion sí maʼ wó rə́, a bó ŋgaà wóo sham wun yòʼ dzə̀. Nyùy Tàr tìnén ne kùm rám Jakov jii, vitúm ve ví kaarin áwune ví binkir, ví ku bìnkìr, e ghìʼ á áwune ghíʼín. Jerusalem kù sì ji kifá ke *kifàn kí aáwuné mvəm.

Ŋgaà Tàrvìnyò 4:1

M kfən lèéy, e yèn mo á nəʼsì wíri é sar shùy fèn. M yén, aàghéʼnceyí tóŋé, a bó ŋgaà sə̀mér yòʼ dzə̀, bìʼ fo vitaáví ví kù siìn áàŋgàa vibàn véví wo, aá táy áwune, a bó yòʼ dzə̀ wìr mùm fóo tom áwune.

Nsùyrì Nyùy 25:18

Ku lèéy nyár ye m dzəə̀n shóo, à ŋgeʼ sém sí. Ku làysìn ajay vémé adzə̀m.

Tsəfaniya 2:10

Á vilaʼày ve Moav wùn Ammon wíy a ker, bìʼ kiŋkoʼòrwùn kév. Áwune‑eè keŋ wír Nyùy Tàr woo Taà Mànjòŋ, kóʼ aáwuné kitu.

Jeremia 48:26

«Moav sí kóʼor kitú kfə́ shaa Nyùy Tàr. Á ku nòór áwune, é mè koó, áwune lóo màʼ, lóo dzəŋrí sho, é kitú ke nsay ki wáa lì áwune ji kifá ke nshéʼmé ki.

Jeremia 2:34

Ndzə̀y sén sí sì mensə́ mensə́, a dzə̀ mensə́ me aghéʼncey ve vèn yúyri là njò. Bó vèn yòʼ‑oò lo koò áwune, aá kív kirə́ʼ. Vinyo vìn vi yénsin bèn,

Aysaya 3:8

Rúrú, vilìmbìy veé Jerusalem wùn à veé Juda vi bàyrìn ne, e gbùkìr. Wír vìne kù sí tsə́y kóy wùn à Nyùy Tàr é vinyò ve á suuy wùn à ve á yii vi. Á kù sí tún vikuʼùy vé Nyùy Tàr túnén e kúmé.

Nsùyrì Nyùy 119:153

Ku lèéy ŋgeʼ ye m yéné, e fə̀ə́r mo fó fo, bìʼ fo m yòʼ laysìn Nsər yè.

1 Pita 4:17

Vèn wáa kiíy jii, ghán se Nyùy wíy tinén nsaʼ wìr dzə̀m si ghèén ne, a wù wíy kèʼ a dzə̀ fo wùn lav, e bóo fəə e ndzə. Mo kí dzəə̀n ji wù wíy kèʼ a dzə̀ fo vèsən, bo ké wìr ve á tenen kinyo kfə́ kí wíy a dzə e le?

Joon 11:19

Jesus wáa wìy, a wír veé Juda foo fèyi kì wìykìr anín ji á shám Maata wùn Maria wo fər wov kpuun.

Hosea 2:14

Nyùy Tàr nén a suúy, a shìvìr jii: «M kfə̀n lo, e yiì, é Isray kúvsín kwaʼtì rə́, e kfə̀n é bàm. M wíy lì wun, e dù sho e kirə̀ʼ ké woʼ, a leèrì wun fo e jí se kikòŋnìn si.

Yòvdìy 4:1

Á ku lèéy, e yèn, nyàŋ koò ne e kishà ke mbàm ke baar kí, kisha kee wúntí kíwun ki bùŋ ne sə́nín. Tíy seé lav cù si sí néŋnin e ghaŋ se dzəə, tíy, a dzə̀ see jeéy sí.

Yòvdìy 2:13

Éè ŋgònjuù yee Jerusalem, a dzə̀ m sùúy ji ka kùm wò? A dzə̀ m fìʼsìn wò a dzə̀ e ka kí? Éè ŋgònjuù yee Sion, a dzə̀ ji m lóʼtí wò, m fìʼsìn wò a dzə̀ e ka kí? Á yèr ne wò mo rìbà ndzə̀v yèr virə́ʼ, a dzə̀ kfə̀n lùŋèr la wò?

Yòvdìy 1:21

«Wíri yù ne mo m shwíkir, kónsi, la ŋgaà wóo sham yòʼ a dzə. Aŋgàa vibàn vém adzə̀me yù ne ŋgeʼ sém, e nèn a màʼ a dzə̀ kinseŋ e kinyò ke à yiìn e mò. Ku yiì, é kishiíy ke wò‑oò tinen kàʼ ki wiy, aáwune nəə́ sá e ŋgeʼ moo mo.

Jeremia 50:29

Á kum vé kintee, aá wiy, e taàmé ŋkàlaʼ Babilon. Á bí wir dzə̀m wo wù yii maʼ mvən, aá wiy, e tàm táv sév, e kaàrí Babilon sho, á ku kaàrí, e tàr, a yen a fo wìr léʼ. Á ku laàmé Babilon mo yii rəə́ dzəə̀n, e lòvtí aáwune, kù mo áwune‑eè lóvti aámóʼó. Áwune guynìn, ŋwáy Nyùy Tàr, wun wo dzəə̀n Ŋgaà wo Ranén woó Isray.

Jeremia 16:7

Bó wìr yòʼ wíy a wìy e vifá ve yi vi, a fo e wír ve á diy kpúu ji wun shám a áwune. Wìr yòʼ wíy a wìy e kifá ke noón kí ji wun shám áwune shó, a kpuun tàr wov kìn yè wov.

Jeremia 13:27

M yèn ne joonè wo vèn yii. Vèn sí yii a dzə̀ visàkì. Vèn ghvə́m anyùy e vitu ve agwan, ghvə́m e viwoóy. Vèn yii moo lumèn wo wù ghán e wiiy wìr bàm, kìn mo nyàm yee lumèn shiì yee wiíy. Éè Jerusalem, lòné dzə̀ wón. Liì won kisaŋ və̀n wíy mày e ghàn ka?»

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Aysaya 54:11

Nyùy Tàr suuy jii: «Éè ŋkàlaʼ Jerusalem, wò wo à siìn ji wo ŋgeʼ, à sì moo wír wo kinyo ki gbuùn é kitu wo, là ŋgaà sham. Rúrú, m yíi yiì, aá kfən bàʼrì wò, áà kfə́n a kìʼ kijuŋ.

Aysaya 40:2

Vèn kú a suŋnín lám wo juŋe, a rəə̀r wír veé Jerusalem sho jii, ghán se áwune‑eè rə́si yén ŋgeʼ ye tavín sí shaà a ne, aá làysìn a ne ajay vév. Fə̀m mo Nyùy Tàr màʼàn ne ŋgeʼ aáwuné kitu, e tòm e ŋgeʼ, bìʼ vinyo vidzə̀m ve áwune rə́si buʼtì, ké lèn ki, wù shàm á ne áwune.»

Aysaya 37:29

À fàŋ ne mo, kiŋkoʼòrwùn ké ki nəə́ e mǒ kitùʼùr. Bìʼ bey, m yíi way ŋgòvìr yem e wò yuy, wáy sháŋ e wò shuù, é m nèn bìnèr wò, áà wáa kfən, a kfən, a kù dzə̀ fó dzəə ye wò‑oò wìyìn fó fo.»

Aysaya 37:23

Sennakeriv, wìr wo à shéʼ, kuurì dzə̀ la? Wìr wo à súŋnin sho kitávín dzə̀ la? À fə́ti sí a dzə̀ vèn la? À kù yòʼ kì ji dzə̀ Ŋgaà wo Ranén woó Isray a?

Aysaya 37:17

Éè Nyùy Tàr, mvə̀ʼtì vituʼùr vé vi, e yuùrí. Éè Nyùy Tàr, mvə̀ʼ sí yée, e yèn búʼú. Yuúrí jí se Sennakeriv si, jí se wù tsənsin ji á shur wò sho si, wò woo Nyùy wo à dzəə̀n shó.

Aysaya 37:4

Mfòómé woó Assiriya kì wìy, a kuùrì Nyùy wo wù dzəə̀n shó, kuùrì bèn mo tàr wov woo fon kì tsənsin ji wù wàá wiy, e kuùrì. M lón ji Nyùy Tàr woo Nyùy wò ku yuùrí a liy sìn, e nyèr áwune. Á bèy, á bùnrì fo kibér ke wìr ke kí dzə̀ə́ sho ki.»

Nsùyrì Nyùy 140:8

Éè Nyùy Tàr, lá à yòʼ fò kifá ke wír ve á méŋ wòo kér shií shó. Lá à yòʼ yiì, áàntaŋ vév virìme lim.

Nehemia 9:32

Éè Nyùy wor, à kùʼ e ŋàŋ, a dzə e wíy, aà dzə̀ e gháʼtín. À yii tíy e wò mensàŋ, din koŋ yé ye wiyí. Lá à yòʼ a kay ŋgeʼ ye yì dzəə̀n e věr kitu rə̀n. Kèʼ fo ghan sé afòn veé Assiriya, vèr aàfon vérí, à vilìmbìy vi, aàtàá cùu, aàŋgàa ntum Nyùyi, aàtàr vérí, à wír vé adzə̀me dzə̀ a dzə̀ é ŋgeʼ, e wìy shem lán.

2 Afòn 14:26

A kí‑iì dzə̀ jii, Nyùy Tàr‑iì yèn kfə́ə ŋgeʼ ye wìr dzə̀m woó Isray‑iì dzəə̀n shó, à kwàné, à wàn nsay, a bó wìr yòʼ dzə̀ wóo sə áwune.

2 Samuel 16:12

A tàm é Nyùy Tàr yiì yèn ŋgeʼ sém, e səə̀vì mo fó kuùrì ye wù kuurì mo lán.»

1 Samuel 1:11

Hanna lò, e lìʼ jii, «Nyùy Tàr, wò woo Taà Mànjòŋ, aà lòo dzə e lèéy kwàn wó e wun mvə̀m ŋgeʼ, e kuùmé wun, e làa yòʼ làysìn kwàn wó, e fò wun wán woo lumèn, bo m yíi fo wán woo shooy e wò ji sì á wo, e wìy dù, e mày, é la keme yòʼ wìy kùm kitú kfə́.»

Remrí 32:27

Yii bèy, m kfə́n a fàn jii, aŋgaà vén vibàné wíy a saà a wún, a yòŋ jii, tòn a áwune ven ben, bó yòʼ tòn a mo woo Nyùy Tàr. Yii bèy, a kù tòn mo və̀n.»

Remrí 26:7

Vèr nèn tòŋ e Nyùy Tàr woo Nyùy atàr vér kitávín, wù yú tóŋ yér, e yèn ŋgeʼ sér, à nə̀ʼsì, à ŋkáymé wo á káy ver.

Ŋwàʼ Fəə 4:31

áwune nen biìmé ntum yev. Á lò, e yù ji Nyùy Tàr kì wìy ne ji wun shám á wír veé Isray, a wù yén ne ŋgeʼ se áwune yéné, á nèn gvə̀ʼə́r vitú vév, a ghvəm Nyùy.

Ŋwàʼ Fəə 3:17

Wù nen kàʼ ji wun yíi fəə́r a áwune fó ŋgeʼ yeé Ejiv, e dù sho e nsay ye vín nàʼ wùn à vilu vi tsəətìn sho, a dzə̀ fo wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́.

Ŋwàʼ Fəə 3:7

Nyùy Tàr nèn sùúy jii, «M kù yén mo á nyavrì e wír vémé é Ejiv. M yù ne mo áwune tóŋ ji á sə́ áwune fo wír ve á nəʼsì áwuneé wo. M kì ŋgeʼ sév sidzə̀m.

Nsùyrì Nyùy 69:21

Jìŋ gháʼ mo, á wíy a dzə̀ e ndzəʼ ji viyíkìr. Kilòŋ kém kí yúm, á fó kiŋkway ke melùʼ ji m nó.

Aysaya 51:19

Ŋgeʼ si gbù ne e věn kitu kfəə́ e baà. Wìr feyì wo wù yíi sham ven dzə̀ la? Á sàʼtì ne kitúm kén, e laàr láʼ sén, jìŋ koó ven, rə́r sí nəə́, e gòʼ e věn nsàn. Wìr feyì feyì wo wù lo, e rəə̀r melív men dzə̀ la?

Yòvdìy 5:1

Éè Nyùy Tàr, kú a kuumé kinyo ke kí kooyin ver kí. Ku lèéy, e yèn nshoórsí wo wù nəən ne ver.