Yòvdìy 1:8 - ŊWÀʼ NYÙY

⁸ Jerusalem bùʼtì ne vinyo ve bi ví é ŋàŋ, e nèn kfə̀n ji kifá ke kí kér lóm. Wìr dzə̀m wo wù‑uu ghvə́m wun sí nyaysì wun nyáysin, a dzə̀ bìʼ kinshóʼ kfə́ ke á yenen ne. Á bèy, wù nén a woomé, woóme bèy, litì sí rə́.

Yòvdìy 1:8 Referans Kwoze

Yòvdìy 1:11

Wìr dzə̀m woó Jerusalem sí shwíkir shwìkín, ghán, taʼ kifá kée luʼ e shuù. Áwune sí li vifá veé shií, káv viyíkìr sho, viyíkìr vée yi, a dzə atin. Jerusalem sí tóŋ jii, «Éè Nyùy Tàr, ku yèn mo á sí nyaysì mo.»

Jeremia 13:26

Mómò kitú kém, m yíi nàn ndzə̀y fo věn sar, é kinshóʼ kén kí yénsín.

Jeremia 13:22

A tàm vèn lò, a ghay jii, «Yiì ka, é bo vinyo vìn vi wáa koóy ver? Yiì ka, é bo á tiíné ndzə̀y sér, e lòvtí e vèr ben?» Kù dzə̀ bìʼ yii yén kisaŋe ye á yiìn ne, e tònén.

Ŋgaà Yen 3:18

M nén a tir ven jii, a vèn bèn taʼ a dzə rú vé bùʼu, vèn wìy, e yèn a dzə̀ mo, e yùn vifá vee vifá. Vèn wiy, e yùn *kisha ke mbàm ke ru kí ke á tònèn ne, e shèŋrì. Vèn wiy, e yùn ndzə̀y se sí fə́r kijuŋ, e sə̀tí kinshóʼ kén shó, fo wíri wáa yen, e kfə̀n yùn kifú, e wày e věn si, e fíʼ a yen virə́ʼ.

Hosea 2:10

M wíy kweèy ndzə̀y fo wun wùn, e ŋkar sə́ sí si, é wù wáa tiy kinshóʼ, kù ji sàkì və̀ne, a bó wìr yòʼ wíy a dzə wóo bòyìr wun woo Isray fo mǒ wo.

Hosea 2:3

Roomè, wù tén fóo neèr liì woo shooy, bo m lo, e kweèy ndzə̀y fó wùn wó, e kweèy bèn, é wù wáa dzə mo vé‑eè dzəən wun. M yíi yiì, é wù kpú kilòŋ ke yumén kí, e yiì, é wù yúm, e kàʼkír moo kirə́ʼ ké woʼ, e yum bèn moo nsay ŋgaŋ.

Esiker 23:46

«Á bèy, ke mo woo Nyùy Tàr woo Taà Ndzə suuy ki dzə̀ jii, ‹Á kum á màŋgòŋ, é wù ghíʼ áwune, e nə̀ʼsì, e kfə̀n faàsì vifá vév.

Esiker 23:29

Áwune wíy nyàvrì e wò e si ŋkfəə́mé, e faàsì vifá ve à ndzə̀ʼnìn, e kàv, áà goʼ e wóo, kù kinshóʼ mo wò‑oò yii visàkì dzə́, áà saŋri lèn e kwaʼ, é wìr dzə̀m yén mo wò‑oò yii joonè, ghán visàkì.

Yòvdìy 4:21

Àshè, wìr veé Edom, ven ve á dzə́ e nsay Us, vèn wáa sheʼrí rì, a yu vijuŋ vi. Wóon woo bàr ŋgeʼ kù yíi wìy sa, a vèn yíi no, a baa, e shoʼóy ndzə̀y, a dzə kinshóʼ.

Yòvdìy 2:10

Kfə́m sé wìr seé Sion si sèsín ne fo nsay, áwune sèsín ne, a dzə kisə́sə kisə́sə. Áwune fə̀vrì ne kitú e kibvər ki, e màʼ vinsàʼ ve ndzə̀y é wùn. Ké wónlě ŋgòn veé Jerusalem, á jòór ne a dzə̀ vitú e nsay.

Jeremia 34:17

Á bèy, Nyùy Tàr suuy jii, «Mo vèn yòʼ‑oò lo yùnín mo, e yiì kinyo ke vèn‑eè lìʼìn ji wìr yíi a màʼtì a fə́r və, é wù wáa bòy fo vikwàn, vèn yuúrí, m lo, e màʼtì sa ven, é rə́r wùn à jiŋ, à kifə̀ʼ ki nəə́ ven. Vitúm veé kitu ke nsay vidzə̀m vi lóo leéy ven, é wúné wáa beemé áwune. Suuy mo woo Nyùy Tàr.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Jeremia 15:4

M wíy lovtí aáwune ye vitúm veé kitu ke nsay vi wáa leéy, é wúné wáa beemé áwune, a kù dzə̀ bìʼ kinyo ke Manasse woo wan Hesekiya‑aà yiìn é Jerusalem, e ghan se wù‑uù sáʼ vifon e Juda.

Jeremia 6:28

Áwune dzə̀ antavkìtu, a liì wov tàv moo kisha kee *brons, e tàv moo kisha kee kiy. Áwune kù sí ghán, kunsìn a dzə̀ kiŋkùnsìn, kér liì kisaŋ wír adzə̀m.

Jeremia 4:31

M yú tóŋ moo yé wiíy wo wù lúm wán. M yú dzəm moo yé wiíy wo wù jonsì wán və mfùmèn. Dzə̀ tóŋ ŋgònjuù yee Sion, mo yì yoysìnè. Yì ramsì kiwó, suuy jii, «Lòné shòv ne mo. M gbù ne e vé kinjuyrìí wo, aá sí lo, e yuy mo.»

Aysaya 47:3

Á wíy kweèy ndzə̀y fo wò wùn, áà wáa ghan e wóŋé ndzə, é wìr dzə̀m yén kinshóʼ ké. Feyì feyì, m kér fó wìy siìr ŋkfə́tír, e màʼ ŋgeʼ e wò woo Babilon kitu, là nyaʼ.»

1 Afòn 9:9

Bo binèri kù yíi a dzə jii, ‹Nyùy Tàr lòvtí aáwune ben, bìʼ fo áwune bìnèn ne ndzə̀m e Nyùy Tàr woo Nyùy wov wo wù‑uù fəərin atàr vév fó Ejiv, e ghàr anyùy kisaŋe, a ghvəm, a cù áwune. Á kinyo ke kí‑iì yiìn, é bo Nyùy Tàr lóvtí aáwune ben.› »

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

1 Afòn 9:7

bo m yíi fəə́r wír veé Isray fo nsay ye m foon aáwune, é m kfən mèŋ lav cù rə̀n, ye m kì lèmèn ne ji yee jeéy ji á wíy a cù mo shó, aá nèn wìy a màʼ Isray máʼan é ŋgàn, é vitúm vidzə̀m vi wáa jàʼ áwune jáʼan.

Kèʼlo 3:7

Kù mo áwune kfərin bey, vifií vév ví nen mvə̀ʼkìr, áwune yén ji á dzə̀ á kinshóʼ, e nèn kèŋ vav se kici ké *fig, e baàné, e fèr atéʼ vév shó.

Yòvdìy 1:17

Sion sí maʼ wó rə́, a bó ŋgaà wóo sham wun yòʼ dzə̀. Nyùy Tàr tìnén ne kùm rám Jakov jii, vitúm ve ví kaarin áwune ví binkir, ví ku bìnkìr, e ghìʼ á áwune ghíʼín. Jerusalem kù sì ji kifá ke *kifàn kí aáwuné mvəm.

1 Afòn 9:6

Yii bèy, aà lò, kìn lò wón vé, e bìn ndzə̀m e mò, a ghvəm anyùy kisaŋe, a cù áwune, e làa yòʼ dzə́ə a yu sáʼ yém, e làa yòʼ dzə́ə a yunín nsər se m foon e vèn,

Jeremia 32:23

Áwune nəə́, e yòv fó, e nèn tèn fó a yunín wò, a jùmrì nsər sé. Áwune yòʼ‑oò ló a yiì vinyo ve wò‑oò yòŋèn ji á wáa yiì. À nen yiì, ŋgeʼ rə̀n gbú aáwuné kitu.

Esiker 39:23

Ké vitum, é ví kiíy ji wír veé Israyi‑iì dù, a rèŋ vikwàn a dzə̀ bìʼ ajay vév. Vé‑eè ŋwáy mo, m nèn bìn ndzə̀m aáwune, e wày áàŋgaà vév vibàné wo, á kpú é shùu rər.