Yòvdìy 1:7 - ŊWÀʼ NYÙY

⁷ Jerusalem dzə̀ lèn e mvə̀m ŋgeʼ, kù ghán, ján janén. Wù kuúme lèn vifá ve juŋ vi vidzə̀m kuúmén, vifá feyì ve yì‑iì dzəə̀n vév fó ŋgùʼ. Jerusalem‑eè gbù e wír ve á ghíʼ wuné wo, la wìr wóo sə wun yòʼ a dzə. Aŋgàa vibàné wáa leéy wun, a sheʼ, a jàʼ gbu ye wù‑uù gbuùn jáʼan.

Yòvdìy 1:7 Referans Kwoze

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Nsùyrì Nyùy 42:4

M lóo kuumé vinyo vìn, shilív shém shí wàa tàʼ, e tum. Kuúmé mo vèr à màŋgòŋ‑eè duùn é lav cù, a m du fo mbìy, aá jumrì mo fó bàm, a vèr à vé ŋkàʼá waáme yòv vibeèrì fo Nyùy, a wúné tékir ver.

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Ŋwàʼ Luk 15:17

Wù nèn wìy lò, e rə̀m kitú kfə́ jii, ‹Ke m yii bèn ki dzə̀ ka? Wíri lim fo tàr wor anín, yí vifá, a ví gháʼ áwune gháʼán, a m dzə́ fèn, kpú jíŋ.

Mayka 4:11

Ké lèn ki, vitúm vi bàʼtí ne vinín, a taamé ven. Ví sévti jii, «Vèr kù kér fóo bivír Jerusalem və̀n, bívírì, é wù kfə́n ji kirə́ʼ ké *kifàn. Vèr taʼ e yen, aá laár ŋkàlaʼ yee Sion rə̀n.»

Hosea 2:7

Wù wíy a leʼnín aàŋgàa ŋkòŋmé vəə́ bàm, a bó wù yòʼ wíy yen. Wù wíy a tàʼ áwune e waá shuù, a bó wù yòʼ wíy shov e si. Kí kooy bèy, é wù nèn sùúy jii, ‹Mo‑óò kfə́n ri e bàm fo lum wóm wùn. Mò‑oò dzə́ fo, yú vijuŋ, e shaà dzə́ ye m dzə́ rə̀n.›

Yòvdìy 4:17

Vèr‑iì tùytí sí, a shìy wír wo wù sə́ ver, e lèéy bèn, síi səə́né, là ŋgaà benben. Vèr‑iì kòʼ ŋkiy e věr virùmèn, la kitúm ki yòʼ wìy, e sə̀ ver.

Jeremia 37:7

Nyùy Tàr woo Nyùy wìr veé Isray‑iì sùúy shó jii, «Mo fòn woó Juda tumen wò ji à wáa buʼ wó e mò, dù sùúy sho ji vé rə́r Farao ve vé‑eè wìyìn ji á sə́ wune sí lo, a kfən a bàm é Ejiv, aáwuné nsay.

Nsùyrì Nyùy 77:3

M lóo kuumé Nyùy, m kù a shwem shwemén, lóo gwàrìr kinyo kfə́, wúné wàa seèmè mo séemen.

Ŋwàʼ Jov 29:2

«Éè mò, la m kù sí ri kfə̀n a dzə mo mò‑oò dzəə̀n fó mbìy à vèné, e ghan se mò‑oò dzəə́ dzə́, a Nyùy leey fo mò.

Aysaya 64:11

Á tòn ne lav yè ye ranén, yì shwí e dzə̀m, lav cù ye atàr vérí‑iì suyrì wò fo, lav, a yì‑iì njaʼkìr, din vikuʼùy vé. Vifá ve melív mer mè‑eè tíy sho vi bvə̀ʼə́y ne.

Jeremia 48:27

Moav, kí vèn‑eè shéʼ wír veé Isray? Vèn‑eè lo koò áwune ji ashóŋ á, e bó a fèr vinyo kùm áwune, a shèŋ kitú?

Aysaya 64:10

Ŋkà se laʼ se wò‑oò shoʼon, e lèm ji see jeéy ji wír vée wáa dzə sho, ké lèn ki, sí sí tíynin kisáŋ là wír moo wóʼ. Rúrú, Sion kfə̀n ne ji kirə́ʼ ké woʼ, wun woo Jerusalem dù ne e vifə̀m.

Esiker 25:3

Suúy e wír veé Ammone jii, vèn yú kinyo ke Nyùy Tàr woo Taà Ndzə suuy ki. Ke Nyùy Tàr woo Taà Ndzə suuy ki dzə̀ jii, ‹Vèn‑eè maʼ kinseŋ e ghan se ŋgày cù yem‑eè birin, bínsi jii, á lèn, á lèn. Vèn kfə̀n‑eè maʼ sa e ghan se vé‑eè tònèn woŋ Isray, e siìr e vifə̀m, kfə̀n màʼ e ghan se vé‑eè koorin wír veé Juda, e dù sho e kwaʼ nsàm.›

Esiker 25:6

Ke Nyùy Tàr woo Taà Ndzə suuy ki dzə̀ jii, «Vèn‑eè kwáʼ wó, dzəv kiwuú é nsay, séŋ fo shiliv bìʼ ŋgeʼ se sí gbuùn e Isray kitu.