Yòvdìy 1:5 - ŊWÀʼ NYÙY

⁵ Aŋgàa vibàné kfə̀n ne ji vé saʼ veé Jerusalem, e kù a ghaʼ ghaʼán, a dù duùn fó mbìy, bìʼ fo Nyùy Tàr màʼàn ne ŋgeʼ e Jerusalem kitu. Wù màʼ bìʼ ajay vév vee nyanyày. Aŋgàa vibàné koòrí ne wón vév, e koòrí bèy, e dù sho ji akwàn.

Yòvdìy 1:5 Referans Kwoze

Esiker 9:9

Nyùy bìnèr e mò jii, «Njò wìr veé Isray wùn Juda kùʼ ne e ŋàŋ. Woŋe sì mensə́ mensə́, a ŋkàlaʼ kù sì yíi kisaŋe e dzə̀m. Áwune yoŋ ji Nyùy Tàr màʼày ne woŋ və̀n, a bó wù yòʼ dzəə́ yén áwune.

Jeremia 39:9

Nebusaradan, wo yì‑iì dzəə̀n wun mfòóme anshìy fòn nèn fə̀ə́r kibér ke wìr ke kí‑iì berin é mvə̀mlaʼ, à ve vé‑eè leʼen, e wìy, e yèn wune, e tsə̀nsí, á dù sho e Babilon.

Yòvdìy 3:46

«Aŋgaà vér vibàné mvə̀ʼ ne shuu, e lèm e rə́, e tàtí, a te a dzə̀ lám e věr wùn.

Yòvdìy 2:17

Nyùy Tàr yiì ne kinyo ke wù‑uù baʼtin ji wun wíy yiì. Wù yiì ne mo wù‑uù yiysin fó yàŋgùʼ, e laàr Jerusalem, là mendzən. Wù‑uù tàvír kóy aŋgaà vév vibàn, á tón fó. Wù yiì ne, aŋgàa vibàné wáa sàvnìn aáwuné kitu.

Yòvdìy 1:18

«Kinyo ke Nyùy Tàr yiìn e mò kí dzə̀ réŋ. M yòʼ‑oò lo yùnín nsər sə́. Wìr dzə̀m ku yuùrí, e yù, e lèéy ŋgeʼ sém sí. Aŋgàa vibàné koòrí ne wónlě nsùm vém, e koòrí wónlě ŋgòn vém, e dù sho e kwaʼ nsàm.

Jeremia 23:14

Yii bèy, ké aŋgàa ntum veé Jerusalem, m nen yèn, a kév kí fóy ne fóyin. Áwune ghán, jaŋ kinjàŋ, bóʼti a dzə̀ kimboʼtì, távir kóy aŋgàa vinyò ve bi ví, yii, a wìr yòʼ kfə̀n kúvsin fo wun yiì ye bií. Áwune adzə̀me sì moo wír veé Sodom bèy fo mò. Wír veé Jerusaleme kfə̀n ne ji wír veé Gomorra.»

Jeremia 12:7

Nyùy Tàr suuy jii: «M bìn ne ndzə̀m e Isray. M shwèy ne wír ve mò‑oò shoʼon ji vém, e wày wír ve mò‑oò liìn ji shilív shém áàŋgaà vév vibàné wo.

Jeremia 5:29

A dzə̀ rú la m yòʼ màʼ ŋgeʼ aáwuné kitu bìʼ vinyo vìn à? A dzə̀ la m yòʼ siìr ŋkfə́tír e kfə́ə kitum kee ben ki a? Suuy mo woo Nyùy Tàr.

Aysaya 63:18

Lav cù yè‑eè dzə̀ e wír vé vee jeéy víné kiwo fo shintàm shishàr, ké lèn ki, aŋgaà vér vibàné laàr ne lav cù yè yee shooy.

Nsùyrì Nyùy 89:42

À nàn ne kóy aŋgaà və́ vibàn, e yiì, áwune wáa sheʼrí.

Nsùyrì Nyùy 80:6

À yiì ne, nsay yer kfə́n ji kifá ke vitúm vee fó ghaŋ vi wáa taŋnín sho, aŋgàa vibàn vérí kaárí, a sheʼ ver.

Remrí 31:29

M sì é shùu kpu, a m kì jii, yì yíi ran kibvəə́shí, é la á yòʼ dzə́ə a ci kinyo ké a yiì, kìn dzə̀ ke juŋ ki, kìn ke bi kí. Áwune yíi a yiì bèy, a tav kitú fo Nyùy Tàr, e ten fó a dzə mo mò‑oò yòŋèn ji á wáa dzə. Nyùy Tàr wíy shwiíy kilòŋ, é vinyo ve biibí ví wáa koóy áwune.»

Aysaya 22:5

Rúrú, yiì Nyùy Tàr woo Taà Mànjòŋ, wun woo Taà Ndzə vinyo vìn. Bìʼ bey, mbvəərì sì é kiwoóy fen, kíwun ke mò‑oò yenen é njà kinjeenjèm, a wíri fan, nyéŋ, yaʼà. Vé‑eè kèr ne virə́v vé kày vidzə̀m, wíri wáa toŋ ji á sə́ á áwune, kiléŋléŋ kí wáa dù, a meé aàgwan.

Jeremia 10:20

Á sàʼày ne vibàn vér, e tiìné akfəə̀ və́. Wón vérí kpùkír ne adzə̀m. Wánlè yoʼ dzəə bèr wóo kfə̀n bàʼrì vibàn vér, e bó a keèrì ndzə̀y shó.»

Yòvdìy 1:8

Jerusalem bùʼtì ne vinyo ve bi ví é ŋàŋ, e nèn kfə̀n ji kifá ke kí kér lóm. Wìr dzə̀m wo wù‑uu ghvə́m wun sí nyaysì wun nyáysin, a dzə̀ bìʼ kinshóʼ kfə́ ke á yenen ne. Á bèy, wù nén a woomé, woóme bèy, litì sí rə́.

Esiker 9:10

Á bèy, kém kí nén a dzə sa jii, bó yòʼ dzə̀ m lèéy áwune, e bàvtí, a bó m yòʼ yíi rər mendzən mev. M yíi lovtí aáwune mo njiìn wov dzəə̀n.»

2 Afòn 21:15

M wíy yiì bèy, bìʼ fo áwune kù‑uù yii vinyo ve bi ví e mǒ si, ŋáʼar dòʼshwíiy wom shó, e kèʼ fo kishiíy ke atǎr atàr véví‑iì fəən fó wòŋ Ejiv, e wìy shem lán.»

Yòvdìy 1:16

«M sí diy bìʼ vinyo vìn, a mensíy mè dan fo mǒ si. Ŋgaà wóo a sham mo yòʼ dzə̀, a wìr wóo tavír mo yòʼ dzə̀. Ŋgaà vibàn wom ghàʼ ne mo, wón vémé rán kibvəə́shí kév.»