Yòvdìy 1:4 - ŊWÀʼ NYÙY

⁴ Dzə́ə se sí nəə e Sion si sí tíy ji nyoòŋ, mo koò kpú. Fə̀m é vishiíy vé ŋkàʼ veé lav cù, wìr yòʼ shaa sho. Shuu sə́ sé kày si sí tíynin sirə́, a bó wìr yòʼ bav fo, aàtàá cùu leey, ndzə́kir ndzə̀kín. Wónlě vikìy ve á yii yov yòv e lav cùu kù sì a dzə̀ é nsòvkìtu, a Sion kù sí shwíkir shwìkín e dzə̀m.

Yòvdìy 1:4 Referans Kwoze

Jeremia 9:11

Nyùy Tàr suuy jii, «M yíi yiì, é Jerusalem kfə́n é vikfər vikfər, e dù ji kirə́ʼ kee fo kuúrá yii shiiyì. M yíi yiì, é ŋkà se laʼ seé Juda si kfə́n ji vifə̀m. Kirə́ʼ ke bó wìr yòʼ yii dzə́ fo.»

Jeremia 14:2

«Woŋ Judàa sí diyì, a ŋkà se laʼ sə́ sí yúm, mayì, a wír vee fóo sér e nsay e nsòvkìtu, a tóŋe kóʼ fo Jerusalem, taʼ ŋgaà dzər.

Jeremia 10:22

Vèn yuúrí, e yù, léŋe sí wiyì, ŋkfə̌n vé rərí keèmè ne, a wìy fo vitum veé mbìv yee kuy. Á sí lo, e bvəʼə́y ŋkà se laʼ seé Juda, é fóo kfə́n ji kirə́ʼ ke yii dzə́ kuúrá shó.

Mayka 3:12

Kí nén a dzə jii, bìʼ liì won kisaŋ, á yíi lìm Sion e njà sùm, é Jerusalem və̀n kfə́n é vifə̀m, é gwan woo fo lav cù Nyùy Tàr dzəə̀n kwiíy, e rə̀ŋsìn.

Yòvdìy 5:13

Á lì ne wónlě nsùm vér ji akwàn vév, e lì bèy, a kàn, á wáa jò kibán, a kàn, á wáa ghvəəné e sar mbeʼ se meŋkàʼ.

Aysaya 3:26

Wír veé Jerusaleme wíy a toŋnín, a dìy. Á wíy a dìy, a sesín e kibvə̀r mo ŋkàlaʼ yev kfənen ne e vifə̀m.

Yòvdìy 1:21

«Wíri yù ne mo m shwíkir, kónsi, la ŋgaà wóo sham yòʼ a dzə. Aŋgàa vibàn vém adzə̀me yù ne ŋgeʼ sém, e nèn a màʼ a dzə̀ kinseŋ e kinyò ke à yiìn e mò. Ku yiì, é kishiíy ke wò‑oò tinen kàʼ ki wiy, aáwune nəə́ sá e ŋgeʼ moo mo.

Cù 26:22

Dzəsì, é m kfən tsə̀nsí nyám se bi sí e věn mvəm, é sí wáa yuyrí wón vén, a laàr nyám sén, a fàr ven, é vèn wáa dzə ashàr, é dzə́ə sén sí kfə́n é vifə̀m.

Yòvdìy 5:14

Ŋgày sé wìr sér sí tàʼrí ne, á tàʼrí ne fo shùu kày ŋkàlaʼ, fo á yii kaári, kwaŋrì vinyo. Wónlě nsùme shwèy ne yòv.

Hosea 2:13

Rúrú, m wíy màʼ ŋgeʼ e Isray kitu, bìʼ ŋwáy ye wù‑uù ŋwayin mo, e ŋwày mo, e dù a tòn kiláy, a cù mebvə̀m mee Baal sho, e lò, a wayrí a dzə̀ vifá ve sùsù, a ghan sho aàŋgàa ŋkòŋmé vəə́ bàm. Ghán bèy, laysìn mo. Suuy mo woo Nyùy Tàr.»