Yòvdìy 1:3 - ŊWÀʼ NYÙY

³ Wír veé Judàa yèn ne ŋgeʼ, à Jerusalem sho, e tùŋ akwiiròn, e jòkìnyàʼ, á jóʼsí, e koòrí áwune, e dù sho e vitum. Áwune sí sóm lèn e vitúm ví mvəm, sóm bèy, là kirə́ʼ ké a yòŋ ji nsay yev. Aŋgàa vibàn véví jùm ne áwune, e koò, a bó dzəə̀ ye á léʼ yòʼ kfə̀n dzə̀.

Yòvdìy 1:3 Referans Kwoze

Yòvdìy 2:9

Wù‑uù shètì kóŋ sé mfìn e vintsə̌m vintsə̀m, shuu se kày si keésí, a neŋ e mvə̀m kibvə̀r. Fòn wùn à vé saʼa sì é kwaʼ nsàm, a bó taà cù yòʼ kfə̀n dzə̀ wó a yeʼéy wíri nsər se Nyùy. Nyùy Tàr yòʼ dzəə́ ghém ndzə aàŋgàa ntum vəə́, á yòʼ dzəə́ yén vinyo e njà vinjeenjèm.

Esiker 5:12

Kintóʼ ke wìr fo vintóʼ vee vitaár ki wíy kpu yé kifə̀ʼ, kìn yé jiŋ, e věn mvə̀m ŋkàlaʼ, é kintóʼ kímóʼ kí kpú é shùu rər, se sí maʼ, e kaàrí ŋkàlaʼ, e tàr. M wíy màysì kibér, e taʼár vitóŋtóŋ vidzə̀m, e shoʼ aáwuné bàm e nyùy rə̀r.

Jeremia 52:15

Nebusaradan nèn kùúy aghéʼncey ámóʼó wùn à wír ve vé‑eè berin é ŋkàlaʼa, à wír veé Isray ve vé‑eè leʼen rə́r, e wìy, e nə̀ə́ e fòn woó Babilon sar shwin, e kfə̀n lì sa kibér ke wìr ve vé‑eè kiìn lím kiwoo, e dù sho e Babilon ji akookòŋé.

Jeremia 52:8

Yii bèy, vé rər veé Babilone nèn jùm Fòn Tsədekiya, e koò é mboʼ yeé Jeriko. Vé rər və́ adzə̀me léʼkír, e tàʼrí mbìv sidzə̀m, e màʼày wun fo.

Jeremia 39:9

Nebusaradan, wo yì‑iì dzəə̀n wun mfòóme anshìy fòn nèn fə̀ə́r kibér ke wìr ke kí‑iì berin é mvə̀mlaʼ, à ve vé‑eè leʼen, e wìy, e yèn wune, e tsə̀nsí, á dù sho e Babilon.

Jeremia 24:9

M wíy lovtí aáwune, vitúm veé kitu ke nsay vidzə̀m vi lóo yen, é wúné wáa beemé áwune, aá kfə́n a dzə ji kifá ke nshéʼmé ki e vitúm ví mvəm, aá wáa màʼ áwune é ŋgàn, a jàʼ jàʼàn, a lì áwune ji liy yé a kuù wíri shó, e kù a yiì bèy virə́ʼ vidzə̀m vee fo m wíy taʼár áwune, aá dukir.

Jeremia 16:16

Nyùy Tàr nen kfə̀n sùúy jii, «M sí tsə́nsi vé lovi anín, aá koó ambùʼtìvìnyò. Fo bàm, é m tsə́nsí sá vé jwime anín, aá jwímér áwune fó aŋkoŋ, à fó agwan, à fó mbvə̀ʼ se sí dzəə̀n é vilála.

Jeremia 13:19

Rə́r sí gìm ne ŋkà se laʼ seé Negev, a bó wìr yòʼ dzə̀ wóo tosín fó, e sə áwune. Á koòrí ne wír veé Juda adzə̀m, e dù sho e kwaʼ nsàm. Á kùúy ne áwune adzə̀m, e dù sho ŋkuuŋkùŋ.»

2 Afòn 25:21

Wù nèn yòŋ, á ndzə́n áwune, e yùyrí e Ribla foo fèy e nsay Hamat. Á mo vé‑eè kuuyin wír veé Juda bèn, e fəə̀ woŋ wóv shó, e dù sho e wòŋ wo səné.

2 Afòn 25:11

Nebusaradan nèn kùúy wír ve vé‑eè berin é ŋkàlaʼ, e tàtí wùn à wír veé Isray ve vé‑eè leʼen rə́r, e wìy nə̀ə́ e fòn woó Babilon sar shwiné, e kfə̀n lì kibér ke wìr ve vé‑eè kiìn lím kiwoo, e dù sho e Babilon ji akookòŋé.

2 Afòn 25:4

wír vée Babilone tóʼ kay yeé ŋkàlaʼ. Fòn wùn à və́ vé rərí nèn woòné vitsə́ʼə́, e meè fó mvə̀m ŋkàlaʼ, e fəə̀ fó shùu kày e nsàn virə̀v vé kày see sibaà, e ghaa kiboo keé ntoʼ, a wír veé Babilone kaárí ne ŋkàlaʼ, e tàr. Áwune tósín, e lèʼ, e nèn a dù e dzəə̀ kiwòóy kee Jordan.

2 Afòn 25:5

Vé rər veé Babilone jùm Fòn Tsədekiya, e koò é mboʼ yeé Jeriko. Vé rər və́ adzə̀me léʼ, e màʼày wun fo.

Remrí 28:48

Kí nén a dzə jii, vèn wíy a lìm fo aŋgaà vén vibàn ve Nyùy Tàr wíy tsənsí, aá ton vené. Vèn wíy a tooŋé jíŋ, a kpu kilòŋ ke yumén kí, a dzə kilor, a ghiy ghiyín é mvə̀m kitàn. Wù wíy yiì, aá wáy fáŋ kishàa e věn kilòŋ, e meé mo á wíy laàr ven.

Yòvdìy 4:15

Áwune lóo wìy, wíri wàa key jii, «Vèn kíŋrí, vé *kifàné, lá vèn kùm wír.» Áwune nèn kù a ghan, a jan janén é vitum. Wíri kù a bàʼàr, a nyàysì nyàysìn jii, «Yòʼ dzə̀ vèr səə̀sí wír vìn.»

Yòvdìy 5:5

Wír ve á nyoorì verí sí koóri nsən sér, a vèr sí kee keèn, là meemè.