Yòvdìy 1:21 - ŊWÀʼ NYÙY

²¹ «Wíri yù ne mo m shwíkir, kónsi, la ŋgaà wóo sham yòʼ a dzə. Aŋgàa vibàn vém adzə̀me yù ne ŋgeʼ sém, e nèn a màʼ a dzə̀ kinseŋ e kinyò ke à yiìn e mò. Ku yiì, é kishiíy ke wò‑oò tinen kàʼ ki wiy, aáwune nəə́ sá e ŋgeʼ moo mo.

Yòvdìy 1:21 Referans Kwoze

Yòvdìy 1:8

Jerusalem bùʼtì ne vinyo ve bi ví é ŋàŋ, e nèn kfə̀n ji kifá ke kí kér lóm. Wìr dzə̀m wo wù‑uu ghvə́m wun sí nyaysì wun nyáysin, a dzə̀ bìʼ kinshóʼ kfə́ ke á yenen ne. Á bèy, wù nén a woomé, woóme bèy, litì sí rə́.

Yòvdìy 2:15

Wìr dzə̀m wo wù shaa e dzəə, sí jaʼ wò jáʼan. Á shaa, sheŋ kitú, shéʼ ŋgònjuù yee Jerusalem. Á shéʼ, yoŋ jii, «Ábaáy, á ŋkàlaʼ ye vé‑eè yoŋ ji yì bòŋ à? Á ŋkàlaʼ ye yì‑iì bòŋèn, e shaà ŋkà se laʼ sidzə̀m à? Á ŋkàlaʼ ye wìr dzə̀m woó kitu ke nsay shéʼri à?»

Yòvdìy 1:22

«Nyùy Tàr, ku lèéy liì kisaŋ wo áwune kérí e dzə̀m, e màʼ ŋgeʼ aáwuné kitu. Ku màʼ, réŋréŋ mo wò‑oò màʼàn e mǒ kitu, bìʼ vém vee ajay adzə̀m. Ku màʼ bèy, bìʼ fo m sí shwíkir e ŋàŋ féyì, a shilív shém shí yaʼ yàʼàn.»

Yòvdìy 1:16

«M sí diy bìʼ vinyo vìn, a mensíy mè dan fo mǒ si. Ŋgaà wóo a sham mo yòʼ dzə̀, a wìr wóo tavír mo yòʼ dzə̀. Ŋgaà vibàn wom ghàʼ ne mo, wón vémé rán kibvəə́shí kév.»

Jeremia 50:11

Nyùy Tàr wáa yòŋ jii: «Ven veé Babilon, vèn shéʼri, yú vijuŋ e ŋàŋén, ven vin, ve vèn nəən wír ve m shoʼon ji vém, e kùúy vifá vév. Vèn líynin mo kifum ke wàn nyàm ki nyèŋ sáŋ. Tóŋ, a virə́ʼ ví səʼsì, mo tóŋ nyám se ŋkoʼ.

Nsùyrì Nyùy 35:15

M gbú, áwune kaárí, a jàʼ. Á kaárí, a taamé mo taamén. Á téʼ mo, e ŋàʼáy e mǒ wùn, a sàtì mo sátin, là yar.

Yòvdìy 1:4

Dzə́ə se sí nəə e Sion si sí tíy ji nyoòŋ, mo koò kpú. Fə̀m é vishiíy vé ŋkàʼ veé lav cù, wìr yòʼ shaa sho. Shuu sə́ sé kày si sí tíynin sirə́, a bó wìr yòʼ bav fo, aàtàá cùu leey, ndzə́kir ndzə̀kín. Wónlě vikìy ve á yii yov yòv e lav cùu kù sì a dzə̀ é nsòvkìtu, a Sion kù sí shwíkir shwìkín e dzə̀m.

Yòvdìy 1:2

Wù bur tóŋ vitsə́ʼ vifur, bur bèy, a mensíy mè sə́y, su sí. Vé viŋkar və́ adzə̀me dzə̀ lèn, a bó wìr wo wù shám wun yòʼ kfə̀n dzə̀. Ŋkar sə́ sidzə̀m si fiìnè ne wun, e kfə̀n ji aŋgaà və́ vibàn.

Jeremia 51:24

Nyùy Tàr kfə́n a suúy e wír veé Israyi jii, «M wíy lovtí e Babilon, e lovtí e wír veé nsay foo fèyi, e siìr ŋkfə́tir kinyò ke kisaŋ kidzə̀m ke áwune yiìn é Sion, a m wíy a siìr, é vèn wáa yen.

Ŋgaà Yen 18:6

Á kù yíi lovtí sho lèn mo wù‑uù lóvti e wíri, e kfə̀n dzə̀sì. A wù‑uù yiì kinyo kimòʼón, bo á siir sho lèn vibaà. Á kù li bàr və wo wù‑uù jav meluʼ sho, e way abàr vee shooy lèn abaà, é si ŋgeʼ, é wù jiíyí.

Joel 3:14

Yímóy, wíri bàʼtí ne ansə̀kì ansə̀kì, aá sì é kiwoóy kee fo Nyùy Tàr kwaŋrì vinyo. Dzə̀ fó, fo kishiíy ké Nyùy Tàr kí yíi sàsìn, e bvəy.

Esiker 26:2

Wù súŋnín, e sùúy jii, «Wàn wìr msòŋ, wír veé Tayàa maʼ kinseŋ jii, ‹Eèhee, á lèn, Jerusalem wo yì‑iì dzəə̀n dzəə wày fo vitúm vi vinín bvəə̀rí ne. Lèn və̀n wo wù bvəərin ne, bo wáy wóví sí yìi dù e vèr, é vèr kuʼkir.›

Jeremia 51:49

Rúrú, Babilon kù wíy gbù bìʼ wír veé Isray ve áwune‑eè yuyrin. Wír veé Babilone‑eè yùyrí wíri kitú ke nsay kidzə̀m, aá kù wíy yuyrí sa áwune réŋréŋ bey.»

Jeremia 50:31

«Wír veé Babilon, vèn kóʼor wún é ŋàŋ, a m mèŋ ne ven, ghán sí ghèén ne. Sì ghán se m lo, e màʼ ŋgeʼ e věn kitu. Suuy mo woo Nyùy Tàr woo Taà Ndzə, mo woo Taà Mànjòŋ.

Jeremia 50:29

Á kum vé kintee, aá wiy, e taàmé ŋkàlaʼ Babilon. Á bí wir dzə̀m wo wù yii maʼ mvən, aá wiy, e tàm táv sév, e kaàrí Babilon sho, á ku kaàrí, e tàr, a yen a fo wìr léʼ. Á ku laàmé Babilon mo yii rəə́ dzəə̀n, e lòvtí aáwune, kù mo áwune‑eè lóvti aámóʼó. Áwune guynìn, ŋwáy Nyùy Tàr, wun wo dzəə̀n Ŋgaà wo Ranén woó Isray.

Jeremia 50:15

Á tóŋ sóŋ rərí, e kaàrí fó, e tàr. Á leéy, e yèn, Babilon fò ne shiŋkfəŋ. Á bvə̀ʼə́y ne virə́ʼ vév ve tavkín ví, e bvə̀ʼə́y bèy, e kètì kay yee fó. Dzə̀ ŋkfə́tír mo Nyùy Tàr siirì. Á maʼ á ŋgeʼ e Babilon kitu, e kù lòvtí sho mo áwune‑eè lovtin aámóʼó.

Jeremia 48:27

Moav, kí vèn‑eè shéʼ wír veé Isray? Vèn‑eè lo koò áwune ji ashóŋ á, e bó a fèr vinyo kùm áwune, a shèŋ kitú?

Jeremia 30:16

«Yii bèy, a wír ve á bivirin vené dzə̀, aá kù wíy bivír sa áwune bey. Á wíy koorí aŋgaà vén vibàn adzə̀m, e dù sho ji vé sháŋé. Á wíy faàsì vifá ve wìr ve á faàsìn vén, a wír ve á nə̀ʼsìn vené wíy a dzə sa e nə̀ʼsì.

Nsùyrì Nyùy 38:16

M lón jii, «Lá à yòʼ biìmé ji áwune wáa sheʼ ŋgeʼ sém. Lá à yòʼ biìmé ji á wáa dzə̀v nsaŋ ji dzəʼə̀m yémé rə̀vkír ne.»

Nsùyrì Nyùy 37:13

Yii bèy, Nyùy Tàr leey wír ve á méŋ wun, shéʼ sheʼén. Wù kì ji kishiíy kí wiyì ke wun wíy màʼ ŋgeʼ aáwuné kitu.

Aysaya 14:5

Nyùy Tàr bèʼ ne mbàŋ wìr ve á méŋ wun, mbàŋ, ye yì‑iì dzəə̀n ji kitoómé ké vé saʼa,

Aysaya 14:6

a kí távir áwune, aá sáʼ vitúm, a dzə̀ e sáʼ ŋgwàne, kù nyoorì áwune nyóorin, là mendzən.

Yòvdìy 2:16

Aŋgaà vé vibàné mvə̀ʼ ne shuu, e lèm e rə́, e tàtí, a te lám e wò wùn. Áwune ŋèytí ne sóŋ, a sheʼ, a suúy jii, «Vèr laàr ne wun. Àjwè, kin ki dzə̀ kishiíy, a vèr‑iì shiyì, a kí wìy ne lèn, vèr yén.»