Yòvdìy 1:2 - ŊWÀʼ NYÙY

² Wù bur tóŋ vitsə́ʼ vifur, bur bèy, a mensíy mè sə́y, su sí. Vé viŋkar və́ adzə̀me dzə̀ lèn, a bó wìr wo wù shám wun yòʼ kfə̀n dzə̀. Ŋkar sə́ sidzə̀m si fiìnè ne wun, e kfə̀n ji aŋgaà və́ vibàn.

Yòvdìy 1:2 Referans Kwoze

Nsùyrì Nyùy 6:6

M dìy ne, e dòr é mvə̀m ŋgeʼ. M kù su kikún kém súun e mensíy mè vitsə́ʼ vidzə̀m. M dìy ne e ŋàŋ, mbuùy yem wáa rə̀ ji shàm.

Mayka 7:5

Lá à yòʼ kù a biimé kinyo ke ŋkar yè biímén. Lá à yòʼ a yòy, a tiír e ŋgaà wò ŋgoo wùn. À lóo suúy kinyo, a fə̀m dzə̀ e yeè lav wò, à wàa mèy shintíy.

Yòvdìy 1:21

«Wíri yù ne mo m shwíkir, kónsi, la ŋgaà wóo sham yòʼ a dzə. Aŋgàa vibàn vém adzə̀me yù ne ŋgeʼ sém, e nèn a màʼ a dzə̀ kinseŋ e kinyò ke à yiìn e mò. Ku yiì, é kishiíy ke wò‑oò tinen kàʼ ki wiy, aáwune nəə́ sá e ŋgeʼ moo mo.

Yòvdìy 1:19

«M bì ne vé viŋkar vém ji á sə́ mo, yii bèy, áwune máʼ mo. Ké atàá cù wùn à kfə́m sé wìr sém kí, áwune‑eè kpùkír é mvə̀m ŋkàlaʼ, aá ghán, taʼ kifá kée yi, kifá kée way e shùu, e fíʼ lùŋ.

Yòvdìy 1:9

Lóm sə́ sí lòr ne e wùn ndzə̀y, bó wù yòʼ‑oò lo yiì a kwàʼtì kimaysì kfə́ kin. Á bèy, e nèn gbù e dzəə ye biibí, la ŋgaà sham yòʼ a dzə. Jerusalem sí tóŋ jii, «Éè Nyùy Tàr, ku yèn ŋgeʼ sém sí, ŋgaà vibàn wom màʼ ne mo.»

Jeremia 30:14

Vé kikòŋnìn vén adzə̀me làysìn ne ven, á yòʼ dzəə́ gwarìr kinyo kee kùm ven. M dzə̀v ne ven, a dzə̀ mo a kì dzə̀ dzə̀v ŋgaà vibàn, m taàmé ne ven moo ŋgaà vibàn woo mbuù mendzə̀n, a dzə̀ bìʼ fo ajay véné kùʼùn ne e ŋàŋ, vinyo vén ve bi ví sì ŋkóŋkóŋ.

Jeremia 13:17

A vèn dzə̀ là fó yuurí, bo m yíi a dìy e kilìr bìʼ kiŋkoʼòrwùn kén. M yíi a dìy feyì kibiíbí, é mensíy mè wáa dàn fo mǒ si, a dzə̀ bìʼ wír Nyùy Tàr ve aŋgàa vibàné koorin ne ji akwàn.

Jeremia 9:1

Wìr ku lì ji kitú kém kí kì dzə̀ ntoò ndzə̀v, a sí yémé dzə̀ dàn mensiy, bo m kì diy e shùy, diy vitsə́ʼə́, bìʼ wír vér ve á yuyrin.

Jeremia 4:30

Éè Jerusalem, à kwaʼ ji à yii a dzə̀ ka, aá sí lo, e bvəʼə́y wò? À wáyri wún e ndzə̀y se baar seé kilùm si, wáyri wún e vifá ve sùsù vee *kisha ke mbàm ke baar kí ji ka? À shim sí yé e kinshìm ki bìʼ ka? À náŋsin wún wó kisáŋ. Aŋgàa viŋkar vée ŋwày ne wò. Á taʼ e laàr a dzə̀ dzəʼə̀m yé.

Nsùyrì Nyùy 31:11

M kfə̀n ne ji kifá ke nshéʼmé ki fo wír ve á ban moó, e kfə̀n ji kimbemèr fo aŋgàa shweesí vémé. Wír ve á kiìn moó kù sí leey mo, fan fànèn, wìr yén mo é dzəə, wù shòʼ a dzə̀ kileʼ.

Ŋgaà Yen 17:16

Mo loŋ se nyàm se m yén sìn si dzəə̀n afon e ghvə̀m, áwune wíy lò, aá nèn tàtí wùn à nyàm ye beemén rə̀y, a bàn wiíy woo sàkì və̀n. Á wíy kàr vifá fo wùn wó vidzə̀m, é wù wáa tiy kinshóʼ, aá wóʼ nyám fo wùn wó, e kfər, e tòn vighvə́r.

Ŋgaà Yen 17:13

Aáwune kù wíy a tiy kév kinyo kimòʼón ji á wáa tom sáʼ nyàm ye beemén rə̀y, e nèn way vinyo vév vidzə̀m a dzə̀ é kiwo wo.

Hosea 2:7

Wù wíy a leʼnín aàŋgàa ŋkòŋmé vəə́ bàm, a bó wù yòʼ wíy yen. Wù wíy a tàʼ áwune e waá shuù, a bó wù yòʼ wíy shov e si. Kí kooy bèy, é wù nèn sùúy jii, ‹Mo‑óò kfə́n ri e bàm fo lum wóm wùn. Mò‑oò dzə́ fo, yú vijuŋ, e shaà dzə́ ye m dzə́ rə̀n.›

Esiker 16:37

Bìʼ kee shooy, bo m yíi banén ŋkar sé se vèn áwune‑eè bvə́ʼ dzəʼə̀m sidzə̀m, se wò‑oò koŋè, à se wò‑oò ban si. M wiy sho fo vitoŋtóŋ vidzə̀m, aá ghíʼ wò, e kaàrí, e tàr, é m sor ndzə̀y fo wò wùn sidzə̀m, áà wáa tíy kilor, aá yén kinshóʼ ké.

Yòvdìy 2:11

M tòŋ ne bèn, síi kóʼkír fo mǒ kitu, a bàŋ. M sì a dzə̀ é mvə̀m nyar. Tímé kpù ne fo mǒ bvə̀m, a dzə̀ bìʼ aŋgàa vibàn ve á laàrìn ne wír vém veé Jerusalem. Wón ve á kàŋkìn ne wùn à ve terií sí toóŋe jíŋ, ghán ghanén é shuù se dzəə seé ŋkàlaʼ.

Jeremia 3:1

«A lùmèn fə̀ə́r wiíy, wù du, wìr wo sən li, e wày é lav, a dzə̀ wù kfə̀n sə̀, e siìr e lav à? Bo bó yòʼ sì kon, a nsay yíi bir, e fòy fòyìn a? Isray, à yiì ne visàkì vèn à vé ve viŋkari anín. À kfə̀n sí wiy ji à yén mo a? Suuy mo woo Nyùy Tàr.

Ŋgàn 19:7

À tanè, afə́rí wàa leéy wò ntéŋ, bo a dzə̀ ké ŋkar si kí fòy fóyin. À fə́m lóo tàʼ ji à bí wír e kinyò, wù wàa ŋway wò ŋwáyín.

Ŋwàʼ Jov 7:3

Kù dzə̀ mo m túŋ kwiiròn kisáŋ, ŋwee si ŋwee si. Mo vitsə́ʼ vi dzəə̀n, m kù kfə́r a dzə̀ sóŋ.

Ŋwàʼ Jov 6:15

Ven vee afə́rí lò ne, e neèr a dzə̀ kimboʼtì vèsən. Vèn sì moo wón ndzəv ve shùy báné, á yùm.

Nsùyrì Nyùy 126:5

Wìr yii wáy kifá e nsay e mensíy mè e si, ghínsin káví, wù wàa sheʼrí sheʼrín.

Jeremia 2:25

Lá à yòʼ dzə́ə a leʼnín, áàlábáʼ vée wáa sàʼkìr, é kilòŋ ké ki wáa yum. Yii bèy, à kù tíy ké ji kí yòʼ kér a kinyo. À koŋ ké a dzə̀ anyùy vitum, aà kù kér fó a ghan e bàm wó.»

Nsùyrì Nyùy 69:21

Jìŋ gháʼ mo, á wíy a dzə̀ e ndzəʼ ji viyíkìr. Kilòŋ kém kí yúm, á fó kiŋkway ke melùʼ ji m nó.