Yòvdìy 1:12 - ŊWÀʼ NYÙY

¹² Wù kfə̀n tóŋ jii, «Ven vee anshaàdzəə̀, kinyo kìn ki yoʼ kùm ven gheéy a? Vèn ku lèéy, e yèn, ŋgeʼ si dzə̀ shó moo sém á? Ŋgeʼ se sí gbuùn e mǒ kitu. Ŋgeʼ se Nyùy Tàr shwiiyin kilòŋ, e màʼ e mǒ kitu.

Yòvdìy 1:12 Referans Kwoze

Daniel 9:12

À yiì ne kinyo ke wò‑oò suuy ji à wíy yiì e vèr aàtǎr saʼ vérí, e màʼ ŋgeʼ ye tavín e věr kitu. Á yòʼ‑oò ghàn ne màʼ ŋgeʼ e kirə̀ʼ é sar shùy fèn moo ye à màʼàn é Jerusalem.

Jeremia 30:24

Dòʼshwiiy Nyùy Tàr wo ghaʼán və̀n yòʼ wíy mày, a bó wù máysí lim rə́ ye yí dzəə̀n e wun kwàʼtì. Wíy lòo dzə e vishiíy ve ví wiyì, é vèn nèn kìíy vinyo vìn.

Jeremia 18:16

Á yiì ne, nsay yev dú é vifə̀m, a beemé, kirə́ʼ ke á wíy a jàʼ jàʼàn, e wìy dù, e mày. Wìr dzə̀m wo wù wíy a shaà fo, wíy a ker gháʼ, a shaà, a shèŋ a dzə̀ kitú.

Matio 24:21

Wíri wíy yen ŋgeʼ ye tavín é ghan fóo fèy, a bó á yòʼ‑oò yiì ne yèn kfə́ə yìwun, e kèʼ mo Nyùy‑iì bomen nsay, e wìy, e meé lèn. A bó á yòʼ dzəə́ wìy yen yìmòʼ moo yee shooy.

Yòvdìy 2:13

Éè ŋgònjuù yee Jerusalem, a dzə̀ m sùúy ji ka kùm wò? A dzə̀ m fìʼsìn wò a dzə̀ e ka kí? Éè ŋgònjuù yee Sion, a dzə̀ ji m lóʼtí wò, m fìʼsìn wò a dzə̀ e ka kí? Á yèr ne wò mo rìbà ndzə̀v yèr virə́ʼ, a dzə̀ kfə̀n lùŋèr la wò?

Aysaya 13:13

Kí wíy bir, e meé e ntìm ye m yii, é yúví wáa sə̀ʼ. M wíy sə̀ʼsì kitú ke nsay, é kí səʼ fo wun kinsə̀ŋ. Mo woo Nyùy Tàr woo Taà Mànjòŋ wíy jevrí e kishiíy fó, kí li njáŋ, é vinyo vìn vi nèn kòóy.»

Nsùyrì Nyùy 88:16

Dòʼshwiíy wo wù kív wò, sùm ne mo súmen. Virom vé vi shaà ne vitaáví vém.

Jeremia 4:8

Bo dzə̀ ji vèn kúr vinsàʼ ve ndzə̀y ví, a toŋ, a dìy. Nyùy kù dzəə́ shwiiy kilòŋ vèsən áwune é ŋàŋ.

Jeremia 30:7

Á virom eèy, kishiíy kin ki wíy a dzə kibiíbí féyì, kishiíy, a kee moo kíwun ki yòʼ dzə̀. Wíy a dzə ghán sé ŋgeʼ ye tavín e kfə́ə Jakoví wùn, yii bèy, aáwune wíy bòy fo fo.»

Jeremia 30:23

Á leéy, e yèn dòʼshwiiy Nyùy Tàr. Wù kóʼ moo kiìkir. Wù wiy moo kinsəm, a wù wiy, e shùʼùy e wír ve á buʼtì vinyóo kitu.

Jeremia 48:27

Moav, kí vèn‑eè shéʼ wír veé Isray? Vèn‑eè lo koò áwune ji ashóŋ á, e bó a fèr vinyo kùm áwune, a shèŋ kitú?

Yòvdìy 1:18

«Kinyo ke Nyùy Tàr yiìn e mò kí dzə̀ réŋ. M yòʼ‑oò lo yùnín nsər sə́. Wìr dzə̀m ku yuùrí, e yù, e lèéy ŋgeʼ sém sí. Aŋgàa vibàné koòrí ne wónlě nsùm vém, e koòrí wónlě ŋgòn vém, e dù sho e kwaʼ nsàm.

Joel 2:2

Dzə̀ kishiíy, a kí sə́n, beéme. Kishiíy, a dzə̀ ndzə vitsə̀ʼ, a mbàʼ si súm. Dzə̀ vé rər ve á meʼèm, wiy moo ŋguùmé, e sə agwan moo mbàʼ. Vé rər ve á tavin béne yòʼ‑oò ghàn ne bàʼtí, a bó á yòʼ kfə̀n wíy a dzə.

Jeremia 10:19

Wír veé Jerusaleme wáa toŋ jii, «Óboóy, vèr lèm ne e dzəə ye biibí, a kileémé kér kí dzə̀ é ŋàŋ féyì. Vèr‑iì kí kér ji kí yií a dzə a e dzəə ye dzə̀ vèr kùʼtí.

Yòvdìy 2:1

Á ku yèn búʼú, mo Nyùy Tàr shwiiyin ne kilòŋ, e màʼ ŋgeʼ e Sion kitu, vitsə́ʼ ví súm ŋgònjuù rə. Wù bàʼ ne vikuʼùy vé Isray fo yuv, ví wáa neŋ a dzə̀ é nsay. Wù shwìíy ne kilòŋ, e màʼày ŋgày cù rə yeé Jerusalem.