Yòvdìy 1:11 - ŊWÀʼ NYÙY

¹¹ Wìr dzə̀m woó Jerusalem sí shwíkir shwìkín, ghán, taʼ kifá kée luʼ e shuù. Áwune sí li vifá veé shií, káv viyíkìr sho, viyíkìr vée yi, a dzə atin. Jerusalem sí tóŋ jii, «Éè Nyùy Tàr, ku yèn mo á sí nyaysì mo.»

Yòvdìy 1:11 Referans Kwoze

Jeremia 52:6

Wáa dzə e kishiíy kee bvə̀ʼə̀, e ŋwee woo kweè, e kiya foo fèy, a jìŋ sì é ŋkàlaʼ e távín, a wír vee fóo yòʼ dzəə́ kér kifá kée luʼ e shuù,

Jeremia 38:9

«Nyàr, wír vìne jày á ne e kinyò ke á yiìn e Jeremia woo *ŋgaà ntum Nyùy. Á wày á ne wun e mbǐʼ mendzə̀v, a wù yíi kpu a jíŋ fo. Bó kifá ke yi ki yòʼ dzəə́ kum a e mvə̀mlaʼ, é bo wù wáa ker a kfə́.»

Yòvdìy 2:12

Á tóŋ aàyìy véví koy, dzə́r kifá kée yi, kìn kée no. Áwune ghán, gbukìr e dzəə seé ŋkàlaʼ, gbukìr moo wír ve á lemkin lémkín. Á fér kiyoy a kí kù may màyìn aàyìy véví koy.

Yòvdìy 2:20

Jerusalem wáa yòŋ jii, «Éè Nyùy Tàr, ku lèéy, e yèn. Wò‑oo yií ne lòvtí e wìr wùmòʼ ben a? A dzə̀ kí kòóy ji vikìy lo, a kfər wón vév á, wón, a dzə̀ ve dzəən áwune, e lìy à? A dzə̀ á wàa yuyrí atàá cù, a yuyrí aŋgàa ntum Nyùy a? A dzə̀ á wàa yuyrí e lav cù bèn à?

Yòvdìy 1:9

Lóm sə́ sí lòr ne e wùn ndzə̀y, bó wù yòʼ‑oò lo yiì a kwàʼtì kimaysì kfə́ kin. Á bèy, e nèn gbù e dzəə ye biibí, la ŋgaà sham yòʼ a dzə. Jerusalem sí tóŋ jii, «Éè Nyùy Tàr, ku yèn ŋgeʼ sém sí, ŋgaà vibàn wom màʼ ne mo.»

Jeremia 19:9

M wíy yiì, áàŋgàa vibàn véví gim ŋkàlaʼ yev. Wír ve á taʼ e laàr áwune víne wíy sətí fen sə́tín, é ŋgeʼ ye tavín nəə́. A yì wíy nəə́ e dzəə ye biibí, ye áwune wáa kfər wón vév, e kfə̀n a kfər sa afə́r vév kfərín.»

Ŋwàʼ Jov 40:4

‹Nyaa mò, m koó e gha? A dzə̀ m sùúy kém ji ka? M kù tsə̀m ne a dzə̀ kiwó e shuù.

2 Afòn 6:25

Mo rə́r sí gìŋèn Samaria, jìŋ nèn koò é mvə̀mlaʼ, á wáa fiìnè kitú ke kimbèʼbìy *ashekel mwaamé vee *kisha ke mbàm ke fəvír kí, a fiìnè jáŋ kibìŋ ashekel atàn vee kisha ke mbàm ke fəvír kí.

Jeremia 15:19

Á bèy, Nyùy Tàr nen bìnèr jii, «Aà lòo dzə, e kùvsín, bo m yíi lì wò, áà wáa lìm fo mò. Aà lòo dzə, a suúy a dzə̀ vinyo ve ví kér mvə́m, e yàr kiyúŋsì, bo à yií a dzə ŋgaà ntum wom, é wír vìne nèn kfə̀n é bàm, e yèn wò, é la yòʼ dù wò, e yèn áwune.

Yòvdìy 1:8

Jerusalem bùʼtì ne vinyo ve bi ví é ŋàŋ, e nèn kfə̀n ji kifá ke kí kér lóm. Wìr dzə̀m wo wù‑uu ghvə́m wun sí nyaysì wun nyáysin, a dzə̀ bìʼ kinshóʼ kfə́ ke á yenen ne. Á bèy, wù nén a woomé, woóme bèy, litì sí rə́.

Nsùyrì Nyùy 79:4

Vitúm vee věr ghaŋ vi shéʼ ver. Wír ve á kaarin ver, e tàrí jaʼ ver, shéʼé.

Yòvdìy 2:11

M tòŋ ne bèn, síi kóʼkír fo mǒ kitu, a bàŋ. M sì a dzə̀ é mvə̀m nyar. Tímé kpù ne fo mǒ bvə̀m, a dzə̀ bìʼ aŋgàa vibàn ve á laàrìn ne wír vém veé Jerusalem. Wón ve á kàŋkìn ne wùn à ve terií sí toóŋe jíŋ, ghán ghanén é shuù se dzəə seé ŋkàlaʼ.

Yòvdìy 5:1

Éè Nyùy Tàr, kú a kuumé kinyo ke kí kooyin ver kí. Ku lèéy, e yèn nshoórsí wo wù nəən ne ver.