Yòvdìy 1:10 - ŊWÀʼ NYÙY

¹⁰ Ŋgaà vibàn nə̀ə́ ne, e kùúy bùʼ fo lav cù e dzə̀m. E ké ru kí, Jerusalem yèn, a vitúm vi nəə e kirə̀ʼ kee jeéy kí, wír, a Nyùy Tàr‑iì shàʼnín ne, fo áwune wìy nə̀ə́ e wír vəə́ mvə̀m kintatì.

Yòvdìy 1:10 Referans Kwoze

Remrí 23:3

«Lá wìr Ammon, kìn wir Moav yòʼ wìy nə̀ə́ e kintatì ke wìr Nyùy Tàr. A fə̀m wìy a dzə, e dù, e meé e ŋgwàʼ ye yì meen ji ghvə̀m, lá wìr woo kùm áwune yòʼ wìy nə̀ə́ e kintatì ke wìr Nyùy Tàr, e wìy dù, e mày.

Jeremia 51:51

«Vèn yoŋ kén jii, ‹Á shòór ne ver, aá sí kuu ver kúun, yii, a vèr woóme, a dzə̀ bìʼ vitúm ve ví‑iì loòn, e nə̀ə́ e Nyùy Tǎr lav, e bìvír virə́ʼ vee jeéy ví, ve dzəə̀n vé Nyùy Tàr.›

Yòvdìy 1:7

Jerusalem dzə̀ lèn e mvə̀m ŋgeʼ, kù ghán, ján janén. Wù kuúme lèn vifá ve juŋ vi vidzə̀m kuúmén, vifá feyì ve yì‑iì dzəə̀n vév fó ŋgùʼ. Jerusalem‑eè gbù e wír ve á ghíʼ wuné wo, la wìr wóo sə wun yòʼ a dzə. Aŋgàa vibàné wáa leéy wun, a sheʼ, a jàʼ gbu ye wù‑uù gbuùn jáʼan.

Nehemia 13:1

Wáa dzə e kishiíy fóo fèy, aá yoŋ Ŋwàʼ Mooser, a wíri yuúri. Á nèn lò, e dù yòŋ kirə́ʼ ke kí‑iì naarì ji lá wìr woó Ammon kìn woó Moav yòʼ wìy nə̀ə́ a e wír Nyùyí kintatì,

Maak 13:14

Jesus nèn kfə̀n a suúy jii, «Vèn wíy lóo yen, a kifá ke vé‑eè yoŋ ji kí wíy a koʼóy, a bivír kirə́ʼ, kí fəə́sín, aá tiír fo bó yòʼ dzə̀ kí wàa tiy, wír ve á dzəə̀n é mbìv wòŋ yee Judàa wàa sam, a koʼ aàgwan. Wìr wo wù yoŋ kinyo kìn fo ŋwàʼ fèn, ŋgaàŋ səəm.»

Esiker 44:7

Vèn màʼtì ne ambuʼŋgàŋ, á nəə́kír e mǒ lav cù. Wír vìn, a bó á yoʼ sàŋ mbèʼ sév, a bó melív mev mè yòʼ tíy e mǒ wùn. Vèn máʼtí, á wáa wìy e kirə̀ʼ fo vèn yii cu sém e fóm se nyàm si, à mensə́ mè, e nèn bìvír kirə́ʼ kém ké cù. Vèn shòʼór ne *mensaŋ me mò‑oò gwàrìn vèsən, e nèn dzə̀sì jay və̀n e kitu ke joònè wo vèn yii e dzə̀m.

Esiker 9:7

Nyùy Tàr kfən yòŋ aáwune jii, «Vèn lór lav cù, é yì bír. Vèn fúm dzə́n sé wíri sí é maàndzə. Vèn shaa fó mbìy.» Á ku nèn tsə̀ə́m, a yuyrí wíri é mvə̀m ŋkàlaʼ.

Esiker 7:22

Vitúm vi wíy nəə́ e kirə̀ʼ kee fo dzəə̀n ji tím yém, é la m yòʼ a ghay. Wír tàkìŋàʼa wíy nəə́ fo, e bìnèr fó ji kirə́ʼ ké kifàn kí.

Jeremia 52:13

e tòn lav cù Nyùy Tàr, e tòn ntoʼ wùn à lav se wìr ve kuʼkìn sí. Wù‑uù tàtí, e tònrì lav seé ŋkàlaʼ Jerusalem sidzə̀m.

Jeremia 20:5

A m wíy yiì, áàŋgàa vibàn véví yer bùʼ fo ŋkàlaʼ fèn e dzə̀m. Á wíy tayrí kéŋ yév e dzə̀m, e kuúy ambùʼmé vév, à bùʼ wo afon veé Judàa baʼtin e dzə̀m. Á wíy faàsì kifá kidzə̀m, e tatí, e dù sho e Babilon.

Jeremia 15:13

Yii bèy, ké keŋ yén wùn à bùʼ won, m wíy fo aàŋgaà vén vibàné kisáŋ ji nsàʼmboʼ, a dzə̀ bìʼ ajay ve vèn bùʼtìn woŋ wón e dzə̀m.

Aysaya 63:18

Lav cù yè‑eè dzə̀ e wír vé vee jeéy víné kiwo fo shintàm shishàr, ké lèn ki, aŋgaà vér vibàné laàr ne lav cù yè yee shooy.

Jeremia 50:28

Á yuúrí, e yù mo wír ve vé‑eè koon, e dù sho e Babilone léʼ, wiyì. Á wiy, fiʼtì e Sion mo Nyùy Tàr woo Nyùy wov màʼàn ne ŋgeʼ e Babilon, e siìr ŋkfə́tir lav rə cù ye á bvəʼəyin.

Remrí 23:4

Kí dzə̀ bey, bìʼ fo áwune‑eè tenen fóo fo ven vifá ve yi wùn à mendzə́v mè e dzəə, e ghan se vèn‑eè fəən fó Ejiv, a kfə̀n dzə̀ sá bìʼ fo vé‑eè beèn Balaam woo wan Beor fo Petor, e Mesopotamia, ji wù shóv ven.

2 Wòŋ 36:18

Fòn woó Babilon‑eè kùúy vifá ve ker vidzə̀m vee Nyùy lav, à ke terí kí, à ke kuʼùn kí, e kfə̀n kùúy bùʼ woo Nyùy Tǎr lav, e kùúy woó ntoʼ wùn à wo atǎr ntoʼ, e dù sho e Babilon.

Jeremia 27:19

Nyùy Tàr woo Taà Mànjòŋ súŋnin bèy, a wù yoŋ a dzə̀ vitóm veé lav cù vee vibaà wùn à mbǐʼ mendzə̀v wo á yoŋ ji Rìbà Ndzə̀ví, à vitiir ve ví kér kár vi, à vifá ve ker vímóʼ ve ví‑iì berin é ŋkàlaʼ fèn vi.

Jeremia 27:21

Kinyo ke Nyùy Tàr woo Taà Mànjòŋ, wun woo Nyùy wìr veé Isray suuy kùm vifá ve ker ve ví berin e Nyùy Tǎr lav e Jerusalem, à ve ví berin é ntoʼ Juda ki dzə̀ jii,