Tsəfaniya 3:9 - ŊWÀʼ NYÙY

⁹ Wù tonè, é m nèn shèŋrì melív me wíri. Wìr dzə̀m wíy a bùnrì a dzə̀ mo woo Nyùy Tàr, á wíy a cù mo shuu e mòʼón.

Tsəfaniya 3:9 Referans Kwoze

Kèʼlo 11:1

Yì‑iì dzə̀ é ghan símóʼ sí fó mbìy, a wír veé kitu ke nsay adzə̀me‑eè kér lám e mòʼón, súŋnin dzə́ə e mòʼón.

Aysaya 19:18

Wíy lòo dzə e ghan fóo fèy, é wír veé Ejivi wáa ker ŋkà se laʼ sitàn se wír vee fóo súŋnin Lám Hibru, táti vitú vév, fó e Nyùy Tàr woo Taà Mànjòŋ, yú fo fo. Á wíy a yòŋ ŋkàlaʼ fo ŋkà se laʼ sìn si jii, Ŋkàlaʼ Shùy.

Nsùyrì Nyùy 22:27

Vitúm vidzə̀m veé kitu ke nsay vi wíy bìnkìr, a kuumé fó a burí Nyùy Tàr, é kfəə́ sidzə̀m si wáa koʼtí e wun si, a ghvəm wun.

Sekariya 2:11

Wíy lòo dzə e ghan fóo fèy, é vitúm vinín vi wáa gbù e Nyùy Tǎr wùn, e kfən ji wír və́. Á bèy, é Nyùy nèn a dzə e věn mvəm adzə̀m, é vèn nèn kìíy ji tùm á Nyùy Tàr woo Taà Mànjòŋ mo.

Habakuk 2:14

Wìr dzə̀m kér fó wìy binsí ji dzə̀ á Nyùy Tàr, Taà Vitu, é yí ghánén kitú ke nsay kidzə̀m mo ndzə́ví rùnér rìbà ndzə̀v.

Efesor 4:29

Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.

Matio 12:35

Lóo dzə wír wo runen vinyo ve juŋ vi e wùn shiliv, wù nèn a suúy sa vinyo a dzə̀ ve juŋ vi. Lóo dzə wo runen vinyo ve bi ví e wùn shiliv, nèn a fəə kinyo ke bi kí fó shuù wo.

Sekariya 14:9

Nyùy Tàr wíy a dzə Fon woó kitu ke nsay kidzə̀m e ghan fóo fèy, a kù jòʼsì wun bèy, a kù mày yír rə́ ye á wíy a ghvəm.

Ŋgaà Yen 11:15

M kfən yiì lòo yen, nshìylav Nyùy ye yì meen ji saàmbà tóŋ rə́ yee sóŋ. M yú, a jí si yor e yuv, jaŋ jii, «Ndzə dzə̀ lèn e dzə̀m, a wíy a saʼ Tàr wor Nyùy wùn Wan və woo *Mfə̀ə́r, a saʼ ghán sidzə̀m, viyá viyá là may.»

Tsəfaniya 2:11

Nyùy Tàr wíy lovtí aáwune, aá wáa yàʼ, a fàn. Wù wíy laàr anyùy ve wíri ghvə́m e nsay adzə̀m, é wìr dzə̀m wìy a ghvəm a dzə̀ wun woo Nyùy Tàr. Á wíy a ghvəm wun virə́ʼ vidzə̀m, kitúm kitúm, aáwuné nsay.

Jeremia 16:19

Éè Nyùy Tàr, à dzə̀ vitaáví vém. À dzə̀ kóy wóm wo tavíné, aà kiŋsìn mo é ghan sé ŋgeʼ. Vitúm vi wíy a wìy buú se ndzə sidzə̀m, a yen wò, a yòŋ jii, «Atàr vérí yòʼ‑oò lo jùmrì dzə́ə yìmòʼ, e shaà anyùy kimboʼtì. Mebvə̀m fo mebvə̀m, a bó yòʼ dzə̀ mè sə̀ áwune.

Nsùyrì Nyùy 113:3

Kèʼ fo shùy tó, e dù, e meé fo yì nəə, a dzə̀ á kù a koʼór yír Nyùy Tàr.

Kèʼlo 4:26

Set nen wìy kòóy wán lumèn, e shù yír ji Enosh. Dzə̀ ghán sin se wíri‑iì kèʼèn, a cù Nyùy, a yòŋ yír Nyùy Tàr.

Aysaya 57:19

M wíy fo nyaáŋ e wìr dzə̀m, à vee kwaʼdáa, à vee fó mentsə̀mé. Rúrú, m wíy fèr áwune.» Kù suuy wun woo Nyùy Tàr.

Esiker 37:17

À sáŋ bèy, à sə̀ʼsín e wò mbvə̀ʼ kiwo, é wáa dzə ji kicí kimòʼón.

Aysaya 6:7

Kí sə́ʼə́y, e kùm shuu wóm e káy və̀y və́yi, e yòŋ e mò jii, «Yuúrí kijuŋ. Mo káy və̀y wo wú loòn fó kiy cù və̀ne kùmèn ntù shuù yè, bo Nyùy Tàr sù ne njò yè, a wù kù màn ne vinyo vé ve bi ví.»