Tsəfaniya 3:7 - ŊWÀʼ NYÙY

⁷ Rúrú, mò‑oò kwaʼ jii, wír vémé yíi yen, aá fan á mo, e yù ntir ye mò‑oò tír áwune shó, é la m yòʼ dzəə laàr a ŋkàlaʼ yev, mo mò‑oò wayin ne ji m kù‑úù yii. Yii bèy, áwune kú a dù duùn fó mbìy wùn à yii yév kisaŋe.»

Tsəfaniya 3:7 Referans Kwoze

Hosea 9:9

Áwune nə̀ə́ ne e vinyò ve bi ví wuu baà, e bìvír vitú, kí fóy fóyin, kù mo atàr véví‑iì yii e Gibea fo ŋgùʼ. Nyùy kù yíi a kuumé vinyo ve á buʼtì. Wù wíy màʼ ŋgeʼ aáwuné kitu bìʼ vinyo vév ve bi ví.

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Tsəfaniya 3:2

Yì yòʼ yúnin Nyùy, yì yòʼ biíme jay, yì yòʼ wáy shilív e Nyùy Tǎr wùn, yì yòʼ bee Nyùy Tàr é kinyò.

Jeremia 25:5

Á kù‑uù fiʼtì jii, ven adzə̀me ku màʼtì a liì won kisaŋ, e màʼtì a yii yén ye bií, e wìy gòʼ e nsay ye Nyùy Tàr‑iì yiìn ne fò e vèn aàtàr véné ji yéen ŋkuuŋkùŋ.

Jeremia 7:7

bo m yíi màʼtì ven é nsay fèn, ye mò‑oò foon ne aàtàr véné, e kèʼ fo yàŋgùʼ ji yéev ŋkuuŋkùŋ.

2 Pita 3:9

Kinyo ke wír vìne keŋ ji Kristu kàʼ, e kfə̀n a ndzə̀y ki yòʼ dzə̀ bey. Ke kí dzəə̀n kí dzə̀ jii, wù kfə̀mén, a leéy a ji wíri biner melív mev adzə̀m, bìʼ fo wù yòʼ koŋ ji wìr mòʼón lay.

Jeremia 38:17

Jeremia nèn yòŋ e Tsədekiya ji Nyùy Tàr woo Taà Mànjòŋ, wun woo Nyùy wìr veé Isray yoŋ a jii, «A fòn lòo dzə, e lì kitú kfə́, e dù, e shwì vilìmbìy ve fòn woó Babilon sho, bo fòn yíi lùŋ, é la á yòʼ dzəə yiì tòn a ŋkàlaʼ rə̀n e və́yí. Bo fòn wùn à kfə́ə rəə́ wàa yíi gòʼ atin.

Jeremia 8:6

M bònén ne yuùrí, kinyo kee tìítiy ki yoʼ fəə̀ fo áwuné shuù. A wìr yoʼ kùvsín fo wun yìi kisaŋe. Wìr yòʼ fə̀m sovìr kitú kfə́ ji jay və sà dzə̀ ka á? Wìr kù fuv, du a dzə̀ rə́ə yee dzə́ə, moo nyamŋkoʼ ye yì gvəytin, a nəə́ e mvə̀m rə̀r.

Aysaya 63:8

Wúnwun‑eè ló a suúy jii, «Rúrú, wír veé Israyi dzə̀ wír vém. Wón vém féyì, a bó á yòʼ wíy boʼtí mo.» Á bèy, wù ku nèn lì áwune é wùn, a dzə Mfə̀ə́r wov.

Aysaya 5:4

Kifá ke a yì‑iì dzə̀ á yiì e mǒ súm vitiír ke m yoʼ yiì ki dzə̀ ka? Yiì ka, é bo m wáa shìy ji m yíi kav báŋ se juŋ si fó fo, é lo kòóm vintùʼ, a ví kwáyri kwàyrín.

2 Wòŋ 33:11

Á bèy, Nyùy Tàr nèn yiì, amfòómé veé Assiriyàa wìy, e nə̀ə́ Juda e rə́r sí. Á nəə́ bey, e koò Fòn Manasse, e wày kiŋgov e wun yuy, e kùr wun aàsháŋ vee kisha kee *brons ki, e nèn lì wun, e dù sho e Babilon.

Remrí 4:16

Vèn ku nèn a yen fóo jay kinyo, e fèr shibvə̀m e nshwìnin kifa, a ghvəm, kìn dzə̀ é nshwìnin lùmèn, kìn dzə̀ é nshwìnin wiíy,

Kèʼlo 6:12

Nyùy nèn yèn ji kitú ke nsay ki fòy a ne, bìʼ fo wìr dzə̀m‑eè sí kér a dzə̀ liì kisaŋ.

1 Timoti 1:5

Kú a shèm vinyo vee shooy vi shémen, é wíri fíʼ a kòŋnìn. A dzə̀ wíri kù a ker melív me juŋ mè fo afə́r véví, a yiì a dzə̀ vinyo ve melív mev mè bínsi, a yu a dzə̀ fo Nyùy, e bó a kòŋnìn.

Ŋwàʼ Jov 36:10

Nyùy lo, wù mvə̀ʼtì vituʼùr vév ji á yuúrí á kinyo ke wun suuyì, e kàntì áwune ji á bin á ndzə̀m é kinyò ke bi kí.

Nsùyrì Nyùy 32:8

Nyùy Tàr suuy jii, «M yíi dìn wò dzə́ə ye à wáa ghan sho. M yíi a yeʼéy wò, a tir wò mo à wáa yiì. M yíi a leéy wò fo à tín kiwuú.

Ŋgàn 19:20

Yuúrí ntir, e səə̀sí naarìi, à wíy lóo dzə̀n, áà wáa dzə fií.

Jeremia 6:8

Éè Jerusalem, vèn wáa yen, là bey, bo m lo, e bìn ndzə̀m e vèn, e yiì, é láʼ yéné kfə́n ji vifə̀m, é la wìr yòʼ a dzə sho.»

Jeremia 17:23

Yii bèy, áwune yòʼ‑oò lo yuùrí, e làa yòʼ fə̀m a gwàrìr, e lò fo fo, a tav a dzə̀ kitú, e làa yòʼ yuurí ntir rə̀n, e làa yòʼ səəsí.