Tsəfaniya 3:6 - ŊWÀʼ NYÙY

⁶ Nyùy Tàr suuy jii: «M laàr ne vitúm, ŋkà se laʼ sév sí sì siketìn, wìr yòʼ dzəə́ kum fo, fə̀m e mòʼón. Kay sév se sí giŋ láʼ si kèrkìr ne, dzə́ə seé mvəm sé laʼ si kwiíy, a wìr yòʼ dzəə́ shaa sho.

Tsəfaniya 3:6 Referans Kwoze

1 Korin 10:6

Kinyo ke kí‑iì kooyin áwune vee fó ŋgùʼ kin ki nén a dzə ntir fo vèsən vee lène ji lá vèsən yòʼ a yaŋrí a ji á wáa yiì vinyo ve dzəə̀n ve bi ví moo vee shooy vee wír.

1 Korin 10:11

Vinyo ve ví‑iì kooyin wír vìn vidzə̀m vi dzə̀ kisəəm ke kí din mo kí wíy koóy wír ve á yii sa vinyo vee ben. A vé‑eè sàŋ é ŋwàʼ bèn ji ví fíʼ a tir vèsən vee lán ve á sí méʼ ghán se ndzə wíy mày.

Tsəfaniya 2:5

Ven vee wír veé Filistia, ven ve á dzə́ e ŋguùŋè rìbà ndzə̀v, lǒn Nyùyi shòv ne ven. Woŋ Filistia e nsay wìr veé Kanan, vèn gbù ne nsaʼ Nyùy Tàr. Nyùy Tàr suuy jii, «M wíy laàr ven, é la wìr yòʼ bèr.»

Sekariya 7:14

Á bèy, m nen bvə̀ə́r áwune e kìrkir, á bvəə́rí, e dùkìr e vitum ve á yòʼ‑oò lo wìy sìíy, e kìíy. Á dù bèy, woŋ wóv wo juŋe dù e vifə̀m, la wìr yòʼ dzə́ə a kùm fo.»

Aysaya 37:36

Kú a dzə vitsə́ʼə́, nshìylav Nyùy Tàr fəə́, e dù e wír veé Assiriyàá kilaʼáy, e yùyrí wíri nsə̀kì nshòv sitàn e mwaamé e wiì (185,000). Wíri bvəə́shí, a lò e yuv kijàvndzə, e yèn, a sí néŋnin dzə́n sí.

Cù 26:31

M wíy siìr ŋkà se laʼ sén, é sí kfə́n ji vifə̀m ŋkuuŋkùŋ, e bvəʼə́y virə́ʼ vén vé cù, e làa yòʼ a ker shií e věn cù, ye kirəm ki yii rəm, rəʼtìnè.

Matio 23:38

M nén a tiisí fú jii, láʼ yéné sí tíy kisáŋ, a sì á vifə̀m.

Aysaya 6:11

M nen dzə̀r e Nyùy Tàr jii, «Nyùy Tàr, kí wíy koóy bèy, e dù, e meé e le?» Nyùy Tàr bínér e mò jii: «Kí kù wíy a dzə bèy, e meé mo ŋkà se laʼ seé Isray si wíy dù e vifə̀m, a tiynín kisáŋ, a wìr yòʼ dzəə́ kum fo, e meé mo lav sév sí wíy kwiíy, a wìr yòʼ dzəə́ shiiy sho, a nsay sí tíy kisáŋ ji ŋkfə̀ŋkìkì.

Aysaya 14:26

Á kinyo ke Nyùy Tàr wayin ji wun yíi yiì e kitú ke nsay ki kidzə̀m. Dzə̀ ŋkùm ye wù kamen, a taamé vitúm vidzə̀m sho.

Jeremia 9:12

M nèn dzə̀r e Nyùy Tàr jii, «Nsay yèe, e bóo bir, e kfən e ghá moo wóʼ, a bó wìr yòʼ kfə̀n shaa fo? Dzə̀ la wo wù kér vifií vée kiíy kinyo kìn? Nyùy Tàr, à naàrì kinyo kìn a dzə̀ e la wo dzə̀ wù sùúy e wíri?»

Joshua 23:4

Vèn yén ri ké vitum ve ví berin là ton vi, m jàv ne nsay yev, e fò e rám sén sí ji vitsə́ʼ vév. Kù sì nsay yen, e lì ye vitum ve mò‑oò tònèn, e kèʼ fo ndzəv yee Jordan, e dù bàʼ e Rìbà Ndzə̀v woo Mediteranean, e mbìv yee fo shùy yii nəə.