Tsəfaniya 3:5 - ŊWÀʼ NYÙY

⁵ Nyùy Tàr kù dzə́ kfə́ aáwuné mvəm, yii vinyo a dzə̀ vee tìítiy, a wù yòʼ yii ve bi ví. Wù yii vinyo e wír vəə́ kishiíy kidzə̀m, là kiloʼ. Wù yòʼ shóʼor kímóʼ kee kishiíy, aàŋgàa yiì ye bií kù buʼtì vinyo, là woómé.

Tsəfaniya 3:5 Referans Kwoze

Remrí 32:4

Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.

Yòvdìy 3:23

Wù kù yii tíy wùn à wír vəə́ ghán sidzə̀m, a koŋ rəə́ yénsin e fíy kijàvndzə kidzə̀m.

Nsùyrì Nyùy 145:17

Nyùy Tàr yii kinyo kidzə̀m là kiloʼ, a vinyo ve wù yii vidzə̀m vi kù din mo wù dzəə̀n e juŋ.

Tsəfaniya 3:15

Nyùy Tàr tsə̀ʼ ne ŋgeʼlàʼ yen, wù jùm ne aŋgàa vibàn vén. Nyùy Tàr woo Fon wìr veé Isray dzə̀ vèn áwune. Vèn yòʼ dzəə́ wìy a fàn ŋgeʼ yìmòʼ.

Aysaya 28:19

Kúŋ wíy a fəə, a fə̀m dzə̀ é ghàn ka, é wù kú a leér ven. Ke kí dzəə̀n kí dzə̀ jii, wù wíy a fəə mo kijàvndzə ki dzəə̀n, a fəə e shùy, a fəə vitsə́ʼə́.» A vèn yù ntum rə̀n, e kìíy nsàv, bo tímé kù‑úù kpú fo věn bvə̀m.

Tsəfaniya 3:17

Nyùy Tàr woo Nyùy won dzə̀ e věn mvəm. Wù dzə̀ wir rə̀r wo tavín wo wù luŋèr ven. Wù wíy a sheʼrí ven, wù wíy a kòŋ ven, é melív men mè wáa dzə ji nyaáŋ. Wù wíy a sheʼrí ven, a seŋ, a sàvnìn,

Aysaya 12:6

Wír veé Sion, vèn wáa ndzəʼ, a yòv e kishéʼrì ki. Nyùy woo Ŋgaà wo Ranén woó Isray dzə̀ vèn áwune. Wù dìn ne ji wun dzə̀ e gháʼtín.»

Remrí 23:14

Vèn kú a yiì bèy, bìʼ fo Nyùy won yii ghán e věn kilaʼáy ji wun wáa sə ven, a way aŋgàa vibàn vén e věn kiwo. Bo dzə̀ ji vèn kú a lèm kiláʼáy kén kiránén fo wù yén kifá ke kifàn kí e věn mvəm, e bìn ndzə̀m e vèn.»

1 Pita 1:17

Mo vèn yii lóo bùnrì, vèn wàa yòŋ Nyùy ji Tàr won, kí nen ghèén ji vèn wáa yu wun moo wón və́ é ndzə ye vèn bee sho béen rə̀n, a tiír kiwúu kén, a fìʼ, a kiíy jii, Tàr won Nyùy woo shoon kù yii sáʼ wir dzə̀m a mo kinyo ke ŋgaàŋ ki dzəə̀n. A bó wù yòʼ yii bin nsaʼ mbvə́nkíwó.

Ŋwàʼ woó Rom 3:26

Wù nen dìn a dzə̀ lèn wo Jesus kpuun ji wun kù yòʼ sáʼ rú ajay wìr dzə̀m, aá wáa yen ji wù kù yii yii vinyo və́ tìítiy, là jay, e kfə̀n a yen mo wù li wír líin ji woo là jay, a dzə̀ woo shó wo wù wáy shilív e Jesus wùn.

Sekariya 2:5

Nyùy Tàr kàʼ ne ji wúnwun kitú kfə́ wíy a dzə a kay yév, e kaarí fó e njà və̀y. A ŋkàlaʼ wíy a dzə ye wiy, mo wun woo Nyùy wíy a dzə sho e vikuʼùy və́ ví.»

Nsùyrì Nyùy 37:6

Wù yíi dìn kiránén ji bó à yòʼ kì á fo kinyò. Wìr dzə̀m kù yíi yen ji á tòy á wò e kinyò kisáŋ.

Ŋwàʼ Jov 34:10

«Bìʼ bey, ven ve á yii kiiy jeéyjeéy fó vinyò, vèn yuúrí kinyo kém kí. Bó yòʼ dzə̀ féyì Nyùy wàa yiì liì kisaŋ, a bó yòʼ dzə̀ Ŋgaà Vitaàví Vidzə̀m yiì kinyo kintéŋ.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Ŋwàʼ woó Rom 2:5

Yii bèy, à lo, à nèn tèn fó bìnèr shilív shé, shí kú lóo taaví taavín, à nèn kfə̀n dzə̀sì a dzə̀ ajay, e màysì, e tìnsín shilív shé Nyùy. Aà káv a dzə̀ lòn, mo à wíy nəə́ sho e kishiíy ke Nyùy wíy dìn mo wù yii tínen nsaʼ wìr réŋréŋ mo yì dzəə̀n.

Ŋwàʼ Luk 12:2

Vèn wáa kiíy ji kinyo ki yòʼ dzə̀ shó ke á sətin, ke bó kí yòʼ wíy yensín, kìn ke á lìtìn, ke bó á yòʼ wíy kiíy.

Tsəfaniya 2:1

Kitúm kee là dzə̀rkìtu, vèn báʼtí. Vèn jaŋ vifíi vén ví é bàm,

Habakuk 1:3

À màʼtì, m wáa yen, a wíri buʼtì vinyo, a yen yii yév kisaŋe ben ji ka? Wíri bívir vifá, lémer ámóʼó e mǒ si, táŋninè, kfə̀n funèn virə́ʼ vidzə̀m.

Mayka 7:9

Vèr jày ne e Nyùy Tàr, wù wáa shwiíy kilòŋ vèr áwune, a bó yòʼ dzə̀ féyì vèr ŋàʼ shuu. Fo bàm, wù kù wíy nəə́ e věr kinyò, e bìnèr kinyo ke bi kidzə̀m ke á yiìn e vèr e ke juŋ ki. Wù wíy fəə́r ver fó meranén, é vèr kú a dzə sho, a yen mo wù luŋèr wíri.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»

Esiker 48:35

Ŋkàlaʼ rə̀n wíy a dzə may ntuùfú móo kaarí, e tar. Kèʼ fo lèn, a dù, yír ŋkàlaʼa sí wìy a dzə ji Nyùy Tàr Dzə̀ Fó.

Jeremia 21:12

Nyùy Tàr suuy jii: « ‹Ven vee rám Davir, vèn wáa tinén vinyo vi tìítiy ghán sidzə̀m. Vèn wáa sə wír wo á bóʼó fo ŋgaà mbóʼmé wo. Kí búŋ fó bèy, bo liì won kisaŋ yíi yiì, é dòʼshwíiy wom kóʼ, a wù yíi a baarí moo və́y, là ŋgaà ndzə̀mér.

Jeremia 8:12

Áwune‑eè buʼtì viŋkoʼòy ve vinyò woóme à? Àáy, áwune yòʼ‑oò ló a woomé, fə̀m à shishàr sho. Á yòʼ‑oò ló a ker dzə̀rkìtu gheéy. Bìʼ bey, áwune wíy a dzə e ŋgoo wìr ve á wíy laàr. M wíy màʼ ŋgeʼ aáwuné kitu, aá kpú kpuún. Suuy mo woo Nyùy Tàr.

Jeremia 6:15

Áwune‑eè buʼtì viŋkoʼòy ve vinyò, woóme a? Àáy, áwune yòʼ‑oò ló a woomé, fə̀m à shishàr sho. Á yòʼ‑oò ló a ker dzə̀rkìtu gheéy. Bìʼ bey, áwune wíy a dzə e ŋgoo wìr ve á wíy laàr. M wíy màʼ ŋgeʼ aáwuné kitu, aá kpú kpuún. Suuy mo woo Nyùy Tàr.»

Jeremia 3:3

Kí nen yiì, ŋweʼe tén gbu, e yiì, wuú tén sə́ʼə́y, a bó vishí vé vi yòʼ din ji kinyo ki kooyì. Ví kù dzə̀ ji vé sàkì, là woómé.

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.

Aysaya 45:21

Vèn wiy ri e nsaʼ yen, e naàrì. Vèn kfəynin, e rə̀tì, e fə̀ə́r kinyo ki. Vinyo ve ví kooy lèn, yì‑iì yìysí la fó ŋgùʼ? Feyì feyì, yì‑iì yoòyí la fó yàŋgùʼ? Bó yòʼ‑oò yoòyí mo woo Nyùy Tàr a? Nyùy wùmòʼ yòʼ kfə̀n dzə̀ shó, e shaà mo və̀n. M dzə̀ Nyùy wo wù yii vinyo tìítiy, a m dzə̀ Mfə̀ə́r, a bó Nyùy wùmòʼ yòʼ kfə̀n dzə̀.

Aysaya 33:2

Éè Nyùy Tàr, kii wò, ku shàm ver. Vèr kù sí leey a dzə̀ wò. Kishiíy ké ndzə kidzə̀m, kú a dzə kóy wór wo tavíné, ŋgeʼ si lóo koóy ver, à kù sə̀ ver.

Ŋwàʼ Jov 8:3

A dzə̀ Nyùy lòo tinén nsaʼ, wù shòʼór nsər à? A dzə̀ Nyùy woo Ŋgaà Vitaàví Vidzə̀m lòo tinén kinyo, wù wày kiloʼ sho à?

Kèʼlo 18:25

Rúrú, bó yòʼ dzə̀ wò wo dzə̀ à yùyrí wír vee là jay wùn à vé jayi. Yòʼ dzə̀ kí kòóy bey. Bó yòʼ dzə̀ wò wo a dzə̀ à yiì bey. Aà yiì bèy, bo à sí maʼ ŋgeʼ aàlàjayi wùn à vé jayí kitu réŋréŋ. Mo tínen wò nsaʼ seé kitu ke nsay sidzə̀m, bo bó yòʼ dzə̀ à kù yiì a dzə̀ kinyo kee réŋ kí a?»

Sekariya 9:9

Éè wìr veé Sion, vèn wáa sheʼrí e mbòómbòŋ. Éè wìr veé Jerusalem, vèn wáa ndzəʼ. Vèn yén mo fòn won wiyì, wiy e sáʼ yee tìítiyi, séŋ nsiì, e kù yòʼ lì kitú kfə́ shishàr, e kòʼ a dzə̀ kimbèʼbìy, kimbèʼbìy, a dzə̀ kee wán.

Ŋwàʼ Jov 7:18

Wù dzə̀ ka, é bo à wáa wìy, a ghan wun kijàvndzə kidzə̀m, a tàr kinyo kfə́ fó fó.

Nsùyrì Nyùy 92:15

Kee shooy ki din ji Nyùy Tàr yii vinyo là kiloʼ. Wù dzə̀ kikiŋ kém, a bó wù yòʼ kér yii ye bií.

Esiker 18:25

«Yii bèy, a vèn yoŋ kén jii, ‹Bó Nyùy Tàr yòʼ yii réŋ.› Abaày wìr veé Isray, vèn yuúrí, dzə̀ ji bó m yòʼ yii réŋ a? Bó yòʼ yii ven vinyo kintéŋ à?

Hosea 14:9

A wìr kér vifií, ŋgaàŋ kù səə̀m vinyo vìn vidzə̀m, e lèm e kitu. Wìr wo wù kiiy jeéyjeéy fó vinyò ku nə̀ə́ e mvəm wó, e kìíy mo ví dzəə̀n. Ntir se Nyùy Tàr sidzə̀m si kù yii dzə́ tìítiy, a wír ve á ghán e wun mbòví jumrì ntir see shooy, a wír ve á méŋ wune bayrìn kév shó, gbukìrì.

Tsəfaniya 3:13

Wír ve á wíy ber e Israyi yòʼ dzəə́ wìy a yiì kinyo ke bi kí. Áwune yòʼ dzəə́ wìy a boʼtí kimboʼtì, aá yòʼ dzəə́ wìy a suŋnín lám kisaŋe. Á wíy a dzə e vijùŋ, a yikír, a meèmè. Fan yímóʼó yòʼ dzəə́ wìy a dzə aáwuné meliv.»

Hosea 6:5

Á kinyo ke mò‑oò tsə́nsi aŋgàa ntum vém ji á tsə́m ven e lámé, é jí se sí fəə́ fo mǒ shuù si fiʼ laàr ven. A lòn wo m baʼtin kùm vené lo, e fəəsín mo shùy tó, ndzə ràn.