Tsəfaniya 3:4 - ŊWÀʼ NYÙY

⁴ Aŋgàa ntum Nyùy vəə́ dzə̀ vé kigùynìne, aá danèr wíri e dzəə ye bi. Atàá cù vəə́ bívir kirə́ʼ ké Nyùy bívírín, nyavrì e nsər sə́ sí nyávrin.

Tsəfaniya 3:4 Referans Kwoze

Esiker 22:26

Atàá cù véví shòʼór ne nsər sém, e kfə̀n nyàvrì e vifá vém vee jeéy ví. Áwune yoʼ dìn jeéy jeéy fo kifá ke dzəə̀n ji ké Nyùy wùn à kee kiy ki, a bó áwune yoʼ yèʼéy ji á kiíy jeéy jeéy fó kifa ke *kifàn, à kee là kifàn kí. Jòkìnyàʼ, á nyávrí e kishiíy kém ké bam ki, la wír véví yòʼ dzə́ə a ghvəm mo.

Malakay 2:8

Yii bèy, ven vee atàá cù, vèn yòʼ dzəə́ ghán e mǒ mbòv. Yéʼéy yéné yiì ne, wír aníne jáy dzə́ə. Vèn bìvír ne mensaŋ me mò‑oò gwàrìn vèr à rám Levìi. Suuy mo woo Nyùy Tàr woo Taà Mànjòŋ.

Hosea 9:7

Ghán se á lo, e màʼ ŋgeʼ e wír veé Israyí kitu si ghèén ne. Ghán se áwune lo, a sə vilaʼày vév sí sì é kiwo. Á yíi màʼ ŋgeʼ rə̀n aáwuné kitu, é vifií vév ví nèn tòʼkír. Áwune sí yoŋ *ŋgaà ntum Nyùy və̀n ji kiyúŋ, yoŋ wír, a danèr Kiyoy ke Nyùy ŋgaàŋ ji vifií və́ ví layì. Vinyo vév ve bi ví kùʼ ne e ŋàŋ, á nen lò, a bàn mo woo ŋgaà ntum Nyùy bánen.

Yòvdìy 2:14

Vinyo ve aŋgàa ntum vée tiísi ji ghèm Nyùy ndzə, dzə̀ kimboʼtì, a dzə̀ kifá kisáŋ. Áwune yòʼ‑oò lo dìn vinyo vé ve bi ví, e fíʼ siìr wò e bàm fó kwaʼ vikwàn. Vinyo ve áwune tiísi e wò ji ntum Nyùy vi kù dzə̀ vé kisaŋ vi, aá kù bóʼti wò sho bóʼtín.

Jeremia 5:31

Aŋgàa ntume sí tiísi a dzə̀ ntum kimboʼtì, aàtàá cùu fó sáʼ a dzə̀ ye yí gheen áwune. Wír vémé nén a kòŋ a dzə̀ kee shoon. Bo kimaysì kév kí wíy a dzə ka?»

Aysaya 9:15

Wír ve á dzəə̀n moo kitú vìne dzə̀ ŋgày sé wìr wùn à kfə́m sé wìr si, a ve á dzəə̀n moo kúné dzə̀ aŋgàa ntum ve á yéʼey kév wíri a dzə̀ kimboʼtì.

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

1 Joon 4:1

Ŋkàr sem, wíri wìy ne anín, a ghan virə́ʼ vidzə̀m, a boʼtí ji áwune fiʼtì kinyo a dzə̀ á ke tiísi Kiyoy ke Nyùy. Á lóo suúy bèy, lá vèn yòʼ kù nèn a biimé biimén. Vèn tòmbìy tàr vinyo vee shooy vi vidzə̀m, e bóo kiíy ji ví sà lò rú a dzə̀ fo Nyùy a?

2 Korin 11:13

Vee shooyi yòʼ dzə̀ aŋgàa ntum Kristu gheéy. Á bóʼti ven bóʼtín. Áwune dzə̀ kév wír ve á ghán, lévti wíri lévtín, nèn binkìr ji aŋgàa ntum Kristu.

Matio 7:15

«Vèn wáa yen fo aŋgàa ntum kimboʼtìi nəə́ e věn ŋgoo. Wír vee shooyi woóne moo nyám ye bi ye yì màʼàn juv njiì, e nə̀ə́ e njiì ŋgoo ji wun laar njiì.

Mayka 2:11

Vé kifàʼ vìne dzə̀ ben, aá koŋ ntum a dzə̀ ye kimboʼtì. A wìr lò, e sàsìn, e bvə̀y, a ghan, a levtí wíri jii, wun yíi yiì, aá wáa tsəə̀tìn tsəə̀tìn e meluʼ me tavkín mè, bo wír vìne kù yíi a gbù gbuùn é wùn wó ji á ŋgaà ntum wov.»

Jeremia 23:32

Rúrú, m yíi kìʼ aŋgàa ntum ve á li njèm se kimboʼtì si, ghán, fiʼtì. Áwune fer, nèn danèr wír vém e kiràʼsìwùn ké kisaŋ ki, yii, aá jáy dzə́ə. Bó m yoʼ shòʼ áwune, e tùm, a bó yòʼ dzə̀ wír vémé lùŋ fo áwune gheéy. Suuy mo woo Nyùy Tàr.»

Jeremia 8:10

Mo kí dzəə̀n ben, m wíy fo vikìy vév e wír ve səné, e fo kwáʼ sév e wír ve á wíy tòn fene, bìʼ fo wìr dzə̀m, à wo terí, à wo kuʼùn, kù sí diy a dzə̀ seʼ ŋgwaákínyé. Aŋgàa ntum Nyùy wùn aàtàá cùu, à wìr dzə̀m lò ne, a shwìv a dzə̀ kinshwìv.

1 Samuel 2:22

Yì‑iì dzə̀ é ghan sin, a Eli dzə́n ne feyì. Wù kú a yu vinyo vidzə̀m ve wón vəə́‑əə̀ yii e wír veé Israyi, kfə̀n yú sa mo vé‑eè néŋ e vikìy ve vé‑eè lim e shùu kibàn ké Nyùy Tàrí.

Atǎr Nsaʼ 9:4

Áwune nèn fə̀ə́r visha ve mbàm ve fəvír ví fo nyùy woo Baal‑Berit lav msaàmbà, e fò shó. Abimelek lì mbàm sìn, e làʼ wónlè ve á ŋaʼà, kfə̀n kér liì kisaŋ, á wáa jùmrì wun.

Jeremia 34:19

Rúrú, m wíy lovtí bèy e vilìmbìy veé Juda wùn à veé Jerusalem vi, aàtǎr ntoʼ véví, aàtàá cùu, e lì wir dzə̀m wo wù‑uù shaàn é kintìntìn ke viwàŋ ve nyàm ye vé‑eè toʼnin rə̀y.

Esiker 44:23

«Áwune ku wìy a yeʼéy wír vém, aá wáa kiíy jeéyjeéy fo kifá ke dzəə̀n ji ké Nyùy wùn à kee kiy ki, e kfə̀n a naàrì sa áwune, aá wáa kiíy jeéyjeéy fo kifá ke *kifàn kí, à kee là kifàn kí.

Malakay 1:6

Nyùy Tàr woo Taà Mànjòŋ yoŋ aàtàá cù ve á káy wune jii, «Wóné kù yii lo, á wàa ghvəm atàr vév, aàkwàné yii ghvə́m atàr vév lìm. A fèn dzə̀ rú ji m dzə̀ tàr won, bo ghvə́m ye vèn fó e mòó bèé? Wáa dzə rú ji m dzə̀ tàr won lìm, bo yúnín ye vèn yúnin moó bèé? Yii bèy, vèn ló kén, a dzər e mò jii, ‹Vèr kày wò e dzəə rəné?›

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Esiker 22:6

« ‹Vilìmbìy vén veé Isray vi dzə̀, a wìr lo, wù lì vitaáví ve wù kérí, a laàr wír sho láarin.

Mayka 3:11

Atǎr saʼ vee fóo kù sə́ a dzə̀ kòyàr, e bó a saʼ, aàtàá cùu sə́ mbvə́nkíwó, e bó a toʼtí nsər se Nyùy, aàŋgàa ntum Nyùyi kù maʼ sa kiwó, e bó a tiisí vinyo ve ví yíi a koóy. Áwune sə́ bèy, dzəv nsaŋ, suuy jii, «Nyùy Tàr dzə̀ vèr áwune, a dzə̀ sə̀ʼ ka ver.»