Tsəfaniya 3:3 - ŊWÀʼ NYÙY

³ Və́ vé saʼa nyamkìr moo abvərə̀ʼ, wír və́ ve á tínen nsaʼa dzə̀ akoosàʼ, á yí kifá, e làa yòʼ a ber kee kibvəə́shí.

Tsəfaniya 3:3 Referans Kwoze

Habakuk 1:8

Nyám se ŋkoʼ sév sí léʼ e ŋàŋ, shaa baá, guutì shúu rər, shaa akoosàʼ ve á guutì nyám yée koo. Bàràʼ nyàm wov kív dzə́ə, du fo mbìy, aá wiy kwaʼda, féŋ moo lùŋ wo wiy, wo wù sə́ʼəy, e koo kifá.

Jeremia 5:6

Á bèy, bvərə̀ʼ yíi fəə fo kòv, e koo áwune, é koosàʼ wiy fó woʼ, e sàʼ áwune. Baá yíi a neŋ aáwuné ghaa ŋkà se laʼ, a shweʼ virə́ʼ. Wù yíi sàtì wír wo wù bàŋrìn, e fəə̀ fó fo, e vinsàr vinsàr. A dzə̀ bìʼ fo ajay véví kùʼùn ne e ŋàŋ. Áwune bìn ne ndzə̀m e Nyùy, e tònén.

Esiker 22:6

« ‹Vilìmbìy vén veé Isray vi dzə̀, a wìr lo, wù lì vitaáví ve wù kérí, a laàr wír sho láarin.

Jeremia 22:17

Yii bèy, à tìír ké sí wùn à shilív shí, a kù dzə̀ é kinyò ke kù‑úù luŋ wò fo fo. À yúyri alànjò, nyavrì, kfə̀n nəʼsì wíri.

Aysaya 1:23

Atǎr wòŋ véné tsə́y kóy wùn à Nyùy, kfə̀n suúsin wùn aàshóŋé. Áwune adzə̀me kù diy a dzə̀ kòyàr, leey ji wìr bvə́n kiwó aáwune. Bó á yòʼ fə̀m kiŋsìn gháy wón tsə̀, a bó á yòʼ bin nsaʼ, fó e wiíy ŋkfə.

Ŋgàn 28:15

Ŋgaà saʼ wo wù méŋ Nyùy, taá aàŋgàa kitàné kitu kù dzə̀ moo bvərə̀ʼ wo wù nyamkìrì, kìn baá wo jìŋ sòyìn.

Aysaya 5:29

Áwune wíy wìy, é kiyor ki wáa koʼ, a koo mo nyamkìr bvərə̀ʼ. Kí wíy a koʼ, a koo moo wón bvərə̀ʼ ve á yú shilív, nyamkìrì, a beemé moo bvərə̀ʼ wo wù koon nyám, a nyàmkìr, e bóo lì, a dù sho, a bó yòʼ dzə̀ wìr faàsì.

Jeremia 34:19

Rúrú, m wíy lovtí bèy e vilìmbìy veé Juda wùn à veé Jerusalem vi, aàtǎr ntoʼ véví, aàtàá cùu, e lì wir dzə̀m wo wù‑uù shaàn é kintìntìn ke viwàŋ ve nyàm ye vé‑eè toʼnin rə̀y.

Esiker 33:26

Vèn ŋeʼrì gheéy, á laàr wír, ghán, yii vinyo ve joònè ví, a wìr mòʼón mòʼón li wiíy wìr, bo kù yòʼ dzə̀ rú vèn yòv nsay rə̀n a?›

Jeremia 23:11

Ke Nyùy Tàr yoŋ ki dzə̀ jii, «À ŋgaà ntum, à taà cù, wìr wo wù ghvə́m Nyùy yòʼ kfə̀n dzə̀ə́. M sí yén, aá yii liì kisaŋ, fə̀m à e mǒ lav sho. Suuy mo woo Nyùy Tàr.