Tsəfaniya 3:12 - ŊWÀʼ NYÙY

¹² M wíy màʼtì wír e věn mvəm, a dzə̀ ve á bvəʼtin ne ghay wóv, aá bórkir e mǒ si. Aáwune wíy a nəə́ e mǒ sar vàv, é mo woo Nyùy Tàr wáa kìŋsìn áwune.

Tsəfaniya 3:12 Referans Kwoze

Aysaya 14:32

Á bèy, a vé ntume wìy fo Filistia, a dzər kinyo, á bìnèr jii, «Nyùy Tàr lèm ne Isray ji kitúm, a mvə̀mlaʼ yee fó dzə̀ Sion. Dzə̀ fó, fo wír və́ ve vé‑eè rə́si yén ŋgeʼe wíy a dzə, a neŋ ji dèʼ.»

Nahum 1:7

Nyùy Tàr dzə̀ e juŋ, a dzə̀ kibeey keé ghan sé ŋgeʼ. Wù yii géʼsin e wír ve á lir e wun sari.

Matio 5:3

«Bòŋ ké wìr ve á yén ji á tan fo Nyùy si, bìʼ fo dzəə̀n áwune ve á sí yú vijuŋ ve saʼ Nyùy.

Aysaya 50:10

Wìr fo věn mvəm wo wù wayin ŋàŋ, a ghvəm Nyùy Tàr, e wày ŋàŋ, a yunín ŋgaà lìm və dzə̀ la? A ndzə lòo dzə, e màʼ wun, wù wáa ghan, a ghaà virə́ʼ gháan, ŋgaàŋ kù tìír a dzə̀ Nyùy Tàr fó mbìy, a yeʼtí a dzə̀ e wun woo Nyùy və́ wùn.

Jeem 2:5

Afə̀r vem, vèn yuúrí, e yù. Wír ve Nyùy‑iì shoʼon ji á wáy shilív e Jesus Kristu wùn, a ker ghay wùn à Nyùyi kù dzə̀ wír ve á tan e ndzə fèn. A dzə̀ áwune ve á wíy nəə́ e wùn mvə̀m saʼ, a yu vijuŋ ve wù‑uù kàʼàn wír ve á koŋ wun sho.

1 Pita 1:21

Vèn nén a way shilív e Nyùy wùn lèn, a dzə̀ bìʼ Kristu wo wù‑uù tumen, wù wìy, e kpù fo vèn. Wù kfən fə̀ə́r fo kpu, e bùʼ e vikuʼùy və́ ví. Melív men mè nén a tiy lèn a dzə̀ e Nyùy wùn, vèn wáa leéy fó mbìy ji wù li sá ven, e wày e wùn mvə̀m vijùŋ foo fèy.

Ŋwàʼ woó Rom 15:12

Aysaya kfən sùúy jii: «Taà saʼ wo fíy wíy fəə fo Jessi ram. Dzə̀ wun wo wù wíy saʼ vitúm ve bó yòʼ dzəə̀n veé Isray, aá wíy way vifií é wùn wó ji á luŋ fó fo.»

Matio 12:21

Vitúm vidzə̀m vi wíy tiír vifií a dzə̀ e wun wùn ji á fíʼ lùŋ.»

Matio 11:5

Amfìri sí yén virə́ʼ, aàntèŋe gháné, a vé shìvnsayi bónenè. Ansəərìi yú vinyo, a wíri kóʼor fo kpu, aá kfə̀n fiʼtì sáʼka Nyùy wo juŋ e vé ŋgeʼe.

Sekariya 11:11

Mensaŋ mèn mè ku nèn ndzə̀ŋtí e kishiíy fóo fèy. Njiì woo wo ŋgeʼ və̀y yén, e nèn kìíy ji Nyùy Tàr súŋnin, shaa a fo kinyò ke m yiìn kin.

Nsùyrì Nyùy 37:40

Wù kù yíi sə áwune, e fəə́r fo ŋgeʼ. Wù yíi fəə́r áwune fo wír ve á méŋ wuné wo. Wù boyìr áwune, bìʼ fo á tiir a dzə̀ wun fo mbìy.

Aysaya 14:30

Fə̀m wír wo vèn yén ji ŋgaà kitàn, wù kù wíy a yiír njiì və, áàghéʼnceyí wáa neŋ bèn ji dèʼ. Yii bèy, fo kén kí, m wíy màʼ jíŋ, é yì laar ven, à rune shó, a m wíy yuyrí wir dzə̀m fo vèn, wo wù wíy ber.

Sekariya 11:7

Á bèy, m nèn dù, a shìy njiì wo vé‑eè leemè ji á yíi a seerí, a dzə̀ njiì wo á nyavrì sho. M lì mbàŋ sibaà, e shù yír yìmòʼ ji «Mendzən», e shù yé yìmòʼ ji «Kintatì», e nèn a shìy njiì və̀y sho.

Esra 9:8

Yii bèy, e ké lèn ki, Nyùy Tàr woo Nyùy wor, à shàm ne ver, e yiì, ver ámóʼó bóy. À lèm ne ver a dzə̀ e wò kirə̀ʼ fen, e rànér sí yér, vèr meémé fo věr kibèʼèy.

Aysaya 6:13

A wíri fə̀m bèr é Isray e shitàmèn, bo m kù yíi a laàr kitúm kév láarin, a dù fo mbìy. Yii bèy, m laarì, é bo ŋgwàʼ ye fíy keʼ, a kuy, ŋgwàʼ ye m shoʼon fo wír veé Israyí mvəm, e bùʼ ji yéem, réŋréŋ mo á gwar kicí ké *terebint, kìn kee *oak, kí kfə̀n tòkír, a kuy.»

Aysaya 29:19

Nyùy Tàr wíy yiì, é wír ve vé‑eè nyavrì aáwuneé kfə́n, a sheʼrí, e yiì, é vé kitàne wáa yu vijuŋ, bìʼ Ŋgaà wo Ranén woó Isray.

Jeremia 17:7

«Yii bèy, kisəəvì kí kù dzə̀ ké wìr wo wù wayin shilív e Nyùy Tǎr wùn, wo vifií və́ ví tíy a dzə̀ e Nyùy Tǎr wùn.

Jeremia 50:20

Wíy lòo dzə e ghan fóo fèy, aá wáa tàʼ ŋgaà vinyò ve bi ví fo wír veé Israyí mvəm, é la wù yòʼ a dzə, a tàʼ wir liì kisaŋ fo Juda, é la wù yòʼ a dzə, bìʼ fo m wíy làysìn ajay wìr ve mò‑oò bavtin dzəʼə̀m yév, á bér. Suuy mo woo Nyùy Tàr.»

Esiker 6:8

« ‹Yii bèy, m wíy bavtí ven ámóʼó, aá bér ashàr, e lùŋ, a dzə e vitum fo á wíy koorí, e dù sho.

Mayka 5:6

Áwune wíy tòn woŋ Assiriya, a saʼ e vitaáví vé rər ví. Á wíy a ker nsay ye Nimrod‑iì koon rə̀n e vifá ve rər ví. Wír veé Assiriyàa wíy yaʼáy bìíy yer, tiir kiwuú e věr nsay, áàntav vér víne boyir ver fo áwuné wo.