Tsəfaniya 3:1 - ŊWÀʼ NYÙY

¹ Lǒn Nyùyi shòv ne Jerusalem. Dzə̀ ŋkàlaʼ a yì táv kitú. Yì shoor kitú, kfə̀n nəʼsì wír və́.

Tsəfaniya 3:1 Referans Kwoze

Jeremia 6:6

A dzə̀ jii, Nyùy Tàr woo Taà Mànjòŋ yòŋ ne jii: «Á ku bàʼtì vicí veé ghaa ŋkàlaʼ. Á yávtí tíy, e kòʼór kitaàtì e wǔn kày e Jerusalem. Dzə̀ ŋkàlaʼ, aá kù kér fó màʼ ŋgeʼ sho. Màyshó və kù sì táy ye á táy wíri.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.

Aysaya 30:12

Bìʼ bey, Nyùy Tàr woo Ŋgaà wo Ranén woó Isray nén a suúy jii: «Vèn tèn ne kinyo ke m suuyì, e wày vifií a dzə̀ é nə̀ʼsì wùn ǎ dzəə sé kisaŋ símóʼ sí, e kù a yeʼtí a dzə̀ é vinyò fèn.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Sekariya 7:10

Feyì feyì, lá wìr yòʼ a nə̀ʼsì wiiy ŋkfə, kìn wan tsə̀, kìn kiŋgwìy, kìn ghéʼncey. Lá wìr yòʼ a taŋ kinyo ke bi kí kùm fə́r və.»

Esiker 22:7

Bó wìr wo wù ghvə́m tàr wov wùn yè wov yòʼ dzə̀ shó e věn mvəm. Vèn lo, á wàa boʼ viŋgwìy wùn à wón tsə̀ə́, à vikǐy ŋkfəə.

Mayka 2:2

Á yén súm wìr, wú gheen áwune, á faàsì fáasin e vitaáví ví. Lav wìr boŋè, á kù sùm sùmèn. Á lo, á tàtí wír wùn à kfə́ə rəə́, e kù nyàvrì sho nyávrin. Yén vitsə́ʼ vé wìr, á kù faàsì faàsìn.

Jeremia 22:17

Yii bèy, à tìír ké sí wùn à shilív shí, a kù dzə̀ é kinyò ke kù‑úù luŋ wò fo fo. À yúyri alànjò, nyavrì, kfə̀n nəʼsì wíri.

Aysaya 5:7

Rúrú, súm vitiír və́ne dzə̀ ji kitúm kee Isray, kitúm ke Nyùy Tàr woo Taà Mànjòŋ. Wír veé Judàa wáa dzə vitiír ve wù shavin, a geʼsín sho, a leéy ji á wáa dzə, a yiì vinyo vee tìítiy, yii bèy, ku fəə̀ kinjuyrì. Wù leey ji á wáa yiì vinyo vee réŋ ví, yii bèy, ku kòʼ tóŋ sə́moó, bìʼ táy ye á táy wíri.

Cù 1:16

Wù jiir, e lì kidíʼ wùn à fəə si, e màʼ e ghaa kiy cù e kirə̀ʼ ké kibvə, e mbìv ye yì kiʼ fo shùy yii tó,

Amos 4:1

Ven vee vikìy veé Samaria, vèn yuúrí kinyo kìn ki. Vèn yuúrí, ven ve á fàŋkìn moo anàʼ veé Bashan. Vèn nyavrì aàŋgàa kitàne, táy aghéʼncey, lo, á wàa tiy tiyín aàlúm vén vee kfə́m sé wírií kitu jii, vèn wáa dzə rì, e làa yòʼ fo meluʼ é vèr nó.

Amos 3:9

Kí nén a dzə jii, á ku dù, e fùŋ á e ntoʼ yeé Ashdod, e fùŋ sáa e yeé Ejiv jii, áwune ku fəə̀, e bàʼtí aàgwan veé Samaria, e yèn á mbvəərì wo wù dzəə̀n fó, á leéy á táy ye á táy wíri fó.

Esiker 23:30

Kù sə̀ŋ wò lòn vən, e wìy sho e wò kitu, bìʼ fo wò‑oò duùn visàkì fo vitúm ví wùn, e kfə̀n lòr kitú ké e kinyo kév ké mebvə̀m ki.

Esiker 22:29

Wón nsayi yèʼéy ne mó a faàsì kimfaàsì, e yèʼéy bèy, a faàsì fo aŋgàa kintàn wùn aàghéʼnceyí, fə̀m à fo viŋgwìy vi, là nyaʼ.

Jeremia 5:23

Yii bèy, wír vìne dzə̀ antavkìtu, aá tén sáʼ yém. Áwune bàr ne dzə́ə, e nyèŋ mo.

Aysaya 59:6

Menàŋ me á bá mèn mè yòʼ yíi sə áwune, réŋréŋ mo a taàŋgám fə̀m fèr lav, yí kuʼ é le, bo bó yòʼ dzə̀ á lì, e bà ndzə̀y shó. Lim yév e dzə̀me kù dzə̀ ji á buʼti vinyo, lo, á ghàr wír, a kàr.

Jeremia 6:7

Jerusalem buʼtì vinyo là meemè, moo ndzə́v ye tuŋéné, ye yí fəər mendzə́v là meemè. M kù yú a dzə̀ ŋgeʼ ye wù fó, kfə̀n yú vifá ve wù bívirì. M leey fó, yén a dzə̀ yàsí wùn à kileémé kí.