Biblia Todo Logo
Bib sou entènèt

- Piblisite -




Tsəfaniya 2:8 - ŊWÀʼ NYÙY

8 Nyùy Tàr suuy jii: «M yù ne mo wír veé Moavi keŋ wír vém, e yù mo wír veé Ammone kuu wír vém. Á sévti ji á yíi faàsì a nsay yev.

Gade chapit la Kopi




Tsəfaniya 2:8
19 Referans Kwoze  

Nyùy Tàr suuy jii: «Abaày, wír veé Ammone fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, áwune‑eè táŋ bìíy wòŋ, maʼ Gilead e rə́r sí, maʼà, shuʼtì bvəm se vikìy, aá dzə̀kìr e bvə́me.


Ntum yee kùm wír veé Ammon rə̀ne. Nyùy Tàr suuy jii: «Dzə̀ ji bó Isray yòʼ kér wón vee vilum à? Dzə̀ ji wù yòʼ kér njìlaʼ à? Nyùy woo *Molek yóv nsay rám Gad bìʼ ka? Wír ve á cu Moleki‑iì wìy, a dzə fo bìʼ ka?


Ke Nyùy Tàr woo Taà Ndzə suuy ki dzə̀ jii, ‹Aŋgàa vibàné‑eè séŋ nsiì e věn kitu, bínsi jii, ə̀həə, ə̀həə, aŋkoŋ veé yàŋgùʼú sì vér.›


Nyùy Tàr yòŋ Joshua, e sùúy jii, «Lán və̀n, m tsə̀ʼ ne nshoórsí woó Ejiv fo věn kitu.» Mo Nyùy suuyin bey, á nen yòŋ fó ji Gilgal, e shem lán.


Sáʼ Nyùy yee kùm kinyo ke kí wíy koóy wír veé Moavi rə̀ne. Á lò ne vitsə́ʼ vimòʼón, e laàr ŋkàlaʼ yee Ar, Moav kpú, e rə̀. Á lò ne vitsə́ʼ vimòʼón, e laàr ŋkàlaʼ yee Kir, Moav kpú, e rə̀.


Ver veé Juda adzə̀me kì ji wír veé Moavi dzə̀ vé kiŋkoʼòrwùné. Kiŋkoʼòrwùn kév kí yii, aáwune káy wíri. Yii bèy, a kiŋkoʼòrwùn kév kí dzə̀ là mvə́m.


Nyùy Tàr suuy jii, «Mò‑oò sùŋnín kùm vitúm ve ví dzəə̀n e Juda ghaŋ, aá giŋ wír vém e shilív she bi shí ji á sə́ nsay ye mò‑oò foon aáwune ji vitsə́ʼ vév. Vèn leéy, e yèn, m yíi shoʼóy aŋgàa vibàn vén vin fo áwuné nsay mo á shòʼóy kitiír ké kifa fo nsay, e bòyìr wír veé Juda fo áwuné wo.


Éè Nyùy Tàr, à yù ne mo á shur mo, aà kì dzə́ə sidzə̀m se áwune wóŋ wúu yém shó.


«Wàn wìr msòŋ, tiísí ntum yem, e sùúy kinyo ke Nyùy Tàr woo Taà Ndzə suuy kùm wír veé Ammon ve á shur wír veé Isray ki. Tiísí jii: « ‹Nyùy rə̀ne, nyùy rə̀r, aá shóʼ fó kiburúʼ ji yì wáa laàr. Nyùy, aá sór, yì wáa bàvkìr moo kishèv, a teè wíri.


Nyùy Tàr suuy jii: «Abaày, wír veé Moavi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu, Yìiy, áwune‑eè tòn vighvə́r vé fòn woó Edom, ví dú é kibvə.


Á vilaʼày ve Moav wùn Ammon wíy a ker, bìʼ kiŋkoʼòrwùn kév. Áwune‑eè keŋ wír Nyùy Tàr woo Taà Mànjòŋ, kóʼ aáwuné kitu.


Wo mbìy‑iì dzə̀ə́ wán lumèn, e shù yír ji Moav. Dzə̀ wun wo dzəə̀n tàr à wìr veé Moav, e wìy meé lán.


Wo bàm koóy sá wán woo lumèn, e shù yír ji Ben‑Ammi. Dzə̀ wun wo dzəə̀n tàr à wìr veé Ammon, e wìy to lán.


Ntum yee kùm wír veé Moav rə̀ne. Nyùy Tàr woo Taà Mànjòŋ, wun woo Nyùy wìr veé Isray suuy jii: «Lòné dzə̀ wó wìr veé Nebo, á sí lo, e bvəʼə́y fó. Á lo, e tòn Kiriatayim, é wír vee fóo wáa woomé. Á yíi bvəʼə́y kikum ke ŋkàlaʼ, e shoór fó.


Nyùy Tàr lò, e yòŋ mo, e sùúy jii,


Fo kén kí, vèn wíy kiíy ji mo woo Nyùy Tàr‑iì lo yù á lám wo vèn‑eè té ji agwan veé Israyi sì á vifə̀m. Té bèy, suuy jii, ‹Á shwèy ne e vèr ji vèr wàá mey.


Swiv nou:

Piblisite


Piblisite