Tsəfaniya 2:7 - ŊWÀʼ NYÙY

⁷ Wír veé Juda ve á wíy beri wíy yòv ŋguùŋè rìbà ndzə̀v. Áwune wíy a yiír nyám si fó, ndzə sə́né, aáwune shiíy é lav se wìr veé Ashkelon. Nyùy Tàr woo Nyùy wov wíy kuumé áwune, e siìr vikuʼùy vév fó.

Tsəfaniya 2:7 Referans Kwoze

Tsəfaniya 3:20

Rúrú, m wíy baʼtí ven é ghan see shó, e siìr ven e věn melaʼ. M wíy siìr vikuʼùy vén fó, é vèn yén e sí yéné. M wíy yiì, é vitúm vidzə̀m vi wáa yòŋ yír yén. A yòŋ bèy, kitú ke nsay kidzə̀m, a burí ven.» Á mo Nyùy Tàr suuyin.

Esiker 39:25

«Á bèy, ke suuy Nyùy Tàr woo Taà Ndzə ki dzə̀ jii, m sí yìi siìr vijuŋ ve rám Jakov fo, e dìn mo m koŋ wír veé Isray adzə̀m, shám áwune. M kù wíy a kiyrí yír yém ye ranéné fo á wáa shoór.

Ŋwàʼ Fəə 4:31

áwune nen biìmé ntum yev. Á lò, e yù ji Nyùy Tàr kì wìy ne ji wun shám á wír veé Isray, a wù yén ne ŋgeʼ se áwune yéné, á nèn gvə̀ʼə́r vitú vév, a ghvəm Nyùy.

Ŋwàʼ Luk 1:68

«Á wáa burí Nyùy Tàr woo Nyùy wìr veé Isray. Wù wìy ne fó sə wír və́, e tin fo ŋgeʼ.

Mayka 4:7

M wíy lèm antèŋ vee kibér ke wíri, aá gwar kitúm ke sən kí, é wír ve vé‑eè jùmèn viné wìy a dzə kitúm ke kuʼùn kí, é mo woo Nyùy Tàr nèn a saʼ áwune fó Gwan Sion, e kèʼ fo lèn, e dù, e jòʼsì.»

Mayka 2:12

«Ven vee rám Jakov, rúrú, m wíy baʼtí ven kirə́ʼ kimòʼón. M wíy baʼtí wír ve á wíy a ber fo Isray adzə̀m, e baʼtí moo njiì wo wù kfə́n e wun kibìn. Wíri kfə̀n wíy run e věn nsay, é kiyor ki wáa koʼ, a koʼ, moo ké njiì wo á danèrì.»

Obadia 1:19

Lóo dzə e ghan see shooy, é wír veé Negevi nèn yòv Gwan Esav, é veé Shefelàa yov nsay wìr veé Filistia, e kfə̀n yòv nsay Efrayim, à ye Samaria, é rám Benjamine nèn yòv kfə́ Gilead.

Jeremia 33:7

M wíy siìr vijuŋ ve Juda wùn à vé Isray vi fó, e tuúy áwune, aá wáa dzə mo vé‑eè yii dzə́ fo mbìy.

Jeremia 29:14

é m yii, é vèn yén. Suuy mo woo Nyùy Tàr. M wíy siìr vijuŋ vén e vèn. M wíy baʼtí ven fó vitum vidzə̀m, à fó virə̀ʼ ve mò‑oò taʼarin ven, á dùkìr sho vi, e nèn lì, e kfən sho e kirə̀ʼ kee fo mò‑oò jùmèn ven, é bo vèn du, a dzə e kwaʼ nsàm.» Suuy a wun woo Nyùy Tàr.

Ŋwàʼ woó Rom 11:5

Kù dzə̀ réŋréŋ mo Nyùy kér sa ámóʼó vee wír fo veé Israyí mvəm é ghan see lèn sìn. A dzə̀ wír ve wù‑uù shoʼon ji və́ mo wù‑uù rərin mendzən fo fo, e bùʼ.

Lim Aŋgàa Ntum 8:40

Filiv lòo sìn, a wù sì é ntèʼ yee Asotur. Wù nèn a shaà, a fìʼtì sáʼka Nyùy wo juŋ ntèʼ sidzə̀m, e dù, e mèé e mvə̀mlaʼ Sisaria.

Lim Aŋgàa Ntum 8:26

Nshìylav Nyùy Tàr siíy, e wìy, e yèn Filiv, e sùúy sho jii, «Ku lò, a səy səyín é mbìv ròŋ, mee fo, à wàa jùmrì dzə́ə ye yì lo fo Jerusalem, tósin wóʼ, du e Gasa.»

Ŋwàʼ Luk 7:16

Wìr dzə̀m yén bey, wún wóví beémé. Á wáa sùyrì Nyùy, a suúy jii, «*Ŋgaà ntum Nyùy wo gháʼán fəə̀ ne e vèsə́n mvəm. Nyùy wìy ne fó sə wír və́.»

Mayka 4:10

Éè wìr veé Jerusalem, vèn gbu, a buʼtí, a konsí moo wiíy wo wù lúm wán. Vèn kù sí lo, e màʼtì ŋkàlaʼ yen, e dù, e dzə̀ʼə̀m e tím kwaʼ wo wú dzəə̀n tèéter là kikiŋ. Vèn lo, e dù e nsay Babilon. Yii bèy, Nyùy Tàr yíi sə ven fó, e bòyìr ven fo aŋgàa vibàn véné wo.

Jeremia 32:44

Wíri kù wíy a fətí mbàm, a yun sho, a saŋ aŋwàʼ njun, áànjene wáa wayrí wó sho, a fìnèr. Á kù wíy a yiì bèy e nsay Benjamin, a yiì bèy e ntèʼ se sí kaarin Jerusalem, a yiì bèy e ŋkà se laʼ seé Juda, à se sí dzəə̀n é mbìv wòŋ yee agwan, à se sí dzəə̀n é mbìv Shefela, à seé Negev si, a dzə̀ bìʼ fo m wíy siìr woŋ wóv aáwune. Suuy mo woo Nyùy Tàr.»

Jeremia 31:7

Nyùy Tàr yoŋ jii, «Vèn wáa yòv kitávín, a sheʼrí rám Jakov. Leŋe wáa koʼ mo dzəə̀n wun fon vitum. Ŋkèŋé wáa koʼ, é vèn wáa sùyrì mo, a suúy jii, ‹Éè Nyùy Tàr, ku sə̀ wír vé, kibér ke wìr vé veé Isray.›

Jeremia 30:3

Leéy, e yèn, ghán sí sí gheenè se m wíy siìr vijuŋ ve wìr vém veé Isray wùn à veé Judàa. M yíi siìr áwune é nsay ye mò‑oò foon ne aàtàr véví, aáwune nèn yì vitsə́ʼ vév.»

Jeremia 23:3

Mómò kitú kém, m yíi baʼtí kibér ke wìr vém fó vitum, fo mò‑oò jùmèn, á táʼrí, e dùkìr. M yíi siìr áwune é nsay ye dzəə̀n yéev, aá wáa dzəə́, a kùʼ, a dzə aneénín.

Jeremia 3:18

Ghán sin si dzə̀, a wír vén vee rám Juda wùn à vee rám Israyi wíy tatí, e fəə fo vitum veé mbìv yee kuy, e kfən e nsay ye mò‑oò foon áàtǎr ram véné ji vitsə́ʼ.› »

Aysaya 11:11

Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.

Nsùyrì Nyùy 85:1

Éè Nyùy Tàr, à kù‑uù sí shám mendzən me wìr vee wò wòŋ, wò‑oò lo siìr vikuʼùy vé wìr veé Isray aáwune.

Kèʼlo 50:24

Joosev nèn lò, e sùúy aàfə́r vəə́ jii, «M sí méʼ mentsə̀m me kpu. Nyùy kù wíy sham ven, e fəə́r fo wòŋ fèn, e dù sho e wòŋ wo wù‑uù kàʼàn Abraham wùn à Aysi, à Jakov sho, e kfə̀n lìʼ.»

Hagay 2:2

«Dù sùŋnín lèn e Serubbabel woo taà saʼ woó Juda woo wan Shealtiel, e kfə̀n sùŋnín e Joshua woo taà cù wo kuʼùn woo wan Jehosadak, à kibér ke wìr ke kí‑iì kfənen fó kwaʼ nsàm kí.

Hagay 1:12

Serubbabel woo wan Shealtiel wùn Joshua woo wan Jehosadak, à kibér ke wìr ke kí‑iì kfənen fó kwaʼ nsàm kí ku nèn yùnín jí Nyùy Tàr woo Nyùy wov. Dzə̀ ji vé‑eè yuùrí ntum ye Hagay woo ŋgaà ntum Nyùy‑iì tiisin réŋréŋ mo Nyùy Tàr woo Nyùy wov‑iì tumen wun, e kù nèn biìmé, e ghvə̀m Nyùy Tàr.

Tsəfaniya 2:9

Rúrú, mo woo Nyùy Tàr woo Taà Mànjòŋ, mo woo Nyùy wìr veé Isray wo m dzəə̀n e tin, m lìʼ ne feyì ji m wíy laàr Moav, é wù kfə́n moo Sodom, e laàr Ammon, é wù kfə́n moo Gomorra. Nsay yee fó wíy a dzə bií sé shiŋgwaŋ. Yì wíy bir, e lày kisáŋ, yòʼ dzə̀ kifá ki kùy fó, e shaà là kiv. Kibér ke wìr vém kí wíy faàsì vifá vév, wír ve á wíy ber e Judàa wíy yòv nsay yev. Suuy mo woo Nyùy Tàr.»

Aysaya 14:1

Kí dzə̀ jii, Nyùy Tàr wíy sham mendzən me rám Jakov, e kfə̀n lì áwune vee wír veé Isray ji wír və́ ve wù shoʼon. Wù wíy siìr áwune é bàm, aá kfən tùúy aáwuné nsay. Vitúm vi wíy a wìykìr, a tatí áwune vee rám Jakov, é wùn áwune wáa dzə wír amòʼón.

Ŋwàʼ Rut 1:6

Ghán sí lòo dù, wù nèn lò yù ji Nyùy Tàr sə̀ á ne wír və́ veé Isray, á koóy á vifá ve yi. Wùn à vikǐy ŋkfə won vəə́ nèn bàʼtí ji á lo á fo Moav fèy,

Nsùyrì Nyùy 80:14

Éè Nyùy, wò woo Taà Mànjòŋ, bìnkìri, e wìy sə̀ ver. Màʼ sí yée fó yuv, e yèn ver. Ku shàm mendzən me kitìír ké kìn,

Aysaya 11:16

Kí kooy bèy, é Nyùy Tàr nèn yiì, é dzəə̀ yee réŋ fəə́sín. Dzə́ə ye ashàr wìr ve á berin é Assiriyàa fəə́ shó fo fo, réŋréŋ mo wun woo Nyùy Tàr‑iì kivin dzə́ə, wír veé Israyi fəə́ shó fo wòŋ Ejiv.

Aysaya 32:14

Rúrú, á wíy màʼày ntoʼ yev, é yì kfə́n é vifə̀m, é màŋgòŋ sám fó ŋkàlaʼ. Virə́ʼ vév ve tavkín wùn à vé ŋkiy vi wíy kfən ji mbvə̀ʼ fo nyám si dzə́, a kù wíy a dzə mbvə̀ʼ yev bey ntàmda. Dzə̀ fó, fo vimbèʼbìy veé kwaʼ wùn à nyám seé laʼ si wíy a yikír, a yu vijuŋ.

Jeremia 29:10

Nyùy Tàr kú a suúy jii, «Kiyá kee msaàmbà ke á lèmèn ji ké vifòn veé Babilon ki wíy shaà, é m nèn bìnkìr, e lèéy ven, e yiì kinyo ke mò‑oò kàʼàn ven shó, e lì ven, e kfən sho e věn wòŋ.

Jeremia 33:12

Kinyo ke Nyùy Tàr woo Taà Mànjòŋ yoŋ ki dzə̀ jii, «Kirə́ʼ kin ke kí duùn ne e vifə̀m, a bó wíri, kìn nyám si yòʼ dzə̀ fó ki dzə̀, a vibìn vé nyàm vi kfə̀n wíy a dzə fo, áànshìyi wáa lèm nyám sév fó. A kí kù wíy a dzə bèy ŋkà se laʼ see fó sidzə̀m.

Jeremia 47:5

Wír veé Gasàa kwaày ne vitú, a dìy, veé Ashkelone wáa dzə kév kisə́sə. Óò kiber ke wìr keé mboʼ fèn, vèn wíy jàʼtì wún ben, e jòʼsì e le?

Hosea 6:11

Fo ké ven vee wír veé Juda ki, m lèm ne sa ghán se vèn yíi kav ŋgeʼlàʼ, fə̀m mo m kì koŋ kém ji m siir vijuŋ ve wìr vém fó.»

Tsəfaniya 3:13

Wír ve á wíy ber e Israyi yòʼ dzəə́ wìy a yiì kinyo ke bi kí. Áwune yòʼ dzəə́ wìy a boʼtí kimboʼtì, aá yòʼ dzəə́ wìy a suŋnín lám kisaŋe. Á wíy a dzə e vijùŋ, a yikír, a meèmè. Fan yímóʼó yòʼ dzəə́ wìy a dzə aáwuné meliv.»

Aysaya 11:14

Wír veé Efrayim wùn à veé Judàa wíy suusín, e ghiʼ wír veé Filistia e rə́r sí, áwune ve á dzə́ e sar se agwan, e mbìv yee fo shùy yii nəə, e kfə̀n kuúy vifá ve wìr ve á dzə́ e mbìv ye shùy yii tó fo fo. Á wíy boŋ wír veé Edom wùn à veé Moavi, a dzə̀ e kiŋkoòvì ki, é wír veé Ammone wáa neŋ a dzə̀ aáwuné sar saʼ.