Biblia Todo Logo
Bib sou entènèt

- Piblisite -




Tsəfaniya 2:5 - ŊWÀʼ NYÙY

5 Ven vee wír veé Filistia, ven ve á dzə́ e ŋguùŋè rìbà ndzə̀v, lǒn Nyùyi shòv ne ven. Woŋ Filistia e nsay wìr veé Kanan, vèn gbù ne nsaʼ Nyùy Tàr. Nyùy Tàr suuy jii, «M wíy laàr ven, é la wìr yòʼ bèr.»

Gade chapit la Kopi




Tsəfaniya 2:5
14 Referans Kwoze  

Bo ke mo woo Nyùy Tàr woo Taà Ndzə suuy ki dzə̀ jii, ‹E ké ru kí, m yíi màʼ kiwó kém e wír veé Filistiàá kitu, áwune vee wír veé Keret, e nèn laàr kibér ke wìr ve á dzə́ e ŋguùŋè rìbà ndzə̀v.


A dzə̀ yì siì yàr e le, a Nyùy Tàr yóŋ ne ji á mo kí kú a dzə? Wù fò ne sáʼ jii, á ku taàmé a Ashkelon wùn à wír veé ŋguùŋè ndzə̀ví.› »


Wír veé Isray, vèn yuúrí kinyo ke Nyùy Tàr roomè ven shó ki. Wù roomè ven wír adzə̀m ve wù‑uù fəərin fó wòŋ woo Ejiv, suuy jii:


e lì ŋgvən se wìr veé Awim sidzə̀m, e mbìv wòŋ yee tsə́n.» Nyùy Tàr yòŋ bèy, a ké ŋgvən yee lò fó ndzəv yee Shihor, e bìíy wòŋ Ejiv, a kfənér e mbìv yee kuy, a dù e bìíy Ekron, vé‑eè yèn ji dzə̀ á nsay wìr veé Kanan. Ké ŋgvən wìr veé Filistia ki‑iì dzə̀, a kér afon atàn, woó Gasa wùn à woó Ashdod, à woó Ashkelon, à woó Gat, à woó Ekron.


Wír vìyi yuúrí ŋgàn rə̀n, e kìíy ji Jesus yòv a dzə̀ á bìʼ áwune, e nèn a bam, e bóo fàn màŋgòŋ wo wù‑uù dzəə̀n fó, e màʼtì, e lò.


Yii bèy, kinyo kidzə̀m ke mò‑oò yiìn aŋgàa ntum vémé yíysí, e kàntì atàr vén shó, kí kù‑uù ghèén aáwuné kitu. Áwune nèn bìnèr melív mev, e sùúy jii, ‹Nyùy Tàr woo Taà Mànjòŋ lòvtí e vèr mo wù‑uù kàʼàn, réŋréŋ mo liì wor kisaŋ wùn à njiìn wor wo bi‑iì dzəə̀n.› »


Nyùy Tàr suuy jii: «M laàr ne vitúm, ŋkà se laʼ sév sí sì siketìn, wìr yòʼ dzəə́ kum fo, fə̀m e mòʼón. Kay sév se sí giŋ láʼ si kèrkìr ne, dzə́ə seé mvəm sé laʼ si kwiíy, a wìr yòʼ dzəə́ shaa sho.


Wír veé Isray, éè mò, vèn yuúrí yòv dìy wo m yov, sheŋ kitú bìʼ ven.


Fə̀m wír wo vèn yén ji ŋgaà kitàn, wù kù wíy a yiír njiì və, áàghéʼnceyí wáa neŋ bèn ji dèʼ. Yii bèy, fo kén kí, m wíy màʼ jíŋ, é yì laar ven, à rune shó, a m wíy yuyrí wir dzə̀m fo vèn, wo wù wíy ber.


Vitúm ve ví‑iì gòʼòn é nsay foo fèy vi‑iì dzə̀ jii, ŋkà se laʼ seé Filistia see sitàn, wír veé Kanan, à veé Sidone, e lì wír veé Hiv ve vé‑eè dzə́ e Gwan Lebanon, e kèʼ fo Gwan Baal‑Hermon, e dù, e bàʼ e dzəə ye yì nəə e Hamat.


Vèr‑ii nəə́ rə́r é Negev, e faàsì vifá fo wír veé Kereti, e kfə̀n faàsì fo rám Kalev ye dzəə̀n wír veé Judàa, e nèn tòn Tsiklag e və́yí.»


Ven vee wír veé Filistia, lá vèn yòʼ a sheʼrí ji ŋkoó wo wú‑uù wúŋ vené shèsìn ne. Á sə̀m ne mfǐŋ yò, a kù yíi mee búv fo fo.


«Ven ve á dzə́ e ŋguùŋè wày, vèn wáa dìy. Wónlě way véné dzə̀ ben adzə̀m, aá kpùkír ne. Á wíy laàr wir dzə̀m wo wù binèr mbàm e wo.


Virə́ʼ ve ví dzəə́ bér vi dzə̀ jii, ŋgvən se wìr veé Filistia sidzə̀m wùn à sé wìr veé Geshur si,


Swiv nou:

Piblisite


Piblisite